ضروري تدخلون عندنا طبق خيرى في المدرسة ممكن مساعدة

[غاب القمر]

لو سمحتوا ممكن افكار جديده لعرض الاطباق بطريقه حلوه
واللي عندها افكار حلوه لا تبخل على ممكن والله لا يحرمني من افكاركم وابداعاتكم
عندي فكره وابى رايكم فيها
وش رايكم اجيب مجموعه من الحلويات واحطها في علبه شفافه على شكل هديه واربطها بشريط الهدايا
قولوا رايكم قبل يوم الاربعاء

[المذهل]

بسم الله الرحمن الرحيم

السلام عليكم ورحمة الله وبركاته

أختي الكريمة

اعطيك راي بس اخاف مايعجبك

الناس يحبون الشئ القديم دائماً

لذلك خلي عنك الحلويات
وسوي قرصان وبليه بخضار وضبطي شغلك
وحطية في بادية قديمة وان كان عندكم (ميقعه) الميقعه هاذي بادية بس خشبية

وان كانك معزمه على الحلويات جيبي الحلويات القديمة بتلقيها في الاسواق الشعبية حطيها في اطباق الخوص وجمليها باي شي يليق لها

وانتي ورايك

وشكرا
أخوكد
المذهل

[غاب القمر]

مشكور اخوى المذهل على الافكار الحلوه

[قلب وارف الخلجات]

أختي فكرة رائعة

وهذه فكرة آخرى

أن تحضري فلين أسطواني وتلبسيه بالورق المناسب

ثم تقومي بغرس عصى الحلوى فيه حتى تملئيه بالطريقة المناسبة

فيعطي منظر جذاب...

وهناك طريقة آخرى وغير ملكفة

وهي تقديم طبق بالفواكه خاصة ونحن بالصيف


فالطريقة أن تختاري ماتشائين من الفواكه
مثلا عنب وشمام وبطيخ وفراولة ومانجو وبرتقال

ثم تدخل و ترص بطريقة منسقه على عيدان الخشب( عيدان الشوي)

ويفضل أن نجعل رؤس العيدان تنتهي بالعنب

ونحضر نصف شمام بعد تريغه والإستفاده من لبه

ونقلبه ونلبسه بالقصدير

ونغرس عيدان الخشب بما تحويه من الفواكه

فتعطي منظرا جدا شهي





وأتمنى أكون أفدتك

لك فائق التقدير والإحترام
من قلب وارف الخلجات

[شبيـه الريـح]

فكره حلوه
وممكن ما تكون علبه تكون قماش تل لونه فاتح ويلصق بغرا مسدس وبعدها تربطيه بالورد او بشريطه تكون اغمق من لون التل
وممكن صحن بلاستيك يوضع فيه عدة اشياء مرتبه ثم يغلف ببلاستيك شفاف بس تشدي عليه قووووه وتربطي على طرفه فيونكه
وممكن سله صغيره وتحطي شوي ورد مجفف وبعدين تنوعي ما بداخلها وتغلفي السله من اسفل ببرستيك تشديه بقوه وعصى السله تلفي عليه ورد

الله يوفقك :)

[دلع عيني دلع]

أهلين حبيبتي .. غاب القمر ....’’

http://yaward.hanaa.net/postcard/images/g9.jpg


الغاليين ماقصروا ... لكن اذا حلويات .. تعرفين القماش القديم اللي عليه ورد مادري وش اسمه

هو مثل الروز أنا اسميه { قماش جدتي } :p .....’’

المهم تقصينه بشكل مربع وتحطين فيه الحلويات وتربطينه على شكل { بقشه }..

وتجمعين كل البقش بسله خوص كبيره تكونين ربطي على طرفها

بشكل دائري من نفس القماش ...,,

وممكن تزيني البقش بعقود تراثيه قديمه وتراها مو غاليه .. كل بقشه عقد ..

يطلع شكلها روووعه ...’’

لاتنسين حطي مع الحلاوه .. { حلاوه بقر } (aqwa)

وكل بقشه نزلي منها خيط هدايا مربوط بطرفه { بطاقه أذكار او أدعيه }او ورده طبيعيه ..

وممكن في وسط السله تحطين كاس او صحن بقاعده والبقش حوله ويكون بارز

وفيه من حلويات منوعه للتذوق ......’’

وأربطي على طرف السله بلالين ملونه بخيط طويل ملون ...

{ هذي بعض الصور اتمنى تفيدك }

http://hawaaworld.net/files/41022/wed2.jpg

http://hawaaworld.net/files/41022/wed3.jpg

http://www.ramaba.com/images/decoration2.JPG

http://www.aljori.com/images/333.jpg

http://www.aljori.com/1010.jpg

http://www.aljori.com/1212.jpg

http://www.aljori.com/11011.jpg

http://hawaaworld.net/files/41022/000011.jpg

[بنت نجد]

بسم الله الرحمن الرحيم
السلام عليكم ورحمة الله وبركاته

هلااا و غلااا (q72) حبيبتي ... غاب القمر ...
ماشاء الله اشوف الأخوان والأخوات ماقصروا عطوك افكار حلوة ...
وفكرتك أنتِ بعد حلوة ... واختصار للوقت فيه اكياس تُل جاهزة تباع مخصصة لوضع الحلويات أو الكروت فيها ولها ربطة من شريط الستن ... بصراحة حلوة وشكل الحلويات فيها بيطلع حلو ...
ايضاً فيه بعد اكياس للحلويات مصنوعة من اورق السليفون مرسوم عليه رسومات ملونة وهالأكياس تجي مليناة بالحلويات وبسعر معقول ... وتصلح للأطفال
وإذا كنتِ من أهل الرياض تحصلين الأكياس في شارع السويلم ...
موفقه يا رب .. والله لا يحرمك الأجر ..

حفظك الله
أختك
بنت نجد

[العاذريه]

ماشاءالله افكار الاخوان والاخوات قمة في الذوق.. لكن عندي راي بالنسبة للطبق الخيري والطبخات الموجودة وهي أنك تخلي العرض عبارة عن أركان بحيث يكون كل ركن يمثل مدينة إما مدن داخلية مثل الجنوب وطبخاتها والقصيم واهل الشمال واهل الوسطى والحجاز وهكذا ..أو تخليها مدن وهالطريقة اروع واشهى بحيث تجعلين ركن مصري وتحطي الأكلات المعروفة عندهم مثل الكشري وام علي ..الخ والركن السوري (ورق عنب وفته ...الخ)والركن المغربي (الكسكسي والحلويات المغربية..الخ)والركن الإيطالي (مكرونه بأنواعها وبيتزا...الخ) والمكسيكي والهندي وهكذا ..ولو يكون لباس البنات اللي يخدمون على كل ركن يمثل هالمدينة بتطلع حلوه وفيها حياة وفيها تجديد..ولا يمنع تضيفين مبيعات خاصة ببعض الدول المعروضة .. أتمنى أكون افدتك بهالمشاركة وياليتك تخبرينا بالنتائج وايش سويتي حتى نستفيد ياغالية
.

[أبو فجر]

نصيحة : أهم شي جودة وطعم الاكل والشكل الخارجي مو مهم لان الطالبات يبون يأكلون الكيكة مو الغلاف والله يوفقك ياغاب القمر ,,,,,,,,,,,



أخوك/أبو فجر

[غاب القمر]

اخواني واخواتي اصالة عن نفسي ونيابة عن زميلاتي احم احم
<<<<<<<<<<<<<<<<<<<<<<<<< نست الاخت تحسبها في الحفل
قلب وارف الخلجات وشبيه الريح وبنت نجد و دلع عيني دلع والعاذريه ابو فجر
مشكوووووووووووووووووووووووووورين على الافكار الحلوه وكل فكره احلى من الثانيه اخجلتوني بكرمكم
والله لا يحرمنى منكم آمين يارب وانتم احلى ناس في احلى منتدي
ومره ثانيه الف شكر (dgdddgdg)

[شبيـه الريـح]

المهم أنشالله تكوني أستفدتي من الأفكار اللي قدمناها لك... الله يوفقك :)

[دلع عيني دلع]

تسلمين حبيبتي .. ولازم تعلمينا وش سويتي .... ننتظرك ..

*

*

[بنت نجد]

بسم الله الرحمن الرحيم
السلام عليكم ورحمة الله وبركاته

اليوم الأربعاء ... وننتظر النتايج يا قمر :)
الله يوفقك ...

حفظك الله
أختك
بنت نجد