الزواج من الاجنبية هل هو مطلب ام تسلية ؟؟؟؟؟؟؟؟؟؟؟؟؟؟؟؟؟

[مطر الكلمات]

حقيقة ظهرت على السطح مشكلة الزواج من الاجنبية واقصد هنا الغير سعودية اين كانت جنسيتها وهنا اتسال هل الزواج من الغير سعودية اصبح مطلب او هو نوع من الترفية والتسلية !!؟؟ وهنا لن اقول ان ليس هناك فيئة تضطر الى الزواج من اجنبية كون السعودية ترفضة وهي نسبة قليلة ولها ظروفها ... بينما النسبة الكبيرة تجدة يتزوج لمجرد الاستمتاع وقد يكون متزوجا او انة نظرا لان في تلك البلدان الزواج ليس بذاك المكلف تجدة يتساهل ويتزوج وبالتالي يتركها في بلدها او يطلقها دون ان يعلم احد .. او ان يتركها لكل صيف بالسنة !!! وهنا ظهرت مشاكل الابناء من تلك الامهات فهم لم يحصلوا على جنسية السعودية او حتى تبعوا لامهاتهم فضاعوا والسبب نزوة اب متهور ومستهتر يلعب في الخفاء لنزوة بة ورغبة امتاع واستمتاع والنتائج وخيمة اطفال يضيعون زوجات تترك وتهمل وتنسى فالى هؤلاء اقول لهم الا تتقون الله .. اين العدل .. وماذنب ابنائكم هناك الليسوا لهم نصيب من ابوتكم ونفقاتكم ويرثونكم ..!!؟؟
فمن هنا لابد ان تنظر السلطات الرسمية بالتنسيق مع الدوال الاخرى ان يكون الزواج بعلم من السفارة وان يتقيد بشروط يوافق عليها العريس منها حقوق الزوجة هناك وابناؤها .

[حنونه]

اخوي مطر اشكر لك طرح مثل هذه المشكلة التي فعلاً تفشت في مجتمعنا ومع الأسف انتشرت من باب التفاخر بالعاميه "" يعني اني اخذ سوريه او مغربيه واللخ .."" والمشكله تلقاه يتعلث بالرخص وهالكلام كأن الزواج صار تجاره اخي الكريم كون الأجنبيه تكاليف الزواج منها اقل فهذا كلام اكل عليه الدهر وشرب ايام امي وابوي ... لكن هالحين الله لايوريك تكاليف الزواج من أجنبيه صارت دبل 10 مرات من تكاليف الزواج من سعوديه بتقولون ليش ؟؟؟؟

اول شيء لازم يجيب فيزاء وهذه اكيد بتكلف من 10 إلى 20 ألف في أقل الأحوال
ولازم مهر بنقول اقل شيء 30 ألف من غير الهدايا والإغرات والذهب اللي ياساتر كل الأجنبيات ماتقدر ترفع يدها من الذهب اللي تلبسة لما تكون متزوجه من سعودي ..
طبعا من غير البيت اللي لازم يأمنه لها في ديرتها علشان لما تنزل في الصيف تتفشخر فيه ومن غير هدايا الأهل (( الأب والأم )) هذا من دون الأخوان وطبعا لو عندها اخ لازم يسوي له فيزة عمل وهلمجرة .... وطبعا لما تجي للسعودية تقول ذي كانت عايشه بعز ماحد عاشه تتفقعص وما يعجبها العجب تبي تغير الفرش وتبي تحط وتجيب لحد ماتخلي الرجال مديون وحالته بالهم .... وطبعا من غير التشكي والتبكبك قدام الناس لما يصير بينها وبينه اي مشكلة ....

عارفه إني طولت عليكم وكثرت كلام لكن والله إني اتكلم من تجارب يعني مو من فراغ اعرف واحد متزوج مغربيه وماجابها إلا بطلعة الروح ولما جات ماعجبتها الشقة اللي اخذها لها مه انها شقة معقولة بالنسبة لشخصين توهم متزوجين وحنت عليه لحد ماقلبها لها سيراميك وبعد كذا هبلت فيه لحد مانقلها في دور أرضي طبعا ومارضت تأخذ بعض الأثاث بحجة انه مو عاجبها مع انه جديد وحلو ومن الرياض وماصار له 6 شهور واهون كلمه عندها مو عاجبني بكبه .... والله يشهد على ذلك وكل ماصار شيء قامت تحش بالسعوديين والسعوديات انهم همج مغجر ومايعرفون يتعامولون مع الناس ومايعرفون يربون عيالهم .......................الخ

اخي الكريم هذا غيض من فيض والله ياموضوعك ذا جا على الجرح تصدق ياأخوي كنت في اندونيسا والفندق اللي كنا فيه مليان سعوديين والله تنقهر عليهم تحس بقلبك نار وشابه كل واحد من هاالشباب مخاوي له اندونيسية وشوف هالدلال اللي يدللها اياه وشوف هالشراء اللي يشتري لها اياه ومنافساة بينهم وبين بعض ....

عموما هذا ماعندي وكله من مااشوفه بعيني ومن واقع حياتي.. مابيدي غير اقول الله يهدي شبابنا ورجالنا اللي طايره بوهتهم بهالأجنبيات ......

[أم أديم]

يا حبي لك يالحنونه كفيتي ووفيتي

وفعلاً الزواج من الاجنبيه صار موضة والكل يتبعها

البعض يقول ان الاجنبيه أقل تكلفه من السعوديه وهذا غير صحيح وزي ما وضحت

حبيبتي اللي قبلي حنونه

وفيه البعض يقول ان الاجنبيه احلى وارق وأعذب وأكثر دلال من السعوديه

إذا كانت كذلك فالسعودي راح يكون نفس الشي يعني دائماً التعامل بالمثل يكون

ولو اني اجزم ان اغلب السعوديات هي التي تلقب بالودود الولود والحنون ايضاً

السعوديه تتميز بولاء وحب للزوج واحترام الشي الكثير لانها تربت على كذا

تربت ان الزوج هو الآمر الناهي ويجب حفظه بغيبته وحضوره

ونقطة ثانيه السعوديه وأغلبهن يتزوجن بسن مبكرة يعني بإماكن الزوج

انه يربيها على ما يبغى والفرس من خيالها

السعودية لما تحصل زوج يحترمها ويدللها أكيد راح تعامله بالمثل ولا راح تكون

أقل من غيرها

لكن الظاهر ان الرجال يطالعون في المسلسلات وراء الكاميرات ويجلسون يقارنون

بين زوجاتهم وبين اللي جالسه نص يوم عند المرايه وطبقات المكياج

هذا بعد تغيير خلقة الله لها والله المستعان

انا صحيح طلعت عن محور الحديث بس لازم البزار والبهارات

والزواج من الاجنبيه هو اشباع رغبة ونزوة في الرجل السعودي

وهدفه في هذه الحاله غير سامي ولن يكون ناجح وخاصة ان كان تزوج بهذه الطريقة

فالزواج الذي يبنى على اساس خاطئ فسوف ينهد

والآن نسمع كثير من القصص ومن الرجال الذين تزوجوا من اجنبيات

انهم لم يستطيعوا العيش على طول مع زوجات بسبب عدم التفاهم

لان مجتمعنا يختلف عن المجتمعات الآخرى

ونسمع من الرجل انه يقول هذه العبارة ( عجزت اعبش معها ما تعرف لي ولا اعرف لها )

وهذا شي طبيعي يحصل

مشكور اخوي غيث الكلمات على مواضيعك الرائعة

دائماً متألق وستظل كذلك ان شاء المولى


اخت
الكل
قصيميه

[مطر الكلمات]

اخواتي نجمات المنتدى : حنونة و قصيمية تحية عطرة
طابت اوقاتكما بالخير والمسرات

جداجدا سعيد جدا بموقفكما من هالموضوع ومدى شفافيتكما منة واشكركما على اضافتكما لة وفعلا لكم سررت ان ارى مواقف كهذة من نجمتين متميزتين وامل التواصل معي لاني اسعد دائما برودوكما تمنياتي لكم دائما بطيب الوقت
ولكم مني وافر التحيات

[ابو تميم]

موضوع جيد أخي مطر
وكلام حنونة وقصيمية وافي وكافي
وأحب أزيد إنه كل ممنوع مرغوب حتى لو هو شين
طبعا هذا ليس معمم على كل من أخذ أجنبية فعلا البعض له عذر وليس كل الأجنبيات سيئات بل العكس في منهن بنات عوائل ومنهن محترمات وصاحبات دين وخلق
لكن سؤالي هو لمن يذهب للخارج ليتزوج هل لقت زوجته الأولى الدلال والحرية التي تأخذها الأجنبية
ولاننسى أن هنالك أجنبيات مظلومات جدا من قبل أزواجهم سواء اللي تأتي أو التي تبقى
والله المستعان على ما يقوم به هؤلاء أصحاب النزوات
وسلامتكم

[سيف العداله]

ما بعد كلام حنونه وقصيميه شي
كفن ووفن عن اللي ببالي :)

[سراب]

الزواج حريه شخصيه وعشره عمر


يختار الشخص ما يناسبه

اللي ما يبينا ما نبيه :md:

[أم أديم]

للرفع

[ولــد بريــدة]

انا من المؤيدين

من الزواج على اجنبيه

واتمنى الزواج من اجنبيه

وخاصة اندنوسيه

جمال وخفت دم

[أم أديم]

(a) ولد بريده


وش هذا اندونيسيه


:p

[ولــد بريــدة]

اجل لخذ قصيميه

طلبات اللهم يا كافي

ودني لاهلي نبي السوق

ام الجيران عنده القهوة

جب من اهلي حاجة

بنروح للملاهي

نبي استراحة
طلاعة الولادة

ابي فستان لعرس فلانه

الي يشوفك يقول الراجحي

على غفلة

مع احترامي للجنس الناعم

[بنت نجد]

بسم الله الرحمن الرحيم

السلام عليكم ورحمة الله وبركاته

كاتبنا المتألق دائماً .. غيث الكلمات..

دائماً كلمات كالغيث العذب .. تكتب لنا بكلماتك مواضيع رائعة .. تروي لنا عطشنا الدائم لمثل هذه الأطروحات المفيدة..

اسأل الله أن يجعل ماتخط يمينك حجةٌ لك لا عليك يوم الدين..

أخي غيث الكلمات..

مشكلة الزواج من أجنبيات .. من اعظم المشاكل التي يعاني منها مجتمعنا السعودي ..

للأسف الشديد اصبح الرجال عندنا مهوسون بشيء أسمه الزواج من أجنبية..

يتحججون بأنهن أجمل من السعوديات..!!

وأنهن صاحبات دلال ودلع..!!

وأنهن يُحسن التعامل مع الزوج ..!!

وأنهن لا يكلفن الرجل إلا القليل من المهر والمصاريف ..!!

أنت يامن تحتج بأن الأجنبية أجمل من ابنة بلدك.. هل أنت على قناعة بما تقول ؟؟

هل كل الأجنبيات جميلات مثل مايظهر لك منهن في القنوات الفضائحية .. ؟؟

على قول أختي الغالية قصيمية.. كيلو مكياج + كم عملية تجميل + مكر ودهاء وتصنع

أنا لا أذم كل الأجنبيات .. بل يوجد في كل بلد منهن صاحبات خلق ودين .. اسأل الله لي ولهن الثبات على قوله الثابت..

لكني اتحدث مع من هو مهوووس بجمال الفتيات الأجنبيات والأتي يظهرن له في الفضائحيات..!!

ولله الحمد والمنه الفتاة السعودية تتمتع بجمال رباني .. ويكفيها فخراً أنها ملتزمة بما أمر به الله ورسوله..

*
*

ومن ناحية من يبحث عن الدلع والتغنج...

فالمرأة بطبيعتها التي خلقها الله عليها تتميز عن الرجل بالرقة والدلال.. ويامن تبحث عن هذا الدلال أقول لك ..
اهتم بزوجتك وحسسها بإنوثتها وأحترمها وابشر بمن تدلعك وتضيء لك حياتك بالفرح والسرور..

*
*

ومن ناحية أنها تُحسن التعامل مع الزوج ..

فكل أنثى يحُسن الزوج معاملتها فسوف تُحسن معاملته إذا كانت صاحبة دين .. فمن عرفت الله ستتقي الله في زوجها وذريتها ومن حولها..
ومثلما تُحب إيها الزوج المعاملة الحسنة والدلع والدلال فالزوجة ايضاً تُحب ذلك وتحتاج إليه..

*
*

ومن ناحية أنهن لا يكلفن الرجل إلا القليل من المهر والمصاريف ..!!

كيف هذا؟؟

يكفي ثمن التذاكر والفيز .. وودني أهلي ازورهم وابغى هدايا لهم..

واظن أن أختي الغالية حنونة وضحت هالنقطة بالتفصيل ..

مسكين من يحسب أن الزواج من أجنبية لا يكلف إلا القليل ..!!

يكفي اختلاف العادات والطباع..

يكفي عدم التوافق في البيئة واختلاف طرق التربية..

يكفي ضياع الأبناء بعد الطلاق ....!!

فمن خلال ما شاهدت في مجتمعي هو فشل ذريع لكل زواج من أجنبية..بنسبة 98%

والضحية الأبنااااااااااااااااء

واعتقد أن الجميع تابعوا قضية الزواج من أجنبية في جريدة الرياض العام الماضي ..

قصص تجعل القلب يدمع قبل العين..

ولازال هذا الهوس موجود في أذهان الرجال..(kk)

*
*

هذا مالدي من رأي تجاه هذه القضية رغم أن في جعبتي الكثير لكن الحرف دائماً يخونني ..

وياليت كل الرجال يشاركوننا الرأي هنا...

لماذا تفضلون الزواج من الأجنبية على أبنة بلدكم؟؟

*
*

حفظ الله الجميع من كل سوء

أختكم

بنت نجد

[بنت نجد]

الرسالة الأصلية كتبت بواسطة ولــد بريــدة
انا من المؤيدين
من الزواج على اجنبيه
واتمنى الزواج من اجنبيه
وخاصة اندنوسيه
جمال وخفت دم

ردت فعلي بموافقتك على الزواج من أجنبية --------> :(

ردت فعلي على تمنيك الزواج من أندنوسية ---------> (a)

يعني الأندنوسية تتمع بجمال أكثر من بنات بلدك؟؟؟؟؟؟؟؟؟؟؟؟؟؟؟؟؟؟!!!!!!!!!!!!!! :cl:

اشك في ذلك (qq)

الله يحفظك

أختك

بنت نجد

[saamer lail naj]

صراحة اللي ردوا ماخلوا لنا شي لكن حبيت ادلي مع الاخرين وليس كما يقال مع الخيل يا شقرا
شكرا لصاحب الطرح وشكرال للذين تميزوا بردودهم , ولن اتطرق لموضوع الزواج او الصرف المادي وتغيير الفرش والذهب الخ الخ الخ ---- الخ ولكنا نسينا موضوعا مهما وهو الاطفال الذين هم ضحايا هذا الزواج هل تعلمون احبابي ان في سوريا مايزيد على 21000( واحد وعشرين الف شاب وشابه سعوديات امهاتهن سوريات وانهم ضائعون بين الاصل والفرع -- لكم ان تتخيلوا هذا الرقم وابحثو في الفلبين وتايلند والمغرب واندونيسيا ومصر والاردن ولبنان -- ويالله يالعم تكفون فكونا رفقا بالقوارير-- رفقا ببنات الوطن السعوديات ليش ترى مابهن والله اي عيب غير الجمال والاخلاق والحشمة ويكفي منهن انهن بنات وطن ويكفي من الوحده كلمة يا بعد عمري وقلبي-- وعصاقيلي وتسلوتي وتسبدي=== ههههههههههههههاي


----- من جد الموضوع ان شالله رايح ارجع له بعد ما ارجع من السفر وساكتب فيه موضوعا مطولا للمآسي التي يعيشها الزوج والاطفال وتعيشها بنت الوطن من خلال عزوف الشبا عن بنت وطنه
شكرا للجميع
مع تحيات
سامر ليل نجد
الرياض

[احلى الاسامي]

رغم ان الموضوع مطروح من وقت مضى الا اني أحببت المشاركة فيه بما اني غير سعودية <<< عفواً عفواً أأ أقصد أجنبية تعيش في السعودية


لعل أغلبكم غفل عن نقطة هامة وهي ان ليست كل اجنبية <<<<<<<تجري وراء النقود أو الجنسية أو أي شيء من ذلك


أنا (يمنية وبالتحديد حضرمية ) مقيمة في السعودية و ولدت بالسعودية وأكلت من خير السعودية أمي وأبوي عايشين فيها من صغرهم (تقريباً من يوم ماكانوا 16 سنة) يعني الحين لهم في السعودية تقريباً 40 سنة


40 سنة ياناااااااااااااااااااس


40 سنة ياعالم <<<<<<<<<<<<<< وتسمّونا أجانب؟؟؟


40 سنة على أرض السعودية

40 سنة في خدمتها <<<<<<<<< وأجانب عنها؟


قسم بالله فيه سعوديين مايعرفون السعودية وهجّوا منها طبعاً هاذول نتبرّأ منهم ومن أفكارهم وأفعالهم


وليش اغلب السعوديين يعتبرون اي أجنبي <<<<< مجرد عمالة وافدة


الحمدلله ياربي وهذا من فضله الحمدلله اننا بحالة ميسوووووووووورة جداً لا أقصد اننا أثرياء ولكن الحمدلله حالتنا جداً ممتازة (ليش تعتقدون أننا نجري ورا فلوسكم) لا والله العظيم اني مافكّرت بهذا الشيء أبد


الحين لو جاني عريس يمني غني وعريس سعودي حالته متواضعة راح آخذ السعودي (بس اهم شي طبعاً الأصل)

طبعاً بتقولون ليش آخذ السعودي؟

لني بكل بساطة مابي أولادي يكبرون ولا نزال نحمل اسم <<<<<<< (أجــــــــــــــــــــــــــــــــــانـــــــــــ ـــــــــــــــــــــــــــــب)


لعلّكم في هذا الموضوه تقصدون الاجانب من غير الجنسيات العربية

وأنا بكل صراااااااااااااحة لا أحبّذ زواج السعودي من أجنبية

تقولون اني أجنبيّة؟؟؟؟ ايه أجنبية بعيونكم (بس في الحقيقة أنا من السعودية وهي منّي) وأفدي ترابها


كثير منكم مكوّن صورة سوداوية عن الاجانب وما أعرف ليش!!!




هذا رأيي وسامحوني بس عصّبت شوي من كلام البعض




أختكم

احلى الاسامي

[محبة الصحابيات]

مشكوة اختي

[زمجرة الرعد]

والله هذا حاصل كثير