أحتاج لكم حاجت ارواحك للماء

[رقه سحاب]

السلام عليكم


مسائكم نقاء كنقاء أرواحكم

أعزائي

احترت كثير اني اعرض ما أعاني منه

ولاكن بعد ماشفت نصايحكم لبعض وأرواح النصائح الأخويه هو محور تحركم

تشجعت أني اتكلم واعرضها لأرواحكم راجيه أن روحي تطيب بي أرائكم



بدايه


أنا متزوجه لي تقريبا خمس شهور
متزوجه من انسان احبه لمده خمس سنوات
والحمد لله تم زواجنا علي خير

عانينا كثير ايام الخطبوبه اهلي رفضوا انهم يزوجوني الا بعد تخرجي وفعلا انتظرني ثلاث سنوات

انا متاكده انه يحبني

بس صار حدث (qq60)

اكتشفت خيانته (qq60)

وعاتبته وقومت الدنيا وقعتها بس طبعا كان هو ينكر وما اعترف بس في داخله حسيت انه متندم شي بسيط

ماطولت بالزعله رضيت علي طول بس صرت احقق معه بالطالعه والنازله

انا مابري نفسي كثير جرحته وغلطت عليه

خصوصا بشهر العسل كثير نقيت عليه

بس غصب علي وربي مو بيدي (qq50)

احس بينا عي(qq50)ن قويه ونفس احد فينا خصوصا ان الكل عارف انا متزوجين عن حب
وانه منتظرني ثلاث سنوات


بعد الشهرين من زواجنا قال لي روحي بيت اهلك

مالي نفس علي البيت

ورحت واسبوع ودق علي وتندم ورجعني ورجعت

وبعدها تقريبا بشهر نفس السالفه قال روحي وماراحت جلست بالبيت واتصلت بامه قلت فكوني من ولدكم مدري وش يبي بالحياه
هو مايبني خلاص ابروح وقسم مافيه قوه بالعالم ترجعني له
قالت امه ماعليك يابنتي تراه يتكلم مايحس بنفسه ولا يموت بالارض الي تمشين عليها
قوم الدنيا وقعدها عشان ياخذك

لنا الحين شهر ونص هو تغير جذريا صار قريب لي ورجع زي اول ايام الخطوبه وشهر العسل يدارني

ويسال عني ومدلعني

بس المشكله الحين فيني انا







انا مانبسطت يوم زواجي وما ابسطته معي
كان ناقص زواجنا الروح صحيح جلسنا مع بعض واهلنا وكذا
بس فيه شي ناقصنا
انا الحين كل ماتذكر اني ماستمتعت بزواجي امووت من الحسره والهم
وماتتخيلون كيف تضيق نفسي
وربي اصحي وانا افكر وانام وانا افكر بزواجنا واني ما بسطته معي
وبعدي



انا جلست اضحك معه واسولف قلتله شرايك نعيد زواجنا
ضحك معي وقال خلاص ابطلقكك طلقه اولي وبعدها نعد زواجنا
وانا شجعته ابجس نبضه قال احسن بعد نطفي عيون اللي حولنا ذبحتنا عيون الناس
انا بصراحه فكرت انه بايع بس لما تكلم عن عيون الناس فينها سكت وبديت افكر بالموضوع بجد


فكرتين بفكره

نعيد زواجنا لان الندم ذبحني وهد حيلي
ومنها اقتل عيون الناس واولهم خواته ذبحوني يحبك يحبك


قالي بس وعد شرف انو اهلنا مايعرفوا انه اتفاق
وانك ماتنقطعي عني اصير اشوفك بالماسن الين ارجعك





اعرف انكم ماراح تستوعبون اللي انا كاتبته

بس من جد محتاجه ارئكم وربي اني امووت باليوم ميه مره
ومارتحت نفسيا
تعبانه نفسيااااااااااااااااااااااااا


احتاج ارئكم

[彡я ş ∂ ∂ Ļ彡]

اللهم لك الحمد والشكر
انتم تلعبون بشرع الله وين العقل اللي فيكم
طلقني بعدين ارجع لي ليه السالفه لعبه
صدق بزران الله يخلف على اهاليكم بس ...
ياناس خافوا ربكم لاينزل عليكم سخط من رب العزّة والجلال

[شموخ بدوية]

الخيانة ليس لها علاقة بالعين هذا أولاً


ثانياً ليت مفهوم يكون الزواج أكبر وأسمى في نظركم من طلاق ومسنجر وخرابيط مالها داعي

الزواج مودة وأطفال وتكو ين أسرة سليمة


أبدوأ حياتكم بتقوى الله تسير حياتكم على الصراط المستقيم

[رقه سحاب]

صمت الكون

مالعبنا بشرع الله

جالسين نستشير ومابعد سوينا شي

واللي ايده بالمويه مو الي يده بالنار

[彡я ş ∂ ∂ Ļ彡]

صمت الكون

مالعبنا بشرع الله

جالسين نستشير ومابعد سوينا شي

واللي ايده بالمويه مو الي يده بالنار
طيب دامكم تستشيرون
اجل من هالحين بطلوا هالحركه
لان ابغض الحلال عند الله الطلاق

[رقه سحاب]

شموخ بدويه

انا عارفه ان الخيانه مالها دخل بالعين


بس انا اتكلم انو مشاكلنا كثير وعلي اشياء تااافه قلت يمكن اذا رحت لاهلي

وجلست فتره عندهم تهدا النفوس

خصوصا ان مادمرنا الا ان جماعتنا دارين انه يحبني

وقلنا تصير طلقه عشان تنطفي عيونهم مو بقصد استهانه بشرع الله


اتمني انو احد يفهمني

نورتني شموخ

[غريب الماضي]

أسمحي لي أختي أقول لكـ هذا لعب أطفال
الزواج والطلاق لا هزل فيه ، والزواج أعظم
مشروع يكون بين الرجل والمرأة بالحياة الدنيا
وأنبسطتي أم لا في فترة زواج هذا شيء تافه
جدا ً مقارنة ً بالزواج ذاته ، فالأيام قادمه والعمر
باقي ، والشهور الأولى من الزواج من المتعارف
عليه إن يكون فيه مشكلات ومشادات وأختلافات
كثيرة ، لكن إن تصل الأمر إلى الطلاق فقط لكي
تنبسطون فهذا أمر غير مقبول إطلاقا ً ثم وما أدراكي
إنكـ ِ بعد الطلاق والعودة سوف تنسطون ، خافوا الله
في أنفسكم ، فالنفس عليكم حق

[عالي الذوق]

لن استنكر عليك سالفة الطلاق والمسنجر فالأعضاء الي قبلي كفو ووفو

نأتي للمشكله ..

(الحـــــب) هنا مربط الفرس سؤال يتردد دوما ليش الزواج الغير مسبوق بحب اكثر نجاحا من الزواج اللذي نجم عن حب ؟؟

الجواب وانا اخوتس ليس كما تعتقدين عين والناس فاطنين .. باختصار الي تزوجوا من بعد حب تكون طموحهم تجاه بعضهم أكبر وكلا الطرفين ينتظر من الآخر عطاء أعلى كرد دين لضريبة حب يرون انه هو الدافع الرئيس لزواجهم .. وبما ان الحياة الزوجيه مآلاها الاستجابه لمتلطبات الظروف وصخب الحياة ومعايشة الأوقات بحلوها ومرها فإنه بالتأكيد سوف تحدث الصدمه التي يفرضها الواقع وتتبدل الأحلام التي كانت مبنيه فقط على الجانب الرومانسي من هذه العلاقه ولو أخضعنا علاقتكم للواقع لوجدنا ان مايحصل بينكم شي طبيعي فالكل يواجه مشاكل في بداية زواجه حتى تنسجم العلاقه وتبدأ بأخذ مجراها .. وهذه هي النقطه السلبيه التي لاتوجد في الزواج التقليدي الذي لايسبقه حب بل يتبعه حذر وجس نبض للمشاعر وبالتالي يحصل الانسجام من دون صدمات .. ومما لاشك فيه ان المشروع القائم على الحذر وتحري فرص النجاح أكثر نجاحا من المشروع القائم على الثقه المسبقه بنجاحه .. فذاك وُضع في الحسبان فيه الأخطاء... وهذا متوقع فيه فقط العطاء وهنا يكمن الخلل وبالتالي يقع الأمر الجلل..
أدري طولت السالفه وفلسفتي زايده .. بس هذا الي لازم تعرفينه .. والحفاظ على عشكما هو مايجب ان تفعلينه .. من دون النظر لحب قد عشتيه .. ومع الوقت تأكدي انك ستلاقيه من دون ان تنتظريه

[شموع رومنسية]

ياختي كل شي الا الطلاق لالالالالالالالاتفكرين بطلاق ابد
اذا انك شاكه بحياتكم ارقو انفسكم
بعدين تراء الخيانه لها دور بقلة السعاده وتفاهم
الله يسعدكم ويهنيكم بحياتكم

[بنت زوجي]

والله حسبت نفسي بمنتدى المسابقات والآلعاب

بس بعدين انتبهت اني بأكثر اقسام المنتدى اهميه

واسمى علاقه خلقها ربي



انتي من صجج

مافكرتي لما يصير عندك عيال ولدك يسألك ليش تم الطلاق وش بتجاوبيه


اكيد بيعرف من الآقارب هالسوالف متنسي


قال ايش مانبسطنا

هيه سفره لسوريا
ومانبسطو فيها

الله يهديكي بس

[عابره سبيل]

وعليكم السلام ورحمة الله وبركاته...
صرآآآحه كلامك متناقظ كيف تحبينه وتبين تتركينه ووش تتطلقون وترجعون لتجديد الحياة ...
غاليتي :
أنتم كلكم شكلكم توكم صغار لاتحسبين سهل أنك تطلقين وترجعين له مثل قبل ولنفرض نفذتوا هالفكره الجنونيه بنظري...
وفترت العده تعرف على غيرك وجلس غير رايه يرجعك وش بتقولين لأهلك وأهله كان أتفاق بينا ...أنسي هالفكره أبداً
دائما الزواج عن حب وبعد فتره طويله يأتي عليه فترة فتور في العلاقه ولهفة الشوق تخف...
***قبل أي شي روحوا عمرهـ
***دائما خلي سورة البقرة تشتغل في غرفتك وحتى أهدي لزوجك شريط لسورة البقرة يسمعه في سيارته الشياطين لاتدخل بيت تقرأ فيه البقرة...
*** العين حبيبتي حق حاولي ماتمدحين زوجك قدام أهلك وأهله لكن رددي الحمدلله مستورين.
***أكسبي زوجك بحسن تلطفك معه وأهتمامك بمظهرك ترى بتجي فتره يمل من المشاكل والهواش ويبحث عن السكينه والهدوء عند غيرك.
***آحمدي ربك على زوج مثل زوجك وأجتهدي لإرضاءه من باع الغالي والرخيص من أجلك يجب تتمسكي فيه بكل قوتك..
وأسأل الله العلي القدير سبحانه يحفظكم أنتي وزوجك ويهدي نفسيتكم...
تقبلي آآآآرق تحياتي.
آختكم هدهد الشرق

[عالي المستوى]

اهلين اختي

لالالا وش هالكلام يطلقك ويرجعك وتعيدون زواجكم

اولا الطلقه الوحده مافيها زواج ولا شي بس ينام معاك ويشهد اثنين انه رجعك بس

الطلقه الثانيه هي اللي فيها عقد من جديد

الطلقه الثالثه تحرمين عليه اللين تتزوجين واحد ثاني ويدخل فيك

انتي وزوجك شايفين التلاعب بأحكام الله سهله وكله علشان شوية ضغوط واجهتك انتي وهو

ولو قلنا انها من اعيون الناس الحمدلله العين تروح بالقراءه وياكثرهم اللي يقرون واذا كنتي تبين ارقامهم واماكنهم انا حاضر

طيب ابسألك انتي وش سويتي لله علشان ربي يزيح الهم عنكم

صلي الصلاوات انتي وياه بأوقاتها وخاصه الفجر
اكثري من الصدقه
قومي الليل انتي وياه والحوا على الله بالدعاء ترا ربنا حيي يستحي يرد عبد من عباده

روحي انتي وياه لمكه وخوذو عمره وادعوا الله عند الكعبه

لا يجي في بالك لا انتي ولا هو موضوع الطلاق ماتدرين عن الايام وش مخبيه لكم

اعزمي خواته عندك في البيت وخوذي اللي يبقى منهن دامك شاكه فيهن

ولا تجلسين تسوين انتي وياه عند الناس روميو وجولييت خلي الامر هذا بينكم

والله هذا اللي اقدر اقوله لك

ربي يفرجك همكم

عاااالي المستووووى

[صدى الشوق@@]

أنارأيي من رأي هدهد وعالي المستوى وش التلاعب هذا
انتي فاكره انو دخول الحمام زي خروجه ياحلوه(qq168)

الله يوفقكـ ياربـــــــــ ويسهلك

[يــيزي عذاب]

والله مادام انك اخذتيه عن حب لازم هالمشاكل تطيح فوق راسك مثل ماطاحت فوق راسي

بس تحملي واستغفري الله

الله يعين الجميع

[الهنـوف]

شوفي اختي الطلاق هو ابغض الحلال عند الله ،

المهم ، اذا قال لك روحي بيت اهلك لا تروحين ،

قولي له انت زوجي واهلي حاولي تستلطفي معه ،

مو تصدقين واي شيء يقول لك تسويه .

حاولي تكسبي زوجك لانه جنتك ونارك ..

ونصيحة اخرى اختي ما مضى فات ولك مني انك تقرأي سورة طه او البقرة وترقي نفسك ،

وراح ينصلح ما بينكم وتروح العين ان كان هناك عين والله الموفق ..

[رهينـة]

أختي هذا يبي يطلق شكله ولقاها حجه ..
شيلي هالفكره من راسك ياقلبي ..
وعيشوا مثل الناس بلا طمع بالحب والتدليع ..
كثير بنات ابيه يدلعني ابيه يسوي لي كذا وابيه وابيه .. وانتم مانتم حاسيين بالنعمه ..
ليتك كاتبة اعماركم اتوقع انكم صغار بالعمر ..

بالتوفيق عموما

[دموع الوفاء]

والله اللي قبلي قالو كل اللي بخاطري

[avr]

الله يخلف عليكم انتي وزوجك
ارجوك اذا انتي صادقه بكلامك
انك تصدقيني زوجك ماخذك على قد عقلك
انتي فاهمه ايش الزواج
ليله الزواج ماهي بها الأهميه علشان تتطلقون
علشان تعيدونها تقدرين تعيدينها بدون طلاق
سوي حفلة زواره او حفله خاصه للك انتي وياه
انا كان عندي مشكله بس من جد ارحممممممم

[ساميوو]

ياربي لك الحمد والشكر
على نعمه العقل

[أم اليتامى]

حبيبيتي....صدقيني حاسة في مآآآسأتك
انا مع الأعضاء السابقين في نقطة ان الطلاق مو لعبه او زي شربة المويه بسهولتها
بس ليش ماتتفقين انت وياه انك زعلانه فرضاً عند اهلك وقدام اهله ولمده معينه
وفي هالفتره هذه ماتقطعين فيه مثلا تطلعون تتمشون او تتعشون برى اهم شي انك ترجعين لاهلك بعد هالمشوار وترجعون قصة الحب السابقه قبل الزواج بس الفرق انك متزوجته وهو حلالك الان يمكن بعدها العيون تهدى على قولتك وبكذا راح يشتاق لك وتشتاقين له وترجعون بعد مايشتعل نار الشوق وتحسون انكم ماتقدرون تفارقون بعض وقدام الناس لاتوضحين انك مبسوطه او عند اهله صراحه بعض الحريم او الرجال يكون فاقد الحب في حياته ويكون يشوفكم قصة حب نجحت وانتصرت بعد صبر 3 سنوات غيركم محروم من الحب ويتمناه ....حبيبيتي حاولي تكونين حريصه انتي وزوجك على ان لاتظهرون حبكم وتبادل المشاعر قدام الأهل والأصحاب من ناحيتك انتي وووياه
صدقيني اتكلم لك من تجربه...
اتمنى كلامي مايزعلك بس والله حسيت في معاناتك وذكرتيني في ايام معاناتي
وربي يوفقكم ويهنيكم ويسعدكم في حياتك انتي وزوجك وتعيشون باستقرار اسري جميل

[rajia]

ياحبيبتي انتي شو تقولي الطلاق مو لعب ادا عملتوها انبشرك بانك تشوفي عقاب الله لكم وانا نقولك حاجة ختي هده نتيجة حتمية لانكم كنتو عاملين علاقة قبل الزواج وهدا حرام انا نقولك استغفرو ربكم وعرفي كيفاش تكسبي زوجك ليش لراح ليها احسن منك انت لزام تكوني مهتم بنفسك وبزوجك وقوليلها الكلام الزين ما تقعديش تقوليلها قبل الزواج ما كنت تعاملني هيك ............ حتى ما يكره منك دوبيه في العسل وخديها نصيحا من ااخت راجلك على واش عودتيها ما تزعلي مني اختي
الله يخليكم لبعضكم:gg4mpup:

[المحروم.]

الله يعينك اختي

[rema @]

هلا اختي
وش طلاق ومو طلاق كله هذا عشان الفرح بالطقاق وشيلي الافكار السلبيه من راسك
وش دراك اذا طلاق يرجعلك ممكن يسحب عليك
شيلي هذا الموضوع من راسك لان الطلاق مافيه مزح
وبالنسبه لموضوع العين حاولي تحصيني نفسك وتقراي الاذكار
وتشغيل سورة البقرة في البيت