بنات الحقو علي

[غنوده]

مساء الخير يااخواتي


انا عندي عزيمه يوم الاحد عشاء<<< ذبحها زوجها بالعزايم كل اسبوع يعشي الشباب بس مو بها العدد ويكون عشا خفيف او قهوه

المهم
اللي بيجوننا سبعة رجال سعوديين وكلهم كبار بالسن يعني من 35 ال 40 وفيهم بالعشرين
اما الباقين فهم 2 فلسطينين و3 سوريين
الان انا محتاره وش اسوي لهم يعني طريقة العشاء اسويه نظام بوفيه ولا الطريقه العشا العاديه
ونفس الوقت محتاره بالاصناف اللي اسويها

اول مره يجون بهالعدد
وانا اقصد كبار يعني يعرفون الطبخ الزين من الشين ويعرفون الحلا وهالخرابيط

تكفون انا محتاره

يمكن اسوي خمس اصناف حلى :cl:
وموالح مدري شسوي بالضبط لو قلت محشي وسمبوسه <<عاد السمبوسه يحبونها لانها غير متوفره هنا

وقرصان <<اجيبه من بقاله عربيه

وسلطات بسوي نوعين

والباقي ماادري وش اسوي احس انه قلي:(ل

طبعا ماعندنا ذبايح عشان افتك لازم اسوي لحم ودجاج

والله محتارهه(g)(g)(g)
انتظر ردودكن واقتراحاتكن

[oaj]

والله شوفي غير الرز لا تدورين , والله لو يجون 100 يكفيهم وزياده

[بنت نجد]

مساكِ الله بالنور والرضى والسرور ..

حيا الله الحبيبة غنووودة :)

اول شي الله يعينك ويسهل عليك الشغل ..ويعدي العزيمة على أحسن حال..:rolleyes:

ونصيحة من أخت محبة لكِ إذا جيتي تنامين سبحي الله 33 مرة واحمدي الله 33 مرة وكبري الله 34 مرة .. فهي بإذن الله تعينك على الشغل والعمل المنزلي ..

وثاني شي ياحبيبتي من ناحية الأفضل فالبوفية أفضل .. تقدرين من خلاله تنوعين بالأكل لكن بكميات قليلة شوي ..

واكيد لا تنسين الطبق الرئيسي كبسة الرز ..وجريش إذا تلاقينه عندكم ترى تصلحيه جداً سهل ..:rolleyes: وقرصان بعد ..

عصير كوكتيل .. وبرتقال .. وليمون بالنعناع

وسلطات منوعة .. فتوش.. تبولة .. سلطة بقووول

سمبوسة وسبرنق روول ..

محاشي ..وضروري ورق العنب <<<< تحب ورق العنب :o

حلا سفرة نوعين .. نوع ناشف مثل الكنافة وحلا كاسات ياهووو رووعة:rolleyes: ..

هذا اللي اقدر اقوله .. وإلا الأقتراحات واجد بس أخاف اتعبك يا الحبيبة ..:)

والله الله بالتنسيق الحلووو للسفرة .. واكيد أنتي قدها وقدود :rolleyes:

حفظكِ الله

اختك

بنت نجد

[سيف العداله]

صحنين وسط فيهم رز وفوقهم دجاج محمر وعلى الجوانب كوسا وباذنجان وقرع :)
وسبع صحون صغار قرصان ومثلهم جريش ومثلهم مرقوق
ثلاث صحون صغيرة مقليات من كبه وسنبوسه وباقي الشله
ثلاث صحون معجنات غير اللي فوق:p
طبق ملوخية وطبق باميه
سلطة خضراء وسلطه حاره شطه :rolleyes:
نوعين حلا والافضل واحد جلي والثاني كريمه
ثلاث اطباق فاكهه

وصدقيني اذا شافوا الاكلات الشعبية السعودية راح يحسون بنكهه غير وتكون مفاجئة مذهله لهم ويمكن يدمنون اكلك :o

بس اهم شي
انتي تعرفين تطبخين جريش ومرقوق (a)

[غنوده]

الله مر يسلمكم كلكم

انا فكرت اسوي اكلات سعوديه وشعبيه لاني صارت عندي عزيمة قهوه قبل اسبوع لشباب غيرهم بس سعوديين
ودقوو بالسمبوسه والجبنيه والفطاير
وانهبلو على خلية النحل<<< ياقدمك

بس هنا ماعندنا الات وحركات زي السعوديه حتى ورق العنب مافيه

والجريش بتحول عيوني عليه ماعندنا بس قرصان نلقى الرطب في بقاله عربيه تبعد عننا ساعتين يؤيؤيؤ




والله اقتراح سيف مذهل <<<<لايكون تحوف المطبخ بدال المدام

بنت نجد ياليتك عندي تساعيني وتفزعين

[نهر الحب]

غنوده حبيبتي.....
اقتراحات الاخوان كويسه جدا .....والبوفيه احسن بكثير
لكن عندك معازيم غير سعوديين ويمكن ماقد مروا على السعوديه الرز اقتراح مضبوط ..والجريش ايضاً لأني من عشاقه ههههههههههه بس علشان الضيوف الاخرين ممكن تسوين ايدام با ميه او خضار او محاشي مشكله يعني كوسا وفلفل وبا ذنجان اشياء يحبها الشباب السعودي وتروق للعرب الاخرين
السلطات نوعين وحده فتوش ممكن محبوب للجميع ووحده من النوع البقوليات والمكرونه اللي يخلط بالمايونيز .... لتنويع النكهات والمذاقات
العصير نوعين تفاح وكوكتيل او اللي تحبين
والحلا نوعين اذا ربي قدرك سلطة فواكه وحلا ثاني من عندك...
والله يساعدك وليتك قريبه كان ساعتك وسويت لك طبق وارسلته لك.
تراني احب الفزعات...هههههههههه

[غنوده]

نهر الحب يابعد عمريمشكوره يالغاليه ماتفصرين
اعرفكم يااهل ديرتي تحبون الخير والفزعات

[أم أديم]

ههههههههههههههههههه
هههههههههههههههههههه :o وش هذا يا سيف
صدقتي غنوده
اكيد انه يدخل المطبخ والمدام مرتاحة :p

ماشاء الله ما خلوا الحبايب شي ما قالوه

:rolleyes:

الله يكون بعونك يالغاليه (qq)

[مستغرب]

سيف العداله طلعت طباخة وانا ما ادري

لكن انا اقول لك

ما فيه مثل الرز طال عمرك

قدر رز ... وقدر آخر لحم .. وكثري البهارات ولاتنسين الحبحر طلعت كذا :rolleyes: ولا تنسين تحطين ماكدونالدز فوق الرز :eek:

لكن مو تقولين ان زوجك ذابحك بالعزايم

[همس الشفايف]

طااااااااااااااااااااااااااااااااااط جتس الشيفه همووووسه ( موب شيفه يعني شينه شيفه مشتقه من الشيف يعني الطباخه يعني السنعه وبس افهموها عاد عطيناكم وجه :o )


تبين فزعه ياااوخيتي تراني اعجبتس (qq)

بس بما انتس في امريكياء اخاف مايعرفون طبخاتس اذا حطيتي لهم قرصان قالوا وااااااااااااااو كورن فليكس:p


الله يعينتس والله

بس ابسألتس انتم تقلطون على طاولات وكراسي والا على الخد ( الارض) :o

اذا على طاولات وكراسي حطيه بوفيه ازين ولا تنسين الشوكااااااات :p

واذا على الارض ابد افرشي لهم هالسماط وحطي رزيزه والحيمه وجريشه والا اخلطيهن مع بعض يصيرون مثلوثه مرة وحده (qq)

وكثري صحون الفاكه على السماط على شان يصير السماط مليان ويقولون وش هالسنعه ( لاتقولون اني اسويها تراني ماقد سويتها :o )

اما الحلى قطعيه او حطيه في قوالب ترى ان خليتيه في صيانيه ماقطعوه ولا ذاقوه خابرتهم عجازين

وسوي اللي تقدرين عليه لا تتكلفين يابعدي ترى الجود من الماجود وانا اختس :rolleyes:

[دلع عيني دلع]

غنوده حبيبتي 00 قلبي معااااك ويااارب يصير عشاااااء ولا اروع 00

الاخوان والاخوات ماقصرو00 المهم الارز طبق رئيسي00 والسلطااات

والحلى حاولي تسوينه قبل بليله لان كثير من الحلى قبل بوقت يصير ررررررروعه0

الله يعينك 00 وعلمينا ايش صااار معاك000

ايه غنوده تذكرت ليش ماتسوين مكرونه بااي طريقه فيه له طرق تجنن00

واي حاجه محتاجه لايردك الا كيبوردك000

[غنوده]

الله يسلمكم كلكم صدق اثبتو اخوتكم لي


قررت بسويه بوفيه بس المشكله ان طاولتنا بس اربع كراسي وصغيره يعني بحط الاكل على الطاوله وهم ياخذو منه ويروحو للصاله وياكلو
مستغرب

زوجي صح معودني بس دايم هو وصديقه واحد اوااثنين
او قهوه حلى وفطاير وخلصنا

بس مو عددهم 13 مع زوجي
الله يجزاكم خير
ابشركم اتفقت مع خدامه امريكيه تجيني باساعه
يعني تجي الساعه 12 الظهر وتروح سبع المغرب
والله انها غاليه مثل راتب شغاله سيرلانكيه بالشهر وهي اخذته بيوم

[اشراقه]

النص الأصلي مرسل من قبل بنت نجد
مساكِ الله بالنور والرضى والسرور ..

حيا الله الحبيبة غنووودة :)

اول شي الله يعينك ويسهل عليك الشغل ..ويعدي العزيمة على أحسن حال..:rolleyes:

ونصيحة من أخت محبة لكِ إذا جيتي تنامين سبحي الله 33 مرة واحمدي الله 33 مرة وكبري الله 34 مرة .. فهي بإذن الله تعينك على الشغل والعمل المنزلي ..

وثاني شي ياحبيبتي من ناحية الأفضل فالبوفية أفضل .. تقدرين من خلاله تنوعين بالأكل لكن بكميات قليلة شوي ..

واكيد لا تنسين الطبق الرئيسي كبسة الرز ..وجريش إذا تلاقينه عندكم ترى تصلحيه جداً سهل ..:rolleyes: وقرصان بعد ..

عصير كوكتيل .. وبرتقال .. وليمون بالنعناع

وسلطات منوعة .. فتوش.. تبولة .. سلطة بقووول

سمبوسة وسبرنق روول ..

محاشي ..وضروري ورق العنب <<<< تحب ورق العنب :o

حلا سفرة نوعين .. نوع ناشف مثل الكنافة وحلا كاسات ياهووو رووعة:rolleyes: ..

هذا اللي اقدر اقوله .. وإلا الأقتراحات واجد بس أخاف اتعبك يا الحبيبة ..:)

والله الله بالتنسيق الحلووو للسفرة .. واكيد أنتي قدها وقدود :rolleyes:

حفظكِ الله

اختك

بنت نجد

[نهر الحب]

طمنيني يا غنوده وش صار معاك
قلبي عندك والله
الله يساعدك

[ابو تميم]

قهوة تركية مع بقلاوة ممكن الستعاضع عنها بقهوة عربية مع التمر
الحلى يسد شوي
بعدين طلب من كنتاكي والحمد لله ولا تتعبين نفسك
أو اقتراح آخر يمكن يخليكي ترجعين للسعودية بأقرب طائرة وهو إنك ما تسوين شيء وقولي لزوجك احسبك تمزح الله يهديك الواحد ما يعرف جدك من مزحك يالله بسرعه جب لنا من المطعم لا تفشلنا بعدين يقولون عنا بخلاء يالله ياحبيلك وكذا تنتصرين وتكونيين حليتيها اتبعي نصايحي وشوفي

[دلع عيني دلع]

غنوووووووده0000 وينك 000

وايش صار معك 000

تحيااااتي000

[غنوده]

ماعليش تاخرت عليكم


لاني كنت في واشنطن

المهم ابشركم العزيمه عدت على خير والشباب انهبلو من الاكل <<<< خير انهبلو


واحد منهم يقول داخل على سعد الدين ذكرتنا فيه يقصد زوجي




بس الحمد لله انها انتهت على خير والاكل كان مضبوط مره



كله من بركاتكم ونصايحكم


الله يجزاكم خير


دلع مشكوره على اهتمامك عقبال مااشوفك تكرفين ببيت زوجك