يضحك وكنه جالس باســـتراحه

[فارس جهينه]

الشعر بوح وهاجسي يكره البوح
وشلون يلقى كاره البوح راحه ؟؟

الطعنه اللي حاولت تاخذ الروح
ماخلت بصدر الشمالي مساحه .!!

ياضيقة صارت معي وين ماروح
بعض الصراحه منك توجع صراحه

لكن حــبيبك ماتــعود على النـــوح
ياخــف جـــرحك بين باقي جراحه

بعض الجروح نحبها لوهي جروح
يسعد مسا جرحك ويسعد صباحه

مسموح لو توجع خطاياك مسموح
حكم الخطايا منك فيني مباحه

حــتى ولو قلـــبي بيديك مــذبوح
يضحك وكنه جالس باســـتراحه

[قاضي]

عز الله انك فقيده

ياخوي فارس لا تطول الغيبه

انت مبدع في ما تطرح

الله يسعدك

[... بنت الجنوب ...]

صح نبضك أخوي فآرس
لآعدمنآك
..

[حسن خليل]

قصيدة مميزة وبوح جميل وأحاسيس مرهفة ومشاعر جيّاشة.
كل الشكر والتقدير أخي فارس على امتاعنا بها.