كوفي 11
20-05-10, 11:03 PM
قصيدة العريس للعزوبي
العريس يقول انا الذي في سعاده
ماني عزوبي ضايق الصدر مهموم
مبسوط من مثلي قعد عند غاده
مهوب مثل اللي لحاله تقل بوم
ان اشهد انه عايش في قراده
يروح عمره ما تهنى ولا يوم
الى دخل للبيت يبلش بزاده
يقعد يقطع له طماط مع ثوم
ولاقضى عقب العصر من عداده
والحوظ من كثر المواعين مزحوم
والى غسلهن ثم وفك السداده
دلى يغسل له سراويل وهدوم
وان ما طبخ روح لمطعم حماده
والاقعد في منزله واعلن الصوم
وان جاه ضيف باغي له رفاده
يروح يشتري رز وايدام ولحوم
ما يعرف الشمبوورسه عراده
وشماغه من الكواي مليانه رقوم
ما يكنس الفرشه ويلقط بداده
اما بقايا رز او خبز معروم
عنده صراصير بحاجة اباده
تسرح وتمرح في الغرف دايم الدوم
يجمع قروشه ويتسلف زياده
ناظر جوازه ممتلي كله ختوم
له موتر خرده كثير فساده
في كل يوم في الاشارات مصدوم
غمارته كنه ورشة حداده
ومريقده في شنطته دوم محزوم
دوم يتنقل تقل كنه جراده
في كل يوم نازل له على قوم
يسهر والى قام الظهرمن رقاده
روح على شغله والا اليوم مخصوم
يأذي بنات الناسيبغى مراده
في كل يوم زاهم له على هوم
اراه ما يعرس ويقدح زناده
يترك بنات الناس ويصير معصوم
يلقى هنوف تخدمه مثل داده
ويصير رجال ويسلم من الوم
يفرح الى من قرب وقت الولاده
ويصير معنى العرس بالحيل مفهوم
يشوف اولاده ومعهم شهاده
قبل الوفاة وقولة الناس مرحوم
مـنقول
العريس يقول انا الذي في سعاده
ماني عزوبي ضايق الصدر مهموم
مبسوط من مثلي قعد عند غاده
مهوب مثل اللي لحاله تقل بوم
ان اشهد انه عايش في قراده
يروح عمره ما تهنى ولا يوم
الى دخل للبيت يبلش بزاده
يقعد يقطع له طماط مع ثوم
ولاقضى عقب العصر من عداده
والحوظ من كثر المواعين مزحوم
والى غسلهن ثم وفك السداده
دلى يغسل له سراويل وهدوم
وان ما طبخ روح لمطعم حماده
والاقعد في منزله واعلن الصوم
وان جاه ضيف باغي له رفاده
يروح يشتري رز وايدام ولحوم
ما يعرف الشمبوورسه عراده
وشماغه من الكواي مليانه رقوم
ما يكنس الفرشه ويلقط بداده
اما بقايا رز او خبز معروم
عنده صراصير بحاجة اباده
تسرح وتمرح في الغرف دايم الدوم
يجمع قروشه ويتسلف زياده
ناظر جوازه ممتلي كله ختوم
له موتر خرده كثير فساده
في كل يوم في الاشارات مصدوم
غمارته كنه ورشة حداده
ومريقده في شنطته دوم محزوم
دوم يتنقل تقل كنه جراده
في كل يوم نازل له على قوم
يسهر والى قام الظهرمن رقاده
روح على شغله والا اليوم مخصوم
يأذي بنات الناسيبغى مراده
في كل يوم زاهم له على هوم
اراه ما يعرس ويقدح زناده
يترك بنات الناس ويصير معصوم
يلقى هنوف تخدمه مثل داده
ويصير رجال ويسلم من الوم
يفرح الى من قرب وقت الولاده
ويصير معنى العرس بالحيل مفهوم
يشوف اولاده ومعهم شهاده
قبل الوفاة وقولة الناس مرحوم
مـنقول