فارسي

[راجية مولاها]

الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
فارسي

أشوفه فارسا راكب جواده
يركض والريح تلعب بلثامه
ماسك سيف وسيفه ما يخون عهوده
وعيونه ترسم على الصحاري ابتسامه
وكلماته احس فيها جنوده
ورجولته تتزعمهم زعامه
يبرهن بين الفرسان عن صموده
في الحياه ويتعامل معها بشهامه
ومكارم الاخلاق تزيد علوه وصعوده
جود, صبر, شجاعة وكرامة
يشوفه قليبي تنفك قيوده
والقلب في حبه مايعرف ندامه.
فارسي مزيون و ما احلى خدوده
ولحيته على وجهه كأنها غمامه
أو يمكن كرم العنب ينقطف عنقوده
ويرسل عطر مادريه مسكا او خزامه
مبيكتمل وصفه وان قلت انشوده
حبيبي على رؤوس كل الرجال عمامة
ابغاه يعطف على قلبي ويحس وجوده
ترى حبي صار واضح و قدامه.

[راجية مولاها]

اتمنى رأيكم بصراحة

[$ روح المسك $]

يعطيك العافية ننتظر جديدك

[**مني خذوك**]

روووووووووعه حبيبتي..

يعطيك الف عافيه..

وصح لسانك..

لاعدمنا يمناك يالغلا..

بحفظ الله..

اختك..


دمتي بود

[راجية مولاها]

شكرا لكم على مروركم تسلمولي يارب تسلمي يا حبيبتي مني خدوك انتي الاروع

[الربيع ابن الحمدان]

صح السانك
وسلمت يمينك
قصيده حلوه
ننتظر مزيدك

[مطيحه خمسه بغمزه]

روعه ننتظر ...

الجديد

مشكوره
" حبيبتي "

[@ترايستار@]

طلبتي الصراحه

وانا اقولك بحاول فيها .. .. لأنها مشروع قصيد وتحمل معاني كثير حلوه وتحتاج لها .. شوي شغل

ترا ما فيه زعل انتي قلتي ابي الصراحه

[@ترايستار@]

اشوفه فارسي قايد جنوده
:::::::::::::::::::: ركض والريح تلعب في لثامه

مسك سيف يوثق له عهوده
::::::::::::::::::::: وعيونه ترتسمه فيها ابتسامه

وكلماته جنود ما تقوده
::::::::::::::::::::::::: وهو فيهم تصدر للزعامه

يبرهن بالزعامه عن صموده
:::::::::::::::::::::::::::وحياته كلها عز وشهامه

كرم اخلاقه يعلي صعوده
:::::::::::::::::::::صبر مع جود ويروم الكرامه

رآه القلب وانفكت قيوده
::::::::::::::::::::::::::::::وقلبي حبه بليا ندامه

ملاه الزين يامحلا خدوده
::::::::::::::::::::::::::ابو لحيه كثيفه كالغمامه

رياح الطيب بأسفلها معقوده
::::::::::::::::::::::وانا بازيدها مسك وخزامه

لو اكتب مدح واتعدى حدوده
:::::::::::::::::::قصر مدحي ولا ياصل مقامه

لفاه الحب وأعلن عن وجوده
::::::::::::::::::::::::ياليت يحس في حبي امامه

[@ترايستار@]

تراها محاوله // قمت بالوزن فقط .. وحاولت الا لا اتعرض للمعنى / لأن المعنى في بطن الشاعر هع هع هع
المعذرة // ان كنت قصرت في شيء