انا بحش في زوجي...!!!

[لميا]

راح ادخل في الموضوع لا ن مزاجي متعكر...
راح اقولكم موقف صاير معاي البارح..
اتفقت انا وزوجي نطلع ناخذ لفه بالسياره بعد صلاة العشاء
الى هنا والامور تمام
ركبت السياره انا وياه
وفجاءه تذكر انه ناسي يرجع قطعة ملابس يستبدلها من احد المحلات
طلب مني النزول من السياره علشان اجيبها من البيت
فقلت له بكل احترام ولطف ماني قادره انزل لاني اساسا كنت تعبانه
ضارب معي القولون وكنت متضايقه..
اصر زوجي على نزولي واستغربت منه هلحركه اللي على غير العاده
انا هنا حسيت في اللحظه هذي نفسي بالنسبه له غريبه
فطلبت منه تاجيل الفكره ليوم ثاني هذا وانا مقهوره
واصر اصرار عجيب
لدرجة انه دفعني الى اخراج مبلغ من شنطة يدي وقلت له هذي قيمتها بس فكني من سالفتها
انا عارفه ان الحركه غلط بس وربي سويتها من القهر
طلب مني انزل من السياره وقال خلاص كنسلت الطلعه بروح لواحد من اصحابي
انا دوروني هذيك اللحظه القولون شوي وينفجر من القهر
حسيت انه انسان غريب عني ما كان بينا حب ولا عشره مع العلم ان علاقتي مع زوجي
مضرب المثل للمحيطين فينا احنا اصحاب قبل نكون ازواج
اكمل اللي صار...هو طلب مني انزل وانا قمت اناظر فيه وشوي وابكي
شكلي كسرت خاطره ومشى في السياره وكملنا الطلعه
بس كنت طول الطلعه مجروحه من اسلوبه معاي
مع العلم انه حاول يراضيني خلال الطلعه بس بدون ما يبدي اسفه على اللي صار
وهو مرجعني من الدوام بعد حاول يتكلم معاي واهدالي اغنيه حلوه في الاذاعه بس
لسى حاسه نفسي مقهوره ومجروحه من اسلوبه اللي لاول مره يسويه معاي

وانا الحين ابغا اسمع اراءكم في اللي صار ...بدون مثاليات وبدون تجريح

[(10)KiNG ToTTi]

...

يقلون ان المشاكل الزوجـية هــي ملـح الحياة ..!!

ومن كلامك انه مافيه بينكم مشاكـل وهذا اول مـره تحصل ..!!

فالظـاهر واللـه واعلم أن زوجـك حب يضـيف (شوووية) ملـح على حياتكم .. خخخخخخ !!

تحيااتي للرومنسيين ..!!

[شجــن]

ياحياتي يا لميا ..هدّي شوي ....انت تعبانه ..وهو زهقان ..و صار اللي صار ...تحصل في احسن العائلات ...لا تخلين الزعل يطوّل ...وعسى هالصداقة اللي بينكم تدوم ....

[رهينـة]

تتكلمين من جد؟!

يعني وش تبين يسوي ..
رضا وراضاك دلع ودلعك
وش بقى

ياختي ماقصد فيها تجريح او استهزاء..وما الى ذالك
بس الرجال سوى اللي عليه
المفروض هذا تبوسين جبينه احتراما له..لان رغم انك عصيتيه لامر تافه مازعل عليك إلا المسكين زعلتيه ورجع يراضيك

بيني وبينك وما حد يسمع خفي الدلع اشوي..اللي مثله(على حسب كلامك عنه) نادر.

[العقاري33]

مثل ما قالوا الاخوان يا اخت لميا

الموضوع ما يحتاج كل هالزعل

يعني انتي كنت ضيقانة في ذيك الساعة وهو كان يمكن طفشان أو عنده مشكلة
وصار اللي صـار

بعدين الرجال يتودد لك ويدلعك .. يعني افهميها ... يقول : معليش يالغالية سامحيني ( هذا لسان حاله)

في الاغلب الرجال ما يتأسفون صراحة من النساء وهذه طبيعة فيهم يمكن تكون غلط بس عاد وش نسوي

لكن يلمحون بالاعتذار وهذا الشي اللي سواه لك زوجك

تراها المشاكل ملح للحياة الزوجية

يعني انتي علشان تحلين مشكلتك انسي الموضوع واقبلي اعتذار زوجك الذي قدمه لك فعلياً وليس بالقول

وقومي بترتيب ليلة حمراء فاجئيه فيها علشان ينتهي اللي صار ويعرف انك راضية عنه

وفقك الله

[النــــــــــــــــاصر]

وش السالفه اليوم مافيه ألا حش(qq115)

سيدتي
جمال الحياة في التغيير 00وشيء طبيعي يحدث ذلك
وإن لم يحدث كيف تعلمين أن هناك حب وشوق بينكم
بصراحه السالفه حلوه والعناد حلو بس خفي شوي
هناك نقطه هي المشكله في الموضوع
بل من وجهة نظري لو تحدث لي سوف أرد في ذلك 00ولم أسكت وهي
أن تستخرجي مبلغ من الشنطه كي يغنيني عن طلبي وماأريد من البيت
أتوقع الموضوع شوي صعب ممكن زوجك متفاهم معاك أو عارف تصرفاتك
لكن من وجهة نظري حركه شوي قاسيه 00000مثل ماقلت خفي شوي(qq6)

اتمنى لكي حياة سعيدة

النـــــــــــــــــاصر

[مليكة قلبي]

لميا
السلام عليكم
كيفك ان شاء الله تكوني بخير , وانا أقول لكي فتره مو مبينه !!! عموما أختي بس حبيت أقولك لا تكبري المشكله ولا تخلي الشيطان يدخل بينكم تعوذي من ابليس وان شاء الله بتنسي كل شي لإنك مثل ما قلتي زوجك متفهم ويحبك يعني كل واحد تيجيه حالات بس خلي ثقتك فيه كبيره وعادي وعله تصير في أحسن العائلات وأكبر منها والله لا يوقعك بأكبر منها يا رب ( وهي أزمه وتعدي ) وسمعنا الأخبار الزينه انكم تصالحتو طييييييييييب لإني أعرف إنو عقلك كبييييييييير :) تقبلي مني كل التقدير والإحترام ....

[لميا]

الدويحره...ما ادري انت مونث ولا مذكر... شرفني مرورك
شجن....تسلمين يا الغاليه والله لا يحرمني مرورك العذب
رهينة الموت ....الله يسلم لي روحك الحلوه...تراني بست جبهته وعيونه واستسمحت منه بس حاسه اني متضايقه شوي من الموقف
العقاري..قبلت اعتذاره وراح احاول انسى الموضوع مع اني الى الحين متضايقه ابغى اتناقش معاه علشان افهم موقفه مني البارح هو كل ما فتحت معه الموضوع من البارح قبل لا ننام الى اليوم وهو يلفه واخر شي يسكره وانا مو مقتنعه ابغى ارضى عليه وانا نفسي صافيه ...
الناصر....انا عارفه الحركه اللي سويتها غلط بس وربي انتوا يا الرجال تكفروا الكافر بحركاتكم..وعلى العموم بررت له حركتي وهو قدر لانها مو من عوايدي هلحركات...
الناصر........مرور رائع لا تحرمنا من تعليقاتك
مليكة قلبي...احنا متصالحين من البارح بس ما حس اني على طبيعتي انا حاسه لسى فيني قهر لاني لسى مو مقتنعه
بس ما راح انام الين يقنعني اليوم بكيفه..
مليكة قلبي...اشكرك على تفاعلك وروحك الطيبه...
تقبلوا مني جميعا كل الود والاحترام
شاكره للجميع تفاعلهم

[اموت في زوجتي]

والله حركتك معه قويه يا لميا ,,,,,,,,,,
زوجك وقالك سوي شغلة تقولين لا ؟؟؟؟؟؟؟؟؟والله عجيبة الظاهر تفكرينه واحد من اخوانك مهوب زوجك.........

[غزال الرياض]

لاتشيلين هم يالغاليه ترى المشاكل الي مثل كذا سببها تافه لكن تكبر عند الزوجين وتكون كبيره انا حصل لي اكثر من كذا وتعودت لان الحياه الزوجيه لازم يكون فيها مشاكل
وبصراحه زوجك يستاهل كل خير تأسف منك وراضاك بأغنيه والله نادر ماتلاقين مثل هالزوج احمدي ربك على النعمه الي انتي فيها اجل لو تسمعين مشاكل غيرك كان تنتحرين:)

[سوّاح]

أختي الغاليه لميا
كلام الأخوه والأخوات رائع جدا
وأحب أضيف نقطة قد نغفل عنها جميعا ألا وهي محاسبة النفس عند وقوع أي مشكله
فقد نكون نحن سببا في تكالب المشكلات الزوجيه وغيرها بسبب تفريطنا في حق الله
أو إصرارنا على معصية معينة أو التهاون بها , فسلفنا الصالح كانوا يتهمون أنفسهم
كثيرا حتى قال قائلهم " إني لأرى أثر المعصية في خلق زوجتي ودابتي "
وفقكما الله لكل خير وأدام ستره علينا وعليكم

[أم دنيا]

أنا والله اقول الحمدلله رحمة من ربي اللي هالموقف ماصار لي ..


وإلا لو إنه صاير لي أنا كان جننته وانجنيت معه ..

والله ياعمري وسعي صدرتس .. وترى والله إن زعلت مب من صالحتس . .

استانسي بس وانسي ..

[مريم يوسف]

لميا اسمحي لي ان اقول لكي بأنه يجب ان يتسع صدرك اكثر من ذلك وان تتعلمين كيف تحتوين زوجك ولا تدعي مجالا لتلك الاشياء البسيطه تعكر صفو حياتكما وان تهيئي نفسك من الان فصاعدا انه قد يحدث اكثر من ذلك ولكنك سوف تكونين قادره علي حل امورك بصدر رحب وادعو الله ان يكون هذا اول واخر الخلافات بينكما اتمني لكي السعاده الدائمه

[اشجع صبيان نجد]

عادي جدا لازم يكون كد وانا احترم زوجك لانه يبي يرضيكي بدون ابدا اسف لان الاسف مالة داعي احسن النسيان والارضى بشي غير الاسف رجلك يا اخت رجل عضيم جدا ماشاللة تبارك اللة حاضي علية وشكرا

[ردينه]

كوني له امهً
يكن لك عبدا


وقولي حاضر حتى لو تعبانه وما تقدري تنزلي من السيارة ... وخليك شاطرة في كسب قلب زوجك ، مجرد انك تعتذري عن القيام بشي يطلبه حتى لو معاك العذر يخليه يحس انه ماله احترام عندك فيختبر مدى استهزائك به مهما كانت نتائجها فيما بعد ...
الله يسعدك ويحفظك من كل شر .. وانتي كمان ارجعي راضيه وصالحية وقولي حاضر .. حتى في احلك الضروف واذكري قول رسول الله صلى الله عليه وسلم :
(( لولا ان السجود لا يكون الا لله ، لأمرت المراة ان تسجد لزوجها )) واحنا مانطلب تسجدي له ، نطلب منك تملكي زمام امور حياتك بطاعته .. خليه خادم الخاتم بصباعك بفركك على طباعه الصعبه (اذا وجدت ) ، وانتي زوجه .. يعني قيادة البيت تحت يدك حتى لو مسك المقود هو .. بس هو دايما معاك .. فلا تخلي مثل هذه الترهات والصغائر تحرف مجرى حياتكم ..

اي شي اختي انا حاضرة ولا تترددي ..
اختك دوما (ردينه)

[مقراط]

لميا
السلام عليكم ورحمه الله وبركاته
اختى
من كلامك احس انك غير جديره ان تكونين زوجه ولد الناس ماقصر معك
انصحك
الابتعاد عن هالحركات اللي ماتنفع حتى لو كنتي زعلانه وقولي له سم وطاعه
انصحك
بالمحافظه عليه والاهتمام به واحترامه في كل شي حتى لاياتي يوم وتندمين عليه
اتثي تقولين00000معاي واهدالي اغنيه حلوه في الاذاعه بس
لاتعليق

[لميا]

اموت في زوجتي
غزال الرياض
راعي الروحات
ام دنيا
مريم يوسف
اشجع صبيان نجد
ردينه
الف الف شكر على تفاعلكم وطيبتكم
وابشركم طاح الحطب والحين الواحد يرضى ونفسه صافيه
وربي ما فيه زي النقاش والتفاهم بين الازواج

اما انت يا ...
مقراط
العالم ردودهم في كفه وانت في كفه ثانيه
بس ولا يهمك احنا تعودنا على دفاشتك في الردود
لانها تصدر من قلب طيب يحب الخير للي حوله
والله يسامحك انا ما استحق اصير زوجه...!!! مقبوله
والله يجزاك خير

[طويلة العمر]

مقراط يا مال الي مانيب قايله ....وش هالكلام ...



حبيبتي لميا ....وسعي صدرك ....كل الرجال تجيهم فترات ...يتصرفون بطريقه غريبه ...وغير مبرره ...بس عادي لا تحز بخاطرك ...وطالما اعتذر خلاص سامحيه ...وقوليله هالمرة بسامحك بس لا تعودها ..

[ام غادة]

الله يوفقكم ويسعدكم وتكون انشاء الله اخر المشاكل..(qq18) (qq10)

[حبيبة حبيبي]

هونيها وتههون يالميا
صارحيه بلي جارحك وذولي الرجال فيهم كبر فضيع
او اكتبيها برسالة وحطيها تحت المخدة وشوفي النتايج
بس لاتخليها تروح كذا لانه بيعيدها ثانيه وثالثه

[اموت في زوجتي]

اموت في زوجتي

غزال الرياض
راعي الروحات
ام دنيا
مريم يوسف
اشجع صبيان نجد
ردينه
الف الف شكر على تفاعلكم وطيبتكم
وابشركم طاح الحطب والحين الواحد يرضى ونفسه صافيه
وربي ما فيه زي النقاش والتفاهم بين الازواج

اما انت يا ...
مقراط
العالم ردودهم في كفه وانت في كفه ثانيه
بس ولا يهمك احنا تعودنا على دفاشتك في الردود
لانها تصدر من قلب طيب يحب الخير للي حوله
والله يسامحك انا ما استحق اصير زوجه...!!! مقبوله
والله يجزاك خير



هههههههههههههههههههههههههههههههههههههههههههههههه
الحمد لله اللي طاح الحطب


مقرااااااط مايخلي حركاته

[أخوان الغول]

دائما بين الزوجين تحصل مثل هذي الاشياء

ولكن من وجهة نظري الشخصية

أنه لا هو ما قصر أبدا الرجل كان في قمت الذوق وراضاكي

بس أنتي كمان كان خطأك أكثر لما اخرجتي المبلغ من الشنطة
وعادي أنتي كمان ما تقصدي أبدا ولكن لحظة ضيقة

ولكن هذا الرجل أحب أني ابارك لكي فيه ويارب يسعدك

بس انتي يا الغالية باقي تردي له بهدية بسيطة جدا

أسمعي جيبي له حاجة بسيطة جدا هو يحبها

واذا تبغي رائي أبشري أنتي تأمرين أمر

ربي يسعدك ولا يدخل بينكم شيطان رجيم

وسامح الله بض الناس اللي دائما ردهم دائما في غير محله القصد معروف (( هداهم الله ))

[ساري بليل]

بسيطة تتش بسيط بينكم

ماهو لازم تخلين من الحبه قبه

واحمدي ربك شكل زوجك حبوب رحمك

اعرف ازواج والله لو تعانده بشئ صعب مره وصلها الطلاق

[asmr 3br]

انا شايف من حقها البنت ترفض ماودها ياخي تنزل بعدين صيغه الامر اللي فيها تقليل من مكانة الشخص وهو رافض امر يدعو الى العناد وركوب الدماغ ومافيه شي بالغصب

[تجوري]

أختي لمياء
السلام عليكم ورحمة الله وبركاته
اردت فقط تحذيرك من مغبة المكابرة مع زوجك في المواقف التي قد تحصل لاحقا،فالحياة الزوجية التي يبدو انكما جديدان عليها تكون فيها مواقف قد تكون اكبر بكثير مما حصل تلك الليلة
لاتنجري أختي الى قول بعض الاخوات هداهن الله بتصوير طاعتك لزوجك انها اهانة لك ولاستقلاليتك
وتذكري دائما ان زوجك هو جنتك ونارك وعليك طاعته وتلبية طلباته اذا لم تكن في معصية الله
طبعا هذا لايعني عدم امكانية التفاهم معه على ان لا يحملك فوق طاقتك وان يكون التعاون بينكما على امور الحياة هو الغالب في حيتكما
ولكن، تفاني أختي في خدمة زوجك وطاعته وابتغي بذلك الاجر والرضا من الله الذي لايضيع عمل عامل
اسال الله لنا ولك حياة زوجية هانئة يملؤها التفاهم والتناغم
تحياتي [CENTER]

[لميا]

اخوان الغول
ساري بالليل
اسمر عبر
تجوري

الف شكر على تفاعلكم وكلماتكم الرائعه
تمنياتي للجميع بالسعاده

[عمر1976]

راح ادخل في الموضوع لا ن مزاجي متعكر...

راح اقولكم موقف صاير معاي البارح..
اتفقت انا وزوجي نطلع ناخذ لفه بالسياره بعد صلاة العشاء
الى هنا والامور تمام
ركبت السياره انا وياه
وفجاءه تذكر انه ناسي يرجع قطعة ملابس يستبدلها من احد المحلات
طلب مني النزول من السياره علشان اجيبها من البيت
فقلت له بكل احترام ولطف ماني قادره انزل لاني اساسا كنت تعبانه
ضارب معي القولون وكنت متضايقه..
اصر زوجي على نزولي واستغربت منه هلحركه اللي على غير العاده
انا هنا حسيت في اللحظه هذي نفسي بالنسبه له غريبه
فطلبت منه تاجيل الفكره ليوم ثاني هذا وانا مقهوره
واصر اصرار عجيب
لدرجة انه دفعني الى اخراج مبلغ من شنطة يدي وقلت له هذي قيمتها بس فكني من سالفتها
انا عارفه ان الحركه غلط بس وربي سويتها من القهر
طلب مني انزل من السياره وقال خلاص كنسلت الطلعه بروح لواحد من اصحابي
انا دوروني هذيك اللحظه القولون شوي وينفجر من القهر
حسيت انه انسان غريب عني ما كان بينا حب ولا عشره مع العلم ان علاقتي مع زوجي
مضرب المثل للمحيطين فينا احنا اصحاب قبل نكون ازواج
اكمل اللي صار...هو طلب مني انزل وانا قمت اناظر فيه وشوي وابكي
شكلي كسرت خاطره ومشى في السياره وكملنا الطلعه
بس كنت طول الطلعه مجروحه من اسلوبه معاي
مع العلم انه حاول يراضيني خلال الطلعه بس بدون ما يبدي اسفه على اللي صار
وهو مرجعني من الدوام بعد حاول يتكلم معاي واهدالي اغنيه حلوه في الاذاعه بس
لسى حاسه نفسي مقهوره ومجروحه من اسلوبه اللي لاول مره يسويه معاي

وانا الحين ابغا اسمع اراءكم في اللي صار ...بدون مثاليات وبدون تجريح



الأخت العزيزه
أعتقد أن التصرف الذي حصل معك من زوجك لا يقصد به شىء , ولكن عدم ردك بالقبول كان مثار الجدل , فأحب أن يفرض رأيه ولا تفرضي رأيك, وربما أحيانا تتمنعين من أرواء رغباته, ولكن عليك أن تأخذي الأمر بكل سهوله وتقولي: تكرم حبيبي!!!! من لي غيرك ولو إنني تعبه بعض الشيء ولكن أوامرك هي سعادتي وإرضاء رغباتك هي كل أماني!! فأنا لك على إستمرار وتكرم
أنا مو غضبانه ولكن حالتي كانت متوعكه ولكن سامحك الله أنا بغيت أن تكون حنيتك هي دوائي في كل حين, ولكن وين البلسم الذي دوما تداوينني به بكلامك الحلو الذي أنا كنت بحاجه له على الدوام؟؟
وكلمه حلو دوما منك تجعليه أميرك ولبيك أنا حاضر بين يديك
عمر العناد ما سوا حاجه إلا تتعقد الأمور
كوني سلسه, وديعه ,مطيعه, بشوشه, لينة المراس, طيبة الكلام
أبو عمر

[ابن الأمارات]

انا بحش في زوجي...!!!

ياليت لو بس حش

الا تنتفون ريشة...(qq1)

[دلوعة بندر]

يا حليلك ليت كل المشاكل مثل هذي على الاقل في النهايه فيه احد براضيكي احمدي ربك

[رؤمنسي منسي؟؟؟]

هونيها وتههون يالميا
صارحيه بلي جارحك وذولي الرجال فيهم كبر فضيع
او اكتبيها برسالة وحطيها تحت المخدة وشوفي النتايج
بس لاتخليها تروح كذا لانه بيعيدها ثانيه وثالثه



لا حول ولا قوة الابالله العلي العضيم

الاخت حبيبة حبيبك بارك الله فيك اول كلامك 100% .....

اخر كلامك مع شديد احترمي لك خربتيها !!!!!!!!

الحين الاخت لميا الفاغره ...اولآ عصت امر زوجها .... وغلطت عله لما عرضت تدفع له قيمة الغرض!!!!!!!!! ..... وفوق ذلك قدر حالتها واعتذار لها

وتقولين لها لا تخلينها تروح كذا لانه بيعدها ثاني وثالث!!!!!


وانتي يا لميا يا الفاغره احمدي ربك ان زوجك يحبك ومتفهم قلبه طيب والا تري حركتك معه قويه !!!!!!

وش كان راح تستفيدي لو ان الموقف تفاقم وركب راسه ونمتي عند اهلك!!!

بارك الله فيك وفي شهوبك ودام عليكم المحبه والسعاده...


علي فكره اخبار فهودي!!!(qq168)

[وردة ندية]

شوفي حبيبتي....
هو غلط... وانت غلطتي...
فعديها غلطة بغلطة....
واذا تسمعي مني... اليوم اهديه شي يحبه....
وان شاء الله تكونون احلى زوجين وحبيبين...
دمت بخير وسعادة

[ابوسلطان777]

مرحبا لميا الله يسعدك اكيد ابو العيال مايقصد او فيه حاجه متكدر منها وانتي بعد تعبانه بس كلكم لبعض ويعني هو حاول يراضيك وانتي الي شايله في نفسك بس نصيحه من مجرب المسامح في هاذا الوقت هو الي ربحان ومرتاح باله .

[الكاسح المملوح]

لميا انا اشوف الرجل ادا الي عليه من اعتذار ولو ما قالها صريحه بس افعاله تدل على اعتذاره ولو كان من الرجال شينين النفس كان اخذ عليكي ممسك بتطليع الفلوس وكلامك له لاكن الرجل قدر الموقف وتعوذ من ابليس ورجع عن كلامه وكل ابن ادم خطا وخير الخطائون التوابون ونا اشوف زوجك من افضل الرجال فحافظي عليه

[فتاةمن زمن الحب]

عادي حبيبتي عادي ولا تاخدين في بالك والحياة يوم لك ويوم عليك.
الله يسعدك ويعطيك الي تمنين وييسر لك زوجك.
حبيبتي ممكن تشرحي لي معنى بحش.

[ياسـر]

بصراحة........ استغربت الموقف من الطرفين .... الزوج باصراره على طلبه والزوجة باصرارها وتعنتها....... والمهم حصل خير


عموما .........

شخصيا..... في مثل هذه المواقف .. انا اللي اقوم باحضار الغرض ....

[xnaifx]

وبس هذا الي صار
احسب انكم متماسكين بالشوش
عادي كان نزلتي وجبتي له العرض الي هو يبي عادددددددي جدا
والله انه وجه طيب الي زعلتي على شيء مايسوى وجالس يراضيك

[kuwaity_asmrani]

اعتقد انتوا اكبر من جذيه فا انسوا السالفه وعيشوا حياتكم