للمجاراة بشرط توافق المعنى

[تسونامي الشعراء]

يا مرحبا يا قرم من دون تقصير=ترحيبتن طعم القراح الزلالي
ترقى ليا وصلت على شامخ النير=ما هيب فود جنيه ولا ريالي
فيها نسخّر لأجلك القاف تسخير=ومجهزين الرد لو جا مجالي
رد السباع مجاوبين المناعير=مهوب رد قصيّرين الحبالي
يا قرم وش تسوى النفوس المساعير=اللي على نية رداهم قبالي
أكرمتهم يا قرم من دون تحذير=ما هوب طبع(ن) لي يبين اهتيالي
لكن من عقب الليال المعاسير=ومن عقب ما همي ثقل باكتيالي
وضّحت لك يا قرم من دون تأخير=لعل عندك نستلم كل حالي
يا قرم وش دعوى زبون المخاسير=اللي خلي البال عن كل سالي
اللي على عمياه في دربه يسير=وليا تسند طاح عن كل عالي
يا قرم خبرني وقل لي وش يصير=من شان نقطع عنه حبل الوصالي

[ابو جهاد الهذلي]

على نفس الوزن والقافيه

[تسونامي الشعراء]

اكيد طال عمرك

[فهد بن زيد]

حياك الله وصح لسانك ملايين ,,
اخوي الغالي وشاعرنا الفذ تسونامي ,,
استاذي ,,تلك محاولة على عجاله ,,كــ مساجلة ,,ترحيبية بمقدمك ,, لا أكثر ,,
وهي عبارة عن ابيات متواضعة ,, لن ترتقي اكيد لمستوى باذختك الجزله طال عمرك ,,
وبكل الاحوال الباب مفتوح لكل الاخوان والاخوات الشعراء والذين فيهم الخير والبركة ,,
ارجو ان تقبلها كما هي مع وافر الشكر لسموك الكريم على تقبلك ,,



طيب قلت/=
اهلاً ’’ هــــلابك عدّ ماغرَّد’ الطير = واعداد ماذعذع هبوب الشمالي
وافي بجزلات القوافي مساطير = اطربني بدعك . وانعش القاف بالي
ارحب تفضــل عطِّ عطر المباخير = في رفّة الخيمه سطرنا الدلالي
عـاداتنا كلمــــا لفـــــونا المـداوير = للضيف يرخص ما يهمّ الحـــلالي
واليا انتخى ربعـي قـروم مناعير = في مجلس .الشـعار ياهملالي
وقت اللزوم ابشر بحلو التباشير = هـــــذي عـــوايدنا ولا بــه جدالي
وانت تسونامي ماهي لحية نوافير = اسمك ورسمك.هزّ روس الجبالي
وانت الوفاء طبعك وحنَّــآ مخابير = وبكوانها شروى الجهام الهلالي
لاشكّ للدنيــــا سنيـــنٍ مقاشير = ترفع رديّ القوم فوق المعـالي
دورة فلك ولـخالق الكــون تدبير = كم دولةٍ سادت وباتت تـــوالي
سبحان من بامره تكون المقادير = سبحان من يسمع دبيب النمالي
اصبر على سود الليال المداهير = كم واحدٍ ن ياخوك قبلك شكالي
لابدّ من عقب الليـــــال المعاسير = يسرِ يبدّد ضيــــــــقها للســهالي
قلته واناتقصر بيوتي عن السير = والشعر له ناسٍ تحثّ المقالي
وصلُّوا على الهادي صلاةٍ بهاخير = عداد ما هلَّت ,, حقوق الخيالي
=وسلامتكم ,, اخوكم فهد بن زيد))

[تسونامي الشعراء]

صح بدنك الله لا يهينك

واشكرك جدا على الاطراء

[شــتآت]

تسونامي الشــعراء _ فهد بن زيـــــد


أبدعتوا وتألّقــتوا

متمكّنين تــــــبارك الله

صح لسانكم ولاهـــنتوا

[تسونامي الشعراء]

صح بدنك

مشكورة على مرورك شاعرة حرب