كل يوم معلومة {[ متجدد ]}

[عساس الحيا]

كل يوم راح نضع لكم معلومه قد يجهلها البعض
والمجال مفتوح للجميع
كل واحد عنده معلومه يتفضل في كتابتها لتعم الفائدة لجميع الاعضاء
حتى لو كانت المعلومه من تجربه شخصية


اول معلومه نذكرها بالموضوع والتي يجهلها الكثيررر خاصه لحديثي قيادة السيارة

كل سيارة فيها مثلث برمودا وقد يكون سبب من اسباب بعض حوادث التقاطعات والدوارات
وهذا المثلث او الزاوية تختفي خلفها السيارات في بعض الحالات عند الدوار او التقاطعات حتى التريله قد تختفي خلف هذه الزاوية اذا لم تنتبه!!
ويتضح لنا هذا المثلث مابين الخطين في الصوره التاليه.
طبعا انا مسميه مثلث برمودا (q39)


https://k.top4top.io/p_1665097ij0.jpg (https://top4top.io/)

[عساس الحيا]

بعضهم يصدم سيارة في الدوار ويحلف انه ماشاف السيارة وتفاجأ فيها والسر هو هذا المثلث

[سليمان١٣]

يسمونها الزاوية العمياء يابطل الابطال

انا وش اسوي عشان اتفادها

انتظر لحظات عشان الف او اقدم راسي لين شوي ويخبط ف الزجاج عشان اكشف اي سيارة متخفيه في هذه الزاويه

الحين فيه سيارات تكشف لك جميع الزوايا بصور بانورما يعني حركتي اصبحت من الماضي بالنسبة لها الله يرزقن بعروستين عروسه من هالسيارات الفخمة وعروسه بشرية لا وقفت جنبها طالبة حست بالغيرة والحسد والقهر والمغصصصص .

[أخت القمر]

معلومة جيدة.
شكراً لك.

[عساس الحيا]

سليمان

اخت القمر

شكرا لكم



المعلومه الاخرى
الجوالات انتهى تاريخ عمرها الافتراضي

بعد قليل نتوسع في شرح هذه النقطه

[عساس الحيا]

كل جوال له عمر افتراضي خاصه البطاريه
‏‎ فمثلاً شركة آبل تذكر أن العمر الافتراضي للآيفون هو 500 شحنة كحد أقصى


بعضهم يشتري جوال مستعمل ونظيف وفرحان وهو لايعلم ان البطارية دخلت في عمر الشيخوخه وكم شهر وتبدا المشاكل
جوال مستعمل شهر شهرين ثلاثه مو مشكله ولكن جوال مكدود سنه واشتريه بنص المبلغ وكم شهر ويعلني تصرف غير صحيح
افضل طريقه شراء جوال جديد ولكن ليس موديل نفس السنه لا اشتري ايفن 9 ونص المبلغ وبنفس الوقت جديد
الشركات ذكيه تحط للجوالات عمر محدد حتى تستطيع ان تبيع موديلات كل سنه

[ناوي ابعاد]

اعجبتن فكرة مثلث برمودا
الاف جي كله برمودا

[عساس الحيا]

اعجبتن فكرة مثلث برمودا
الاف جي كله برمودا

هههههههه صدقت ياناوي الاف جي كله دبكورات

ماعندك معلومه يجهلها الكثيرر
لو كانت المعلومه عن المناطق او البر او الاعشاب

[أخت القمر]

كل جوال له عمر افتراضي خاصه البطاريه
‏‎ فمثلاً شركة آبل تذكر أن العمر الافتراضي للآيفون هو 500 شحنة كحد أقصى


بعضهم يشتري جوال مستعمل ونظيف وفرحان وهو لايعلم ان البطارية دخلت في عمر الشيخوخه وكم شهر وتبدا المشاكل
جوال مستعمل شهر شهرين ثلاثه مو مشكله ولكن جوال مكدود سنه واشتريه بنص المبلغ وكم شهر ويعلني تصرف غير صحيح
افضل طريقه شراء جوال جديد ولكن ليس موديل نفس السنه لا اشتري ايفن 9 ونص المبلغ وبنفس الوقت جديد
الشركات ذكيه تحط للجوالات عمر محدد حتى تستطيع ان تبيع موديلات كل سنه

عادي نغير البطارية

[أخت القمر]

معلومة قريتها زمان ممكن تعرفونها
اذا قفلت السيارة عليك وانت داخل وماقدرت تفتحها
تاخذ مدري وش تسمونها
اللي ورى رقبتك بالمرتبة
تفكها وتكسر القزازة وتطلع

[سليمان١٣]

معلومة قريتها زمان ممكن تعرفونها
اذا قفلت السيارة عليك وانت داخل وماقدرت تفتحها
تاخذ مدري وش تسمونها
اللي ورى رقبتك بالمرتبة
تفكها وتكسر القزازة وتطلع

رقبة المقعدة

[شموخ بدوية]

موضوعك مفيد ياعساس

وليته يكون متنوع .عن السيارات ...اجتماعي ..ديني ..وهكذا

[روعة ملاكـ]

معلومة قريتها زمان ممكن تعرفونها
اذا قفلت السيارة عليك وانت داخل وماقدرت تفتحها
تاخذ مدري وش تسمونها
اللي ورى رقبتك بالمرتبة
تفكها وتكسر القزازة وتطلع

😂😂😂😂👊🏼👊🏼👊🏼👊🏼

[روعة ملاكـ]

نبي معلومات عن هالجزاء في السياره

https://j.top4top.io/p_1666bxju40.jpeg (https://top4top.io/)

[غريب الماضي]

تسمى النقطة العمياء
نستطيع التغلب عليها
عن طريق وضع مراية السيارات الجانبية ثلاثية الابعاد
من الغريب حتى الآن لم يعالجوا هذه المشكلة

[عساس الحيا]

عادي نغير البطارية

البطارية مدمجه

[عساس الحيا]

معلومة قريتها زمان ممكن تعرفونها
اذا قفلت السيارة عليك وانت داخل وماقدرت تفتحها
تاخذ مدري وش تسمونها
اللي ورى رقبتك بالمرتبة
تفكها وتكسر القزازة وتطلع

معلومه رائعه يااخت القمر
كثير من الناس يجهل هذه المعلومه اولهم انا

[عساس الحيا]

موضوعك مفيد ياعساس

وليته يكون متنوع .عن السيارات ...اجتماعي ..ديني ..وهكذا

اهلا شموخ
ابشري سوف يطرح معلومات متنوعه عن كل شيء

[عساس الحيا]

نبي معلومات عن هالجزاء في السياره

https://j.top4top.io/p_1666bxju40.jpeg (https://top4top.io/)

السيارات الحديثه اجهل بعض قطعها
بس اتوقع مجمع الفيوزات

[عساس الحيا]

تسمى النقطة العمياء
نستطيع التغلب عليها
عن طريق وضع مراية السيارات الجانبية ثلاثية الابعاد
من الغريب حتى الآن لم يعالجوا هذه المشكلة

فعلا ياغريب هالعلومه مهمله من قبل المرور مافيه توضيح او تنبيه السائقين عن هذه الزاويه الخطره

[عساس الحيا]

المعلومه اليوم كيف تتعامل مع الطفل اذا غص او بلع قطعه حديدية
الكثيرر خاصه الامهات يجهلون هذه الطريقه السهله التي تنقذ طفلها من الموت
وحدثت وفاة قبل شهر لطفل غص في رريال قطعه حديدية وتاخر اسعافه ثم نقل من مصتوصف الى مستشفى حتى تعمق الريال وسبب نزيف داخلي حتى توفى الطفل رحمه الله
لو الام تعرف هذه الطريقه كان بطريقه سريعه تخرج الريال قبل تعمقه


yzEzzUEfzZQ

[الفرزدق الأخير]

http://www.qassimy.com/vb/images/misc/quotes/quot-top-left.gif اقتباس: http://www.qassimy.com/vb/images/misc/quotes/quot-top-right.gif
http://www.qassimy.com/vb/images/misc/quotes/quot-by-left.gif المشاركة الأصلية كتبت بواسطة عساس الحيا http://www.qassimy.com/vb/images/buttons/viewpost.gif (http://www.qassimy.com/vb/showthread.php?p=12444344#post12444344) http://www.qassimy.com/vb/images/misc/quotes/quot-by-right.gif
http://www.qassimy.com/vb/images/misc/quotes/quot-top-right-10.gif



هههههههه صدقت ياناوي الاف جي كله دبكورات

ماعندك معلومه يجهلها الكثيرر
لو كانت المعلومه عن المناطق او البر او الاعشاب
http://www.qassimy.com/vb/images/misc/quotes/quot-bot-left.gif
http://www.qassimy.com/vb/images/misc/quotes/quot-bot-right.gif

خذ لك معلومه ..أحدهم ( تلميح) ..
ضابط في امن السفاارات سفاره خادم الحرمين بالجزائر

تبي صيد رح له هناك



كب العشاء (qq168)

[الفرزدق الأخير]

معلومات عن الجن ..

معلومه الاولى :
يختنق لما يقترب من مكان به رائحه المسك الاسود
ولذلك ينصح بعض العارفين .. النساء باستخدامه في حال تعرض الجن لهن
بالايذاء ..او من لديه كوابيس كثيره يحط شوي بيديه وخلف اذنيه والجنون
بح :)
-معلومه ثانيه :
الجن لايستطيع تخطي " الباب " المرشوش بماء وملح .. لو يفحط
مادخل للغرفه
\
معلومة ثالثه :
الذئب يقتل الجن بالتركيز ..

اذا راى الذئب الجني ركز نظره عليه 100 % مايبعد نظره عنه ابدا
لذلك لايستطيع الجني ان يختفي عن عينيه "والهروب من دائرة التركيز "الى

ان يقتله

معلومه رابعة :

................

معلومه خامسه (اسلاميه )
الجن الذين حضروا عند الرسول صلى الله عليه وسلم يقال لقبيلتهم "نصيبين"
وقد امتدحهم النبي عليه الصلاه والسلام فقال " نعم الجن جن نصيبين "

[الميسم]

كل جوال له عمر افتراضي خاصه البطاريه
‏‎ فمثلاً شركة آبل تذكر أن العمر الافتراضي للآيفون هو 500 شحنة كحد أقصى


بعضهم يشتري جوال مستعمل ونظيف وفرحان وهو لايعلم ان البطارية دخلت في عمر الشيخوخه وكم شهر وتبدا المشاكل
جوال مستعمل شهر شهرين ثلاثه مو مشكله ولكن جوال مكدود سنه واشتريه بنص المبلغ وكم شهر ويعلني تصرف غير صحيح
افضل طريقه شراء جوال جديد ولكن ليس موديل نفس السنه لا اشتري ايفن 9 ونص المبلغ وبنفس الوقت جديد
الشركات ذكيه تحط للجوالات عمر محدد حتى تستطيع ان تبيع موديلات كل سنه

أنا كنت أظن ان هالمعلومه صحيحة
لكن اكتشفت العكس

الدعوة يا اما حظ ونصيب يا أما فعلا مقصودة عشان يكون للجوال عمر افتراضي وقصير حتى يتم استبداله في أقرب وقت

يا اما ان الدعوه ترجع لنوعية المستخدم بمعنى أن بعض الناس تهلك الجوالات بسوء استخدامها

وبما أني من النوع اللي يحافظ على الجوال مررره حتى في مره يوم اشتريته سألت البائع قلت وش أكثر شي يضر البطارية

قالي لا تشحنين الجوال قبل ما تنخفض بطاريته مرره ولا تخلينه إلى أن تصير حول ما يلفظ أنفاسه

أنا اتبعت طريقته وعاش الجوال معاي وبطاريته تمام التمام ومازال تمام وعال العال بس انا من النوع اللي أحب التغيير

شريت واحد من كم شهر وعاملته تقريبًا بنفس معاملتي لجوالي الأول الحين بدت البطارية تخبط

لاحظتها صايره تنقص بسرعة رغم أني خففت استخدامه جدًا التطبيقات كلها استخدم الآيباد لها ماعدا الواتس

ومع ذلك تنقص بسرعه

مدري وش السبب صراحه

[الميسم]

المعلومه اليوم كيف تتعامل مع الطفل اذا غص او بلع قطعه حديدية
الكثيرر خاصه الامهات يجهلون هذه الطريقه السهله التي تنقذ طفلها من الموت
وحدثت وفاة قبل شهر لطفل غص في رريال قطعه حديدية وتاخر اسعافه ثم نقل من مصتوصف الى مستشفى حتى تعمق الريال وسبب نزيف داخلي حتى توفى الطفل رحمه الله
لو الام تعرف هذه الطريقه كان بطريقه سريعه تخرج الريال قبل تعمقه


yzezzuefzzq

موب مسألة جهل بس إذا وقعت الواقعة من الخوف تنسى كلش

أنا أول كنت أتحمس لمثل هالمقاطع عشان يقالك أطبقها اكتشفت اني لايمكن اطبق شي وقتها

إلا أني أصرخ من الخوف ولا افقد الوعي

خاصه قدام هالصغار ما اتحمل اشوف فيهم شي


اغااار من الناس اللي قوي قلبها وتتصرف

[أسد من ورق]

ماشاء الله ياعساس . معلومات ثرية جدا . إستمتعت بقراءتها .

فكره الموضوع رائعه جدا . (q81)

بالتوفيق

[روعة ملاكـ]

السيارات الحديثه اجهل بعض قطعها
بس اتوقع مجمع الفيوزات




ً

ايوه هذي مجمع الكهرباء بالبطاريه
يكون فيها اسلاك كهرباء مربوطه بصواميل

مره قفلت معي السياره كذا تقفل ابو ثلاث ثواني
وتشتغل من نفسها وكذا مره تقفل يعني كل عشر دقايق تقفل
😱😱😱
ولا مره صارت مع اي احد حتي الكل استغرب ليه تقفل
سيارتي جديدها لها اقل من سنه
كنت بالخط السريع ماحولي محطات 😭
ولا احد من اهلى مستوعب مشكله السياره
ولا احد صار له نفس مشكلتي


وصلت للرياض ونزلت عند كهربائي
وصارت المشكله من الصواميل مرتخيه عن اسلاك الكهرباء
عاد صرت كل فتره اربط الصواميل
عموما ماشوفها مرتخيه بس اتوقع من الاصل هي ماربطت زين
حلو نتعلم من مواقفنا

فسألت قلت يمكن عندكم معلومات عنها
وسلامتكم

[أخت القمر]

نبي معلومات عن هالجزاء في السياره

https://j.top4top.io/p_1666bxju40.jpeg (https://top4top.io/)

أصابع بطارية السالب والموجب.
شديهن بمفتاح عشرة بدون لاتروحين للكهربائي
خلي مفتاح عشرة معك دائما عشان تشدينهن اذا ارتخن
واذا غيرتي زيت خليه يشيك على اصابع البطارية ينظفه من الاملاح

(q84)

[روعة ملاكـ]

أصابع بطارية السالب والموجب.
شديهن بمفتاح عشرة بدون لاتروحين للكهربائي
خلي مفتاح عشرة معك دائما عشان تشدينهن اذا ارتخن
واذا غيرتي زيت خليه يشيك على اصابع البطارية ينظفه من الاملاح

(q84)



ياقلبي اخت القمر
ان مادري وش السالفه ولا اعرف وش المشكله
حتي اخواني وابوي ماعرفوا وش مشكلتي
كنت لحالي بالخط اقولهم ان السياره تقفل وتشتغل بنفسها
بس مو عارفين انه من الصواميل مرتخيه
بس عارفين االمشكله كهربائيه
ومن بعدها ابشرك بسيارتي طقم مفكات كل المقاسات
وكل فتره اشيك علي الصواميل

[كلمااات]

نبي معلومات عن هالجزاء في السياره

https://j.top4top.io/p_1666bxju40.jpeg (https://top4top.io/)

وش ذا الرعب !!!
ذي المعلومات وين ندرسها ؟

[روعة ملاكـ]

وش ذا الرعب !!!
ذي المعلومات وين ندرسها ؟


ً


للاسف مو كل معرفه تدرس بالمدارس والمعاهد
ومو كل دارس فاهم وعارف كثير يحملون شهادات وجاهلين
وكثير يتوظفون بشهادات خبره مو شهاده دراسه
المواقف تدرسك وليست المدارس 👍
ومثل هالاشياء ماتدرس