حنـــــــــــــــــــــا العـــــــــرب

[عبْث]

حنا العرب يامدعين العروبه

وحنا اهل التوحيد وانتم به اجناب

وحنا شروق المجد وانتم غروبه

وحنا اهل التاريخ وانتم به اغراب

يوم الفقر شلتوا علينا عيوبه

واليوم عقب النفط جيتوا لنا انساب

ويوم الفقر شفتوا البداوه سبوبه

واليوم صرتوا مثلنا بدو واعراب

لو الهوا منكم منعتوا هبوبه

لاشك رزاق الملا رب الارباب

ولو المطر منكم منعتوا صبوبه

لاشك رزق الخلق من عند وهاب

جيش الحسد سقتوا علينا حروبه

كل يبي يزرع على جسمنا ناب

حرب على المحسن تراها عقوبه

يالله عساكم ماتفيدون حراب

ياما عطينا ماندور مثوبه

إلا من اللي من ترجاه ماخاب

ويامانصرنا صاحب ضيقوا به

عاداتنا نقدم الاما الردي هاب

وياما نصانا من تعثر دروبه

يدخل حمانا من تعذره الاصحاب

حنا بنينا دارنا من طيوبه

وانتم سلبتوا داركم كل ماطاب

الله سقانا من بحرنا عذوبه

وانهاركم مثل البحر هدر تنساب

وحنا زرعنا الحب بارض خصوبه

وانتم زرعتم كره الاجيال بتراب

وحنا دعينا السلم نوبه ونوبه

وانتم حمام السلم بعتوه بغراب

يامن دعا للحرب ما ادرك خطوبه

لاتحسب ان الحرب تهديد وخطاب

من شب نار الحرب يصلا شبوبه

ومن ثور الفتنه تعرض للاسباب

ومايستر الرجال ملبوس ثوبه

الدين وافعال الكرامه له ثياب

ومايقبل الرجال بحماه حوبه

مادام له حق وللحق طلاب





الامير خالد الفيصل

[الطـرقي]

هـــــــــــاهــــــــو الـــراســــــــي
يعود بكل شموخ العروبه لينثر ابداعات الذوق الرفيع برائعه من روائع الفيصل

..حنا العرب يامدعين العروبه

وحنا اهل التوحيد وانتم به اجناب

وحنا شروق المجد وانتم غروبه

وحنا اهل التاريخ وانتم به اغراب


فقط أحببت أن اسجل حضوري وإعجابي

بصفحتكـِ اللؤلؤة ..


اخوك /الطرقي

[سفير البادية]

حيا الله الراسي




وصح لسانك ولسان الامير الشاعر

خالد الفيصل

[سـعـد العتيبي]

الراســــــــــــــــــي

مبدع دائماً

تقبل تحياتي

اخووك سعد

[مشتاق]

يعطيك العافية أخوي الراسي ..

قصيدة جميلة جداً أخي ..

لا عدمناك يا غالي ..

[عبْث]

الطرقي

سفير الباديه


العتيبي

ودعت


لكم كل الشكر وصدقوني لولا تشجيعكم ما كتبت ولاجبت شي


لاعدمتكم

[السيف الأملح]

يوم الفقر شلتوا علينا عيوبه......واليوم عقب النفط جيتوا لنا انساب



ويوم الفقر شفتوا البداوه سبوبه......واليوم صرتوا مثلنا بدو واعراب

_____



حنا بنينا دارنا من طيوبه....وانتم سلبتوا داركم كل ماطاب

الله سقانا من بحرنا عذوبه....وانهاركم مثل البحر هدر تنساب

وحنا زرعنا الحب بارض خصوبه...وانتم زرعتم كره الاجيال بتراب



_______

لو الهوا منكم منعتوا هبوبه....لاشك رزاق الملا رب الارباب



ولو المطر منكم منعتوا صبوبه.... لاشك رزق الخلق من عند وهاب



جيش الحسد سقتوا علينا حروبه....كل يبي يزرع على جسمنا ناب


حرب على المحسن تراها عقوبه.....يالله عساكم ماتفيدون حراب

____________



يامن دعا للحرب ما ادرك خطوبه...لاتحسب ان الحرب تهديد وخطاب



من شب نار الحرب يصلا شبوبه...ومن ثور الفتنه تعرض للاسباب



ومايستر الرجال ملبوس ثوبه.....الدين وافعال الكرامه له ثياب



ومايقبل الرجال بحماه حوبه........مادام له حق وللحق طلاب

___________________


يسلمك راسك يالراسي والله هذي القصيده الي تعبر عن مابداخلي تجاه من يزايد على اهل هالبلد بدين والعروبه صح لسانك ولسان ولد فيصل ووشهي القصيده الي يقول فيها

اجتمعتم واخذكم الله يالرخوم...تطعنون الجار وظهور الكرام


ولاهنت

[عبْث]

حياك السيف االملح وتشرفت بردك اخوي


وهذي القصيده اللي طلبت


==============================


ماينسينـا الخطـا حـب الخـشـوم
ولا يطهرك المطـر عشريـن عـام
مخطي(ن) ترضى لنا ظلـم الظلـوم
ومخطي(ن) ترضى على شعبك يضام
بايع(ن) شاري على شعبـك تسـوم
مايهـمـك بالـحـلال وبالـحـرام
لأجل شعبك بيننـا كنـت محشـوم
لكـن الحشمـه خـسـاره باللـئـام
يـوم فشلنـا صواريـخ الخصـوم
رحت ياوجه الفلـس ترمـي كـلام
من شمال ومن جنوب أمسيتـم قـوم
وأنت تنخـى كـل مجـرم بالظـلام
وأتفقتـوا خذلـكـم الله يالـرخـوم
تطعنـون الجـار وظهـور الكـرام
لاحيـا فيكـم ولانفـس(ن) تشـوم
غركـم فيـنـا محبتـنـا الـسـلام
كـل غـدار(ن) تجهـز للهجــوم
مـن طمعكـم ماحسبـتـم للـمـلام
المعـارك ماخـذت ليلـه ويــوم
سلموا جنـد الخطـا مـاب الحـزام
وعود الغازي مـن الغـزو مهـزوم
وأمست ديـاره مـن أفعالـه هـدام
وطاحت قصـور التمانـي والحلـوم
وأكتفيتوا فـي طلـب ظـل الخيـام
نحمـد الله شيخنـا راعـي عـزوم
والعظايـم مالهـا غيـر العـظـام
قامـوا اللـي يطلـب العليـا يقـوم
ماينـوم اليـا بغـى غيـره يـنـام
أنتهض مثـل العقـاب اللـي يحـوم
لين جات صقوركـم مثـل الحمـام
شيخنا قـرم(ن) تحـدر مـن قـروم
الملـك ابـن الملـك ابـن الأمــام



خالد الفيصــــــــــــــــــــــل

[السيف الأملح]

لاهنت ياالقرم

[عبْث]

ولاهان القايل

[دلع الكويت]

بسم الله الرحمن الرحيم

جزاك الله خير

الله يعطيك العافيه

لا خلا و لا عدم ..... صراحه خوووش قصيده بس راح عصرها .....

الحين صار هم العرب ......

http://www.w6w.net/album/2/w6w20050420234122124c6149.jpg

بس الله يعطيك العافيه... و خذ هذي ...

فمان الله
الا واشيب عيني يوم قالوا لي فمان الله
وحققت انّهم من عقب جمعاهم مقفّيني

تغايالي خيال الموت يومه مدّ لي يمناه
ولدّ بعينه الخرسا عقب ما اقفى يراعيني

نهتّ وقلت مما جال بالصندوق واعزاه
سراب اللال باكر يطّرد ما بينه وبيني

حلفت برب خلقه لو يطول البعد انا منساه
انا وشلون ابيع اللي من العربان شاريني

تصبّر يا خفوقٍ صار داه اليوم وسط ارداه
على رجوىان رب العرش يدنّيهم ويدنيني

مثل ما خذت قلبي قلبي المحبوب عطني اياه
على شان انتساوى في المحبه والموازيني

الى قارنت غيرك بك خجلت وقلت وانقصاه
انا وشلون اقارن كامل الاوصاف بالشيني

ولو هو في حلى يوسف كسف لي بنت نور اضياه
وختم القول رب بك تبلاني يقويني


شعر الأمير عبدالله الفيصل

[عبْث]

هلا وغلا بقلبي وعيوني اهل الكويت

هلا والف هلا


يعلم الله لكم معزه غييييييير



واللي بيفتخر بهشام بكيفه حنا فخرنا بالرجال الصعاصيع

تحياتي ولاتحرمينا هالطله

[كويـتـيـه خـطـيـره]

خالد الفيصل

علم من اعلام الشعر الخليجي

وشاعر لا يشق له غبار

وقصيده بمنتهى الروعه والجزاله

يعطيك العافيه على هالطرح المبدع

تحياتي اختك

كووويتيه خطيررره

[روحي بحائل]

تسلم يمينك اخوي الراسي
وصح لسانك وصح لسان قيالها
والله انك مثل الجبال الرواسي.
كل المحبه اليك.

[تعب كلها الحياه]

جمــــــــــــيل الشعر ماصدح به خالد الفيصل


دايم السيف


كل اشعاره رووعه

تحيااتي الراســـي

[عبْث]

كويتــــــــــيه خطيرة


هلا وغلا ونورتي المتصفح يابعدهم كهم

اشكر لك هالطله


===============

روحي بحايل

الله لايعدمنياك ياشــــــــــــــــــــــــــــــــــــــيخ بس قل آمين

[عبْث]

جمــــــــــــيل الشعر ماصدح به خالد الفيصل


دايم السيف


كل اشعاره رووعه

تحيااتي الراســـي




الغـــــــــــــــــــــــاليه تعب لا اذاقك الله التعب


لاتعلمين السعاده وانتي تنيرين موضوعي

اتمنى لك السعاده والصحه


شاكر لك طلتك اختي

[النجديه]

الله يعطيك العافيه

تسلم اخوي على هالذوق الرائع

[بونواف]

قصيده رائعه

سلمك ربي ودمت لنا

[عبْث]

هلا وغلا بنت نجد النجديه


حياك ومنووووووووووووووووووره وشاكر مرورك

[عبْث]

يالله حيهم

هلا وغلا باللي لفا

هلا والله ابو نواف

منووووووووووووووووووووووووووووور


شرف كبير مرورك يالغالي


كل الشكر