اوباجي اوباجي اوباجي اوباجي اوباجي !!!!!

[بدويه]

اوبــــــــــاجي ناس تمدح ــــــــه ون ــــــــــ اس تذم



اللـــــــي جربته تفيدنـــــــــــــا



وشكرا ......

[ام أيمن]

شنو هو اولا يا ليت تشرحينه لنا

[بدويه]

http://www.obagi.com (http://www.obagi.com/)

[ام أيمن]

بصراحة ما اقدر افيدك
لانه ما سبق لي واستخدمت هالمنتوج

وان شاء الله يفيدونك الاخوات اللي جربونه

[دلع عيني دلع]

هلا وغلا حبيبتي بدويه

الصراحه اني ماجربت اوباجي ولا اعرف عنه

لكن اكيد مايمدح الا اللي استفاد منه

اتمنى البنات يعطونا رأيهم فيه


منوره بينا ياغلا

:)

[شيخة الكعبي]

الرابط معطل واول مرة اسمع عنه صراحـة !!

[CECE]

بصراحه أنا جربته وطلعت بشرتي رووووعه

بياض ونضاره

ولما وقفت الأستخدام رجعت بشرتي عاديه

بصراحه يسحبون الفلوس سحب

[سيف العداله]

ذي تجربه وحده من الاخوات قريتها بمنتدى

نصيحتي لكم ..
ارجووووووووووووووج ما في داعي تروحين لهم اشتري الكريمات من مركزهم وخذي طرقتي .. لا تكلفين عن نفسج وتروحين لين عندهم بيتفلسفون عليج .. اشتري الكريمات اللي نزلتها وتوكلي عالله .




اهم الكريمات اللي تشتريهم من مركز اوباجي ومب شرط بوصفه طبيه :
------------------------------------------------------------------------------
1- Complex مقشر.
2- Blender مقشر.
3- Clear كريم الصافي.
4-Action وقت اللزوم اذا تهيجت او حمرت البشره .



الغسول اختاري اي واااااحد تراهم يعطونج نفس النتيجه :
------------------------------------------------------------------
1- الستيال. Cyteal للوجه والجسم
2- سيتافيل للوجه فقط +Oilatum soap bar للجسم .
3-Foaming Gel للبشره والجسم.


قبل لا تنامي بساعتين:-
------------------------------
تاخذي مثل حبه البن شوي من Complex مقشر+Blender مقشر

وتخلطيهم في كف ايدك وتوزعيه على كامل الوجه حتى حولين العين عادي الدكتور كان يقولي جذي عشان لون بشرتك تكون موحده وما تكون فاتحه عن منطقه الهالات ...وتعملي هذي الطريقه يومين.

وتريحي يوم وتستخدمي الفوسي كورت .او Action تراهم نفس المفعول عشان تسحب الاحمرار والهيجان من البشره .


اما الجسم يوميا بعد الاستحمام:-
----------------------------------
تاخذي شوي مثل حبه البن من Complex مقشر + زياده عن حبه البن Clear كريم الصافي

وتخلطيهم في كف ايدك وتوزعيه على كامل الجسم ظهرج وصدرك وزنودك داخل فخوذك والكوع والركبه ... وين ما تشوفي البقع او اي منطقه غامجه تريدين تفتحين لونها يعني مب شرط يكون فيها حبوب او بقع.

ملاحظه ....
1-لازززززززم تستخدمون الواقي وقت النهار والمسا لحمابتها من اشهع الشمس وللترطيب ومساعده البشره للتخلص من القشور .
واحسن واقي حمايته عاليه ولا كاتك حاطه شى بوجهك :
1-Roc 60%
2-Avene 60%


2-لازززززززززززم ترطبي جسمك قبل الاستحمام بزيت البابونج من بيبي جونسن او بيبي سيبا ميد لاطفال وادلكيه لمده 5 دقايق وتنتظري 5دقايق عشان وقت الاستحمام تتخلصي من الطبقه الميته اللي ازلها الكريم الصافي .
وطبعا بعد الاستحمام مثل ما خبرتكم توزعون Complex مقشر.+ Clear كريم الصافي.


يابنات ويا المتزوجات ترا كريمات اوباجي من توزعينه على طول البشره تشربه ولا كانك حاطه شي لا بوجهك ولا جسمك..



نصيحتي لكم ..
1-ارجووووووووووووووكم... ما في داعي تروحون لهم اشتروا الكريمات من مركزهم وخذوا طريقتي .. لا تكلفون على نفسكم وتروحون لين عندهم... صدقوني بيتفلسفون عليكم ويخسرونكم .. اشتروا الكريمات اللي نزلتها لكم وتوكلوا عالله .

2- مده الاستخدام 20 يوم فقط

[&*غروب*&]

بدويه انا ما جربته

صديقتي ثقه جربته صلحت تقشير لوجهه

كلفها عشرة الآف

بالبدايه تقول مابان شي

بس بعدين كل ماله يتحسن وتمدحه مره الآن

بس اذا على كلام الاخت اللي اقتبس كلامه سيف العداله يصير توفرين فلوس

بس صديقتي طولت موب مثل ذي تقول 20 يوم بس لازم تكونين حذره خصوصا بتعاملك مع وجهك

[اليسا القصيمية]

تصدقين اني اعرف وحده مستخدمه برنامج كامل من اوباجي تغيرت بشرتها مرررررررررره مرررررررررره واحلوت بس عاد مكلف .

وشغلهم كله تقشير واعادة بناء للبشرة والخلايا والحفاظ عليها نضره .

وموفقه ........

[جوهرة تميم]

استخدام منتجات اوباجي تكون امنة تحت اشراف الطبيب او المركز
وهو مكلف جدا ..لكن يعطي نتائج مبهره.. يحتاج الى صبر في بداية استخدامه
ولكن اذا تركتيه فتره تتراجع النضاره في الوجه ..واذا استمريتي عليه فتره طويله
يحافظ على شباب البشره..وارجع اقول انه مكلف جدا جدا.............

[العجــــــرا]

إسأليني أناااااااا يالعجـــــــــــرا....ماراح تلقين زي او باجي
يسحبون فلووس لكن والله تشوفين نتائج خياليه بالنسبه للبشره ..لأني جربت علاج
البشره بالتقشير (كريمات)
ومن ثم اخذت كريمات عنايه يوميه و واقي شمس وفيتامين
ولي اكثــر من سنتين والنتائج رائعه ولم تتغير.........


نصحت وحده من صديقاتي تروح لهم قبل زواجهاا
واعطوها نفس الكريمات

فإذا ماعندك مرض عضوي خذي نفس الكريمات احسن من تكاليف الكشف



:)

[*أسيرة الذكرى*]

والله أول مرة أسمع فيه
هذا ماشاء الله الربع أفادوك...