*_* تعالو نحيي تــراث الابــاء والاجـــداد *_* 3

[النجديه]

(qq137)

كيف الحال يا أعضاء ويا عضوات

اليوم راح تكون المسابقة والمسميات الثالثة بشكل مختلف عن المسابقات اللي فاتت يعني كتغيير عن السابق

يعني بغير لكم شوي أخاف تملون من الروتين (a21)

( أعرب ما تحته خط ) قصدي اشرح شرحاَ مفصلاَ ما تحته خط (q33)

بيروت الطين لا شفته تذكرني زمان ( ن ) * * * زمان ( ن) رغم ما به من قســاوة ماحد سبـــــه

وهذا بيتنا واطــلاله اللي عـــودت تذكــار * * * وذاك الـــروشن وهـــذا مكـــان الــزير والقبـــه

وصفـة جدتـــي ما باقـي الا بــابها واجــدار * * * وصـــوت الباب يصفر كلما هب الهـــوى هبــه

وهذا ما بقى من صفــة امي والغمــي منهار * * * غماها من جذوع الا ثل واحلى من غمى الصبه

وهذا كان مطبخنــا وهــذا هــو مشب النــار * * * قبل لا نعــرف الغـــاز وقبــل لا تطلــع الدبــــه

وهـذا هــو مجببنــا وهذاك الكمــر ووجـــار * * * وذيك الدكـه القصيا وهذا الحــــوش نلعب بـــه

سقى الله ذيك الايـام الخوالــي ليتهـــا تنــدار * * * سقى الله لا تجمعنـــا وصـــارت عندنا الشبـــه

سقى الله يوم تبرق ثم ترعد والسمــا مطـــار * * * وصوت المثعب يسورب وكنك جالس بجنبـــه

وجتنا الجـدة تسبحن علينا يــوم هنا اصغـــار * * * على شمعة سراج القـاز قبل لا نعـــرف اللمبة

زمن به للطفولة في خيالـــي ذكريات اكثـــار * * * يــاليتـــه ترجع الايـــام لـــوقت راح واحبــــه

ولكن ما مضى هيهات يرجـع والــزمن داور * * * يـروح الــوقت مع ناسه ويبقــي ربي وربــــه

ملاحظه :

اشرحو القصيا قبل الدكه , و يسورب قبل المثعب (qq168) خخخخخخخخخخخخخخخخخخخخخ

(dhdddgds) نبارك للأخ جهام والاخ قصومي على الفوز بالمسابقة الثانية وعقبال المسابقة الثالثة

نتمنى لكم قضاء أمتع الأوقات في إحياء هذا الموروث الشعبي (a16)

[جهام]

الاخت النجدية مدري ارد على التهنئة بالفوز في سباحنتس او اهاوشتس ابي اقدم اللي انا احب .
اول اشك انك تقربين لكاتم لكن تبين لي بالدليل القاطع ان فيه شبه بالجينات اكيد ان جدكم واحد لذا في تشابه بالافكار والماضي
( الله من زين الماضي) اتلاته كمر ومثعب يسورب ولد عمك بالجينات طميه وجل قطن والصمان
وبعدين وش سالفة فيها قبايل ودم ماطالبت الا بابسط حقوقنا انه يجيب شي عن الشمال
نرجع لاعرب ماتحته خط تصدقين يالنجدية اكره مادة القواعد بسبب اعرب ماتحته خط لذا بمواد العربية راسب حتى بالتعبير
المفروض ان معالي الدكتور ابن عبيد يخليتس مستشارتن له تألفين اعراب جديد آه يالنجدية لو تشوفين القائمين على تطوير المناهج ومؤهلاتهم تقولين يازين سباحين جدتس الظاهر قمت اتخبط وبعدين ليه تبين تحجرين عليّ
الروشن : غرفة بالسطح
الزير: وعاء من الفخار يستخدم لتبريد المي ويغطونه بشاش له مغاط مخافة ان يلحس
القبة : هي مكان يفتح عليه جميع الغرف اي مثل الصالة اليوم بس ماهي جانبية رخام
الكمر : هو اللي يصفون عليه الدلال والابرايق والمعاميل الله من زين المعاميل رزرة وياليت يطلعن مثل القهوه الحلوة والا تركش كفي شوفي يالنجدية بجد اي ازين يصير على الكمر دلال واباريتس لا ومنفلخ وراء الدلال وبيزه والا عدة قهوه حلوة وعدة متا وشفاطاط للمتا وعسل وعلبة محارم الله يرحمهم ورثوا لنا اسكت ابرك ...............
الدكة القصيا : هي اللي وراء الوجار يحطون به الحطب الله من البعارصى العجوز تقوله
المثعب: انبوب يوضع في السطح لتصريف الماء طبعا مستحيل انبوب قديما بل قطعة من اثلة تشق ثم تحفر ليتسرب من خلاله الماء اصلح نجار
يسورب: اي يمشي الماء ببطء من خلال المثعب الا ليه سموه المثعب
تسبحن: تسولف مثلتس ومواضعيتس انت وكاتم 0
هذا ما املته يدي مع الاستعانة بصديق وتشكرين ياراويتنا على جهدك المتميز
اخوك
جهام

[شبيب العتيبي]

يعطيكم العافيه مجرد تسجيل
حضور ومتابعه
محتاج مترجم خاص
والله من جد لكن يمكن عدم معرفتي
بالهجه المستخدم احد اسباب ذالك
شي رائع
اخوي جهااااااااااام كم انا مشتاق لك
مبرووووووووك يالغلا وتستاهل

مشكوره نجديه

[جهام]

رجعت للصفحة على شانك اخوي شبيب تحية خاصة من القلب وبارك الله فيك نبي مشاركاتك وتعقيباتك ومداخلاتك انت سراج المنتدى وبذات الصفحة الشعبية تواجدك له طعما وذوقا خاصا ولا مهونة بباقي الاعضاء0
معذرة اختي ومشرفتنا النجدية لانني كتبت في موضوعك هذه التحية والسلام لاخي شبيب وامون عليك ياراويتنا واكرر اسفي ثانية
اخوكم جهام

[النجديه]

8
8
تمون يا خوي جهام والموضوع اعتبره موضوعك

حياك الله انت واخوي شبيب

[النجديه]

محتاج مترجم خاص
(z)

والله من جد لكن يمكن عدم معرفتي
بالهجه المستخدم احد اسباب ذالك
7
7
ليش ياخوي انت مو من أهل نجد ؟؟

على حد علمي ان العتبان موطنهم الاصلي نجد

على العموم ياخوي شرفتنا ونورتنا في هالحضور والمرور الرائع

واتمنى من الاخ جهام يسدح لك الترجمه عشان تشرفتنا بمشاركتك معنا :)

يعطيك العافيه ياخوي

[النجديه]

اكره مادة القواعد بسبب اعرب ماتحته خط لذا بمواد العربية راسب حتى بالتعبير
7
7
تصدق انا مشتركه معك في جينات كرهنا للقواعد هههههههههههههههههه حتى التعبير ما عمري عبرت الله يخلي لي خالتي

الدكة القصيا : هي اللي وراء الوجار يحطون به الحطب الله من البعارصى العجوز تقوله

هههههههههههههههههههههههههههههههههههههههههههههههههه ههههه بعارصى ياحليلها هالعجوز

بس الظاهر انها ما عرفت تشرح لك الدكه زين

هذا ما املته يدي مع الاستعانة بصديق

دامك استعنت بصديق الله يعينك على القوايل ههههههههههههههههههه

انا مالقت لكم لاحد يسأل امه ولا جدته ولا حتى ابو جيرانهم انا ابغا اختبر مدى تمسككم بالتراث الشعبي :)

الظاهر يا جهام انك نسيت ان فيه جوائز وفيه عقاب بعد (a26)

[برساوي]

مشكووووووووووور

[المشااااكس]

بسم الله الرحمن الرحيم

:::مشكووووور:::

[النجديه]

مشكووووووووووور

يعطيك العافيه ياخوي على المرور

[عاشق نجد]

السلام عليكم ورحمة الله وبركاته

انا صرااحه تفكيري مثل تفكير اخوي جهام الا في الدكه الدكه هي المحل المرتفع عن الارض يسويه صاحب البيت وتكون الجلسه فيه
والقصيا تعني البعيده مثل هاذيك او بالمعنى الاصح عكس الدنيا ( القريبه )
انشاء الله اكون صح

[النجديه]

8
8
عاشق نجد شكل حلاو البقر من نصيبك هالمره والقوايل من نصيب جهام هههههههههههههههه

تسلم ياخوي على هالمرور الرائع

[(ثعود ثعد الثرم)]

يعطيكي العافيه اختي النجديه


اخوكم(ثعود ثعد الثرم)

[النجديه]

8
8
الله يعافيك ياخوي

وتسلم على هالمرور الطيب

[جهام]

مبروك اخوي عاشق نجد على حلاوة البقر بس مع هالقوايل تسبب نفاخ مايطلع ولو بشفط
لا ومن زين الحظ منتهيتن مدتهن مثل سواليف راويتنا هههههههه
وبعدين انا لي القوايل تقولين ارجوك ان تأمني على هذا الدعاء اللهم بضربة شمس تصك المهرررره وتحول اعيونه هي وخالة ( الا مالاحظتي يالنجدية من مبطي كاتم ماجاب معلومات مثل طمية وغيره شكله عقل وزانت اموره الفال لتس ههههههه)
السؤال
اللي وراء الوجار اللي يحطون به الحطب اللي به البعارصى الله يجعلهن يسعربنتس ويش يسمى
انتظر (qq1) (qq1)
اخوك
جهام

[عاشق نجد]

كلامك صحيح ياجهام تصدق من امس وانا تعبان من هالحلاوه
(sdfsfs)(sdfsfs)
وانا اقول ليش ما فيه أحد يعطي المعلومه كامله الظاهر خايفين من الحلاوه وانا صرت اخر ضحيه للنجديه وحلاواها ماراح احل شيء اعتزلت الحلول وتجهزي يالنجديه ابرسلتس شقليطه تاريخ صلاحيتها منتهي قبل عشر سنين
:z2hh058: :z2hh058: :ch22222ol :ch22222ol

[النجديه]

8
8
اها بس يا عاشق نجد لا تحط البلاء من حلاو بقري انت اكيد فيك مرررر من قبل عاد يوم دخل عليه حلاو هالبقر زاده زود (q33)

ههههههههههههههههههههههههههههههههه

وانا اقول ليش ما فيه أحد يعطي المعلومه كامله الظاهر خايفين من الحلاوه

لا وانت الصادق خايفين من القوايل (gfp)

[النجديه]

اللهم بضربة شمس تصك المهرررره وتحول اعيونه هي وخالة

ياويلك لو تسمعك المهرة وكاتم هههههههههههههههههههههه

الا مالاحظتي يالنجدية من مبطي كاتم ماجاب معلومات مثل طمية وغيره شكله عقل وزانت اموره الفال لتس ههههههه)

ايه ملاحظه والله يا جهام من زمان ما عطنا علوم السنعه

بس جعله ما يعقل من هالناحيه هههههههههههههههههه

اللي وراء الوجار اللي يحطون به الحطب اللي به البعارصى الله يجعلهن يسعربنتس ويش يسمى

يسمى حوض الحطب والا بيت الحطب

[عاشق نجد]

اختي النجديه بما أن الموضوع من ابداعك فلي اقتراح عسى ان ينال اعجابك واعجاب الاخوان والاخوات وهو

ان كل واحد يجيب له اسم شي من الاسماء المستخدمه عند البدو ويشرح معناه حتى يكون هنالك معرفه بكلمات ومعاني الاشياء القديمه ولإختلاف بعض الكلمات من منطقه لمنطقه حتى يكون هنالك معرفه للجميع مثل

المحماس : هو الذي تحمس فيه القهوه على النار



ارجوا ان يكون اقتراحي يلقى منكم التفاعل واذا رغبتوا في جعله في موضوع مستقل فليكن كذلك


اخوووووكم / عاشق نجد

[النجديه]

8
8
مشكووور ياخوي عاشق نجد على اهتمامك وتفاعلك في هذا القسم

واقتراح جميل كذالك عشان نعطي فرصه الباقي مناطق المملكه تشارك في احياء هذا الموروث الشعبي ونعرف الاخوه والاخوات عن

تراث المملكة بجميع انواعه النجدي والشمالي والجنوبي والغربي ولا يهون الشرقي بس ياليت ياخوي يكون في موضوع مستقل عن

هالموضوع ..

وتأكد ياخوي ان اي موضوع يهتم بتراثنا الشعبي احنا من المؤيدين له وكذالك نساعد في نشره

يعطيك العافيه ياخوي واحنا في انتظار ابداعك

[المُهرة]

السلام عليكم

كفو بالنشمية النجدية
عنوني بشرح لتس ما تحته خط
بس خليني أول اتفاهم مع ولد الضيعة جهاموووة
جعله جبهته تصقع في السارية لين تحول عيونه
هههههههههههههههه
اجل يدعي علي أنا وخالي بضربة الشمص ( عيون محمرة وودها تضحك )

[المُهرة]

الحل حسب معرفتي يا البي


الروشن = مجلس في الدور الثاني من البيت
عاد شفت روشن جدي الله يغفر له ويرحمه بعد جولة تفقدية في بيته بحي الشميسي الجديد

الزير = وعاء لتبريد الماء وهو مصنوع من الفخار

القبه = بطن البيت يعني وسط البيت اللي يطل عليه السطح وهو مفتوح بلا سقف


الكمر = هو الدولاب اللي يكون بجنبه الوجار ويصف فيه الدلال والاباريق وادوات السكر والشاهي وكل شي
يخصهن

الدكة القصيا = المكان اللي يحطون فيه الحطب
ومعنى قصيى يعني البعيدة شوي أو الأخيرة

المثعب = مكان بالسطح لتصريف المياة ويكون مصنوع من ماصورة << ماعندي وقت

يسورب يصب بشويش << دلووع

تسبحن = يعني تقص قصص وتسولف سواليف عن الأولين



وبسوووووووون
احتري أمي تغششني بس أنها الحين تصلي الوتر >> قد صليته لا تقولون وأنتي
كل ما قلت يمه تصفق ( وجه مستحي )

[النجديه]

بعدي والله يالمهرة خذتي حقك من ولد الضيعه ثالث ومثلث (gfp)

شكلك بتفوزين في هالمسابقه بجداره واخلي جهام وعاشق نجد هاللي يتتريقون على حلاو البقر ههههههههههههههه (ما درو ان

هالحلوه من اطلق واسنع بساطه في حلة القصمان) (q33)

<<<<<<<<< لجنة التحكيم على كيفها تفوز اللي تبغا

احتري أمي تغششني بس أنها الحين تصلي الوتر >> قد صليته لا تقولون وأنتي
كل ما قلت يمه تصفق ( وجه مستحي )

اجل امك مثل امي يالمهرة هههههههههههه صدق ان احنا ناشبين في حلوقهوم

مشكوووره يالغاليه على هالمرور الرائع والتعليق الجميل

يعطيك العافيه وما قصرتي (a21)

[جهام]

المهره الحمدلله على السلامة وين هالغيبات يقول ان اهل ( ماربيا) متوذين منتس لا تصدقين حدك نفود الثويرات والا لا بغيتي مثل مايقولون بتسوين( شوبنق) الحلة وان تطورتي حراج ابن قاسم
عارفة شي وراك مكبرتن فتحة النقاب اللي بالصورة وبعدين شكلتس تغسلين النقاب بقاز وشنبو حمر كلبن لونه الفال لخالك كويتم ينقلب لونه 0

الدكة القصيا = المكان اللي يحطون فيه الحطب
ومعنى قصيى يعني البعيدة شوي أو الأخيرة

صادقة على ان النجدية تقول خطأ لقيت واحد مثلي في الاجابة
وبعدين تقولين انك موترتن قبل امك هين دوري غيره اصلا انت ماتأقلمتي مع اجواء نجد بعد ماربيا يبيلتس ياله بالوسم تأقلمين وتبدين تصلين
مرة ثانية الحمدلله على السلامة

[جهام]

الله من زين النزاهه عند هاللجنة اقول اركدي ترى العم كوفي انان بلبنان بعد كم يوم بس اتصال صغير ويجي اول قرار
اعتقال ناصر الفهيد وستار ,
الظاهر العلاج خلص

تقولين
]اجل امك مثل امي يالمهرة هههههههههههه صدق ان احنا ناشبين في حلوقهوم

مشكوووره يالغاليه على هالمرور الرائع والتعليق الجميل

يعطيك العافيه وما قصرتي

لاتقولين انك موترة قبل امك ياالنجدية يقولون سهيل اذا دخل يرفع معيار الايمان عند الحريم ويبدن يوترن قبل المغرب
وبعدين وراكن نشبه
الحل درون الرويلي راعي المسدس اللي يدور مره تذكرين يوم اقول زوجيه الـ
تشكرين اختي النجدية على تعليقاتك
ننتظر موروث جديد

[النجديه]

الدكة القصيا = المكان اللي يحطون فيه الحطب
ومعنى قصيى يعني البعيدة شوي أو الأخيرة

صادقة على ان النجدية تقول خطأ لقيت واحد مثلي في الاجابة
7
7
تصدقين يالمهرة اني توني انتبه لها يوم قالها جهام (hjh)

ابشرك خطاء عليك انتي :hgfyhg14k ولد الضيعه وراح عليكم الحلاو البقر

>>>>>>>> ابشرك يا جهام لقيت احد يعاونك على القوايل ههههههههههههههههه

الحل درون الرويلي راعي المسدس اللي يدور مره تذكرين يوم اقول زوجيه الـ

اجل ضنك نزوجه (a14) يا بخت من وفق راسين بالحلال ههههههههههههههه

[النجديه]

نشكر جميع الاخوه والاخوات اللي شاركو معنا في احياء هذا الموروث الشعبي :)

كما نبارك الى الاخ عاشق نجد على الفوز بهذه الجوله

الف الف الف مبرووووووووووووووووووووووووووووووووووك ياخوي

ونقول لجهام والمهرة >>>>>>>> هارد لك (a26) هههههههههههههههههه <<<<< ( امحق تراث شعبي[/ (a14) SIZE]) ]

[SIZE=4]ترقبو المسميات الجديده

[خلي البال]

لحظة شوي .. لا تروحون .. وراكم .. !!!
والله مادريت الا الحين ..أبي أشارك .. وما أبي حلاو بقر ..
أختي النجدية: السلام عليكم أول شي ..
بيروت الطين لا شفته تذكرني زمان ( ن ) * * * زمان ( ن) رغم ما به من قســاوة ماحد سبـــــه
^^^
أعربي ما تحته خط ؟؟؟(سؤال خاص بالنجدية) ..
******************************
الروشن: المكان المرتفع ..(ويقال مكان في بيروت)..
الزير: زير المويه بعد وش بيكون ..
القبه: مكان أو جلسه بوسط البيت للعايله ..
الكمر: مثل ما قالوا الأخوان .. دولاب أبو رفوف لصف الدلال والمعاميل..
الدكه القصيا: المكان الذي يتسدح به الشيبان العصاري عقب الصلاة ..(تراهم الخير والبركة)..
المثعب: مرزام المويه اللي يصرف الماء من السطح علشان يصبه على روسنا في الحوش ..
يسورب: يعني المويه تسيل منه شوي شوي على شكل نقط متواصلة ..زي كذا------------
تسبحن: هذي والله ما عرفتها بس يوم سألت خويي قال لي يعني تسمي علينا في الليل علشان لا تلبسنا الجنون .."سكنهم بمساكنهم" ..(ما أدري ليش تذكرت عليان وسعيدان)..
> هاه والحين.. ان شاء الله تكون الأجابات واضحة ..طيب تمام ..
> عاد خويي اللي قلت لك عنه فوق اشترط علي اذا فزت أجيب له كرتون حلاو بقر ..
طبعا هو ما يدري المسكين ان الجائزة راحت لراعي النصيب والطيور طارت بارزاقها ..
> مسا الخير يالنجدية .. يارب تكونين دايم بخير .. بس كنت حاب أسجل حضور .. لو
أنه متأخر شوي كثير مرة ..(وين يعربونها) .. وهالقسم أكيد له وحشة ..ومواضيعك أكثر ..
أخوكِ : خلي البال ( ) أدري وش بتكتبين .. سلام ..

[عاشق نجد]

الله يبارك فيك يالنجديه

والله يعينك ياجهام انت والمهره على القوايل لا كن شوفوا لكم مظلات مثل حقت الفلبين

واعطيكم نصيحه اذا صعب عليكم شيء اسألوني وابشروا بالسعد حلووووه واحد شاف نفسه يوم فاز

[النجديه]

حياك الله اخوي خلي البال

أعربي ما تحته خط ؟؟؟(سؤال خاص بالنجدية) ..

معليش غلط مطبعي والا هي بيوت ههههههه

تسبحن: هذي والله ما عرفتها بس يوم سألت خويي قال لي يعني تسمي علينا في الليل علشان لا تلبسنا الجنون .."سكنهم بمساكنهم" ..(ما أدري ليش تذكرت عليان وسعيدان)..

اسمح لي اقولك خويك ما عنده سالفه ههههههههههههه لا وبعد ويتشرط يبي حلاو بقر

تسبحن يعني تقص قصص

أخوكِ : خلي البال ( ) أدري وش بتكتبين .. سلام ..

حياك الله يا ابو شق

ونتمنى انك تفوز في المسابقات الجايه

[كاتم الونة]

مبرووووووووووووووك

ياعاشق نجد... عوايدك يالغلااا

::

يالنجدية...فيه مشرفة تراث شعبي وتقول هاردلك <<عز الله انفضحنا بين العربان

::

اما ردود جهام والمهرة... يبي لهم قعدة .. وجهام دواه عندي وانا ابوالشباب<<< هذا مشرف التراث ولا بلااش
:
:

بااي يالنجدية....<<< مشرف تراث طل ههههههههههههههه

[النجديه]

8
8
عزالله اللي ضاع التراث يا كاتم من باي الى هارد لك (qq6) هههههههههههههه

[جهام]

اللي يسمعكم يقول ذولا مشرفين تراث ويلز ماهو نجد والله ماتجتمع دكة : وهاردلك كهههههههههههههههه
اما انت كويتم مشرف باي0 من اليوم وطالع ابي اسميك مشرف باي
احساسي عمره ماكذب دايم صادق يوم اقول فيكم عامل مشترك باله...................................
اركدوا العين عليكم كنت ناوي اسميكم قلاع تراثنا بس عقب هاردلاك وباي (دي) يعني الخلا
تحياتي لكما

[النجديه]

8
8
القصد يا جهام ان احنا نعلمك كم معنا من لغه بس هههههههههههههههههه

كنا نحاول نمزج ثقافات مع بعض بس ما طاعت تجي (a26)