*&* ... قرص عقيلي ... *&*

[بنت نجد]

بسم الله الرحمن الرحيم
السلام عليكم ورحمة الله وبركاته

حياكم الله ...
... القرص العقيلي ... هو نوع من أنواع الكيك ...
وله طعم مميز ... لأنه يحتوي على الهيل والزعفران ...
جربوه وبإذن الله بيعجبكم :)

http://images.ma3ali.net/data/media/37/yellowkubbah_4.jpg

المقادير ....
- 1 كأس دقيق أبيض .
- 1 كأس سكر بودرة .
- 6بيضات .
- 3/2 كأس زيت .
- 1ملعقة صغيرة بكنج باودر .
- 2/1 ملعقة صغيرة هيل مطحون .
- شوي زعفران .

الطريقة ....
- يضرب البيض بالمضرب لين يتكاثف حجمه .
- نضيف للبيض السكر ونخلطهم بالمضرب .
- ثم نضيف الزيت ونخلط .
- نضيف الهيل والزعفران ونخلط الخليط .
- نضيف الدقيق بعد ما ننخله هو والبكنج باودر ملعقه ملعقه ونعجن الكيك بالملعقة وبشويش .
- نصب العجين في صينية مدهونة بالزيت ومرشوش عليه دقيق .
- نخبز الكيك في الفرن لين يستوي وبشرط ما نفتح عليه الفرن إلا بعد ثلث ساعة .

وعليكم بمليووون عافية

حفظكم الله
أختكم
بنت نجد

[مستغرب]

هذا كيك هذا

نبي طريقة قرص الجمر كان تعرفن له

ترى ممكن اشرح لكم الطريقة إذا لم تعرفن له

[بنت نجد]

هذا كيك هذا
نبي طريقة قرص الجمر كان تعرفن له
ترى ممكن اشرح لكم الطريقة إذا لم تعرفن له

ايه يا أخوي ... مستغرب ... هذا كيك :)
ومن ناحية قرص الجمر من منا ما يعرفه ...
بس ترانا ما نستغني عن شرحك ...
يمكن قرص الجمر اللي بتشرحه لنا طعمه غير :o
حياك الله ...

الله يحفظك
أختك
بنت نجد

[دلع عيني دلع]

بالله .. هذا قرص عقيلي ... أنا احسبه غير ... والله ..

يعني طلع كيك ... والله وناااسه الاولين عندهم اشياء رهييييبه ...

*

*


خواتي الكباار دائماا يقولون قرص عقيلي ... بس مادريت انه كيك ..

المفروض اسمه .. (مودرن كيك ) :) حلو شكله ..


تسلمين غاليتي .. بنت نجد ....

بس وشلون مستغرب يقول فيه قرص الجمر ...عسى هذاك اللي يخبصونه بالتراب وكله فحم

ومو حلوو طعمه .. مثل اللي يسويه ابوي لارحنا للبر :cl::cl:

اقول ... يعني قرص عقيلي كيك ولا قرص الجمر .... :o<<<-------- انحولت

المهم حفظتها عندي ..

بس جاوبيني اول لاسويها واقولهم الاسم ويضحكون علي ..

مشكووره ياكل الغلااا

http://www.qassimy.com/vb/uploaded/daaaaaaaaaaaaaaaaaal3.gif

[بنت نجد]

بالله .. هذا قرص عقيلي ... أنا احسبه غير ... والله ..
يعني طلع كيك ... والله وناااسه الاولين عندهم اشياء رهييييبه ...
شفتي حبيبتي ... دلع ...
طلع القرص عقيلي كيك :)


خواتي الكباار دائماا يقولون قرص عقيلي ... بس مادريت انه كيك ..
المفروض اسمه .. (مودرن كيك ) :) حلو شكله ..
شفتي عاد ...
هاضمين حقه رايحين يسمونه قرص وهو كيك :o
حتى شوفي مستغرب جا طاير يحسبه قرص جمر :p


تسلمين غاليتي .. بنت نجد ....
بس وشلون مستغرب يقول فيه قرص الجمر ...عسى هذاك اللي يخبصونه بالتراب وكله فحم
ومو حلوو طعمه .. مثل اللي يسويه ابوي لارحنا للبر :cl::cl:
هههههههه
اي والله هذا اللي يخبصونه بالتراب وكله فحم ...
الله يكرم النعمة :)


اقول ... يعني قرص عقيلي كيك ولا قرص الجمر .... :o<<<-------- انحولت
المهم حفظتها عندي ..
بس جاوبيني اول لاسويها واقولهم الاسم ويضحكون علي ..
مشكووره ياكل الغلااا

سويها يا قمر وقولي لهم قرص عقيلي ...
وإن شاء الله بتعجبهم ويدعون لك :)
وياهلااا والله فيك وغلااا ..

الله يحفظك
أختك
بنت نجد

[مستغرب]

نشرح لكم ليش ما نشرح

المقادير
- كيلو من طحين البر حق الكويت يقولن أطعم
- قدر سعة ثلاث لتر
-ملح ساسا
-سمن بقري صناعه محليه
- نار لين تجمر وتصير جمر
- قصدير أو شاش

العمليه
يعجن الطحين في وسط القدر ياليدين جيدا حتى يصبح رقاقا مع إضافة الملح والماء له بنسب معينه
ثمن بعد ذلك يوضع بالقصدير على شكل دائري ليكون دائري الشكل
ثمن يبعد الجمر عن الارض حتى تطلع المله
ثمن يوضع القرص بقصديرته ثمن يوضع من فوقه الجمر لمدة تتراوح بين الساعه إلى الساعة الا ربعاً
ثمن يخرج من النار ويطق باليدين كم طقه لكي ينضبط
ثمن يغسل القدر غسلا جيدا ويقطع بداخله هذا القرص
ثمن يضاف له بصل مقطع قطع صغيره
ثمن يوضع عليه سمنه بقريه
ثمن يؤكل بالهنا والعافيه

[شيهانة]

اختي بنت نجد
الله يعطيك العافيه
بس بصراحة اول مرة اسمع بقرص الجمر

الشيف مستغرب
كل هالمواهب عندك وموزيها..
اهم شي تكون المقادير مضبوطة..
لا تفشلنا قدام الناس
ثمن_ثمن_ثمن
الله يلبسك العافية

[دلع عيني دلع]

يابعد عمري ... تسلمين .. يالغاليه على التوضيح ... من جد ماكنت أحسبه كيك ...

وبسويه ولك كل الدعوااات ...... ...

*

*

مستغرب ... وشو هذا مو حلو مثل اللي يسوي ابوي ... بعدين مشواار

يبي له ناار وفحم ...... لا كيك بنت نجد أحسسسسسسسن :)

العمليه

هههههههههه ... ضحكت من قلب على هالكلمه ... يحرااام يالخبزه :cl:

الله يعطيكم العافيه ..

*

*

http://www.qassimy.com/vb/uploaded/daaaaaaaaaaaaaaaaaal3.gif

[العاذريه]

يامال العافيه يابنت نجد
وشكله يهبل

[بنت نجد]

نشرح لكم ليش ما نشرح

المقادير
- كيلو من طحين البر حق الكويت يقولن أطعم
- قدر سعة ثلاث لتر
-ملح ساسا
-سمن بقري صناعه محليه
- نار لين تجمر وتصير جمر
- قصدير أو شاش

العمليه
يعجن الطحين في وسط القدر ياليدين جيدا حتى يصبح رقاقا مع إضافة الملح والماء له بنسب معينه
ثمن بعد ذلك يوضع بالقصدير على شكل دائري ليكون دائري الشكل
ثمن يبعد الجمر عن الارض حتى تطلع المله
ثمن يوضع القرص بقصديرته ثمن يوضع من فوقه الجمر لمدة تتراوح بين الساعه إلى الساعة الا ربعاً
ثمن يخرج من النار ويطق باليدين كم طقه لكي ينضبط
ثمن يغسل القدر غسلا جيدا ويقطع بداخله هذا القرص
ثمن يضاف له بصل مقطع قطع صغيره
ثمن يوضع عليه سمنه بقريه
ثمن يؤكل بالهنا والعافيه

ياملا العافية والله يا أخوي ... مستغرب ...
قرص جمر ميه الميه ...:rolleyes:
ويكفي أنه ينحط بقصدير ...
مو زي بعض الناس يحطونه على الجمر مباشرة ... :cl:
واحلا شي بالوصفة كملة ثمن :o

الله يحفظك
أختك
بنت نجد

[بنت نجد]

اختي بنت نجد
الله يعطيك العافيه
بس بصراحة اول مرة اسمع بقرص الجمر


الله يعافيك حبيبتي .. شفايف عنب ...
وقرص الجمر معروف عند اهل نجد ...
وهو قرص يسوونه مثل ما قال أخوي مستغرب ...
بس أجدادنا ماكان عندهم قصدير ..
فكانوا يحطونه مباشرة على الجمر :)
نورتي يا الغلا ...

حفظك الله
أختك
بنت نجد

[بنت نجد]

يابعد عمري ... تسلمين .. يالغاليه على التوضيح ... من جد ماكنت أحسبه كيك ...
وبسويه ولك كل الدعوااات ...... ...


الله يسلمك حبيبتي ... دلع ...
تستاهلين من يسويه لك بعد مو بس يوضح لك اسمه :)
والله يجزاك بالجنة يا عمري ...

حفظك الله
أختك
بنت نجد

[بنت نجد]

يامال العافيه يابنت نجد
وشكله يهبل

ويامال الجنة يا عذورتنا ...
وتسلمين على هالطلة يا قمر ...

حفظك الله
أختك
بنت نجد

[مستغرب]

يعجن الطحين في وسط القدر ياليدين جيدا حتى يصبح رقاقا مع إضافة الملح والماء له بنسب معينه


آسف فيه خطأ في العمليه

ما يكون رقاق
الرقاق للمراصيع ( كانك ودكم نشرح لكم الطريقه عادي ترى )
هنا لازم تكون العجينه لينه

فقط للتنويه

[بنت نجد]

آسف فيه خطأ في العمليه
ما يكون رقاق
الرقاق للمراصيع ( كانك ودكم نشرح لكم الطريقه عادي ترى )
هنا لازم تكون العجينه لينه
فقط للتنويه

الله يعطيك العافية أخوي .. مستغرب ..على التنويه ...
وإذا ودك تشرح لنا طريقة المراصيع بنكون شاكرين لك ...
لأن طريقة المراصيع تختلف من منطقة لمنطقة :)

حفظك الله
أختك
بنت نجد