ودي اعذبه

[سجينة العبرة]

السلام عليكم ورحمة الله وبركاته هذا عنوان اخترته للفت الانتباه لكن مشكلتي اني ودي افهم شخصية خطيبي عشان اعرف اتفاهم معه لي سنتين وانا مخطوبة وخلال هذة السنتين كنت عايشة في حلم ماكان يقصر علي في حبه كلامه وافعاله تدلني انه بالفعل يموت فيني وكان يحلم انه يرتبط فيني وبعد ما صارت الملكة سافر في احدى مناطق المملكة عشان الدراسة كان في غربة وكنت اكثر الناس قريبة منه مع انه مع اصحابه وكان يجلس اوقات عند اخواته وبعد مارجع انصدمت انه مكون علاقات مع بنات هو شاب يصلي وطيب دايم مايرد لي طلب لكن اللي سواة نزع ثقتي فيه وحسسني انه لعاب مخادع هو كان يكلم بنات قبل الملكة لكن كثير من الناس قالو لي انه بينصلح حاله اذا ملك اتحسن فترة لكنه رجع للكان عليه صرت اكرهه وما ودي اعيش معاه طلبت من اهلي ان نفسخ الخطوبه محد سمعني واجهته بغلطته واخذ يتعذر لكني شايفه الحال كما هو وهو قاعد يحاول يحسسني انه تركهم لكن افعاله تدل العكس تماما انا ماني موضحة له اني فاهمة حركاته لكني سحبت نفسي من حياته كل ما اتصل اقوله اني مشغوله لاني عارفه انه بس يبغى يحسسني انه تاركهم ماهو عشان انه يكلمني وهذا عرفته من خلال اكثر من اتصال انا ابغى اريح نفسي منه ومن كذبه عشان كذا فضلت الهروب لاني بعد غلطته حاولت اني احسسه بالحب والحنان لكني حسيته ماهو يمي لكني احبه وادعيله ان ربي يهديه لكنه تعبني ارجوكم ابي رايكم باسرع مايمكن

[أخت القمر]

اختي العزيزه

انت تقوليين انه يكلم بنات؟؟ وش دراك ؟؟انت متأكدة والا كلام الناس اذا اعترف لك انه يكلم بنات اسأليه عن السبب يمكن مقصره معه بشي ويدوره عندهم >>مع انه مهو عذر اذا ناقصه شي يكلم بنات!!!!! والصراحه احسن شي بين الزوجين

كون علاقه مع البنات قبل الملكه والا بعده؟؟وعلى اساس الجواب تعرفين اذا كنت انت السبب والا لا!!

بالنسبه لصدك له اكبر غلط لانه كذا يبي يرجع ويكلم البنات لانك ماتبين تسمعينه وهو يدور اللي تسمعه

وفهميه انه الحين متزوج وسمعتك من سمعته وانك مستعده تسمعينه وتفهمينه


تقولين حاول يحسسك انه ترك هالشي لكن افعاله تدل على العكس؟؟؟ انت متاكدة من افعاله والا مجرد شك وخيال

واخيرا قولي له اذا ما تعدل الانفصال احسن وانك تبين تعلمين الهيئة والا مالهم دخل:p

اعتقد ان حل مشكلتك يكون انك تسألين نفسك اسئلة وتجاوبين عليها بكل صدق وراح تلقين الحل باذن الله


ادري اني ما اعطيتك الحل لكن ارجو اني بهالكلام عرفت طريق الحل


اسأل الله لكِ وله ولشباب المسلمين الهداية

[lamar100]

اختى سجينت العبره ان من رئى تئكدى من الموضوع جدا تممممممااااامممم واذا اكتشفتى انه كلامك صحيح انا اقول الرجال كلهم من هذا الصنف ومن فيه طبع مايخليه انا زوجي مثل كذا وانا مدري عنه قبل الزواج ومازال هااااااااااكذا مره مع بتت الجيران ومممممممممممممرررررررررررره مع فلانه وانا اعانى الكثر بسببه وحالتى الصحيه والنفسىه تتردا والسبب هو

[سجينة العبرة]

ارجو من الدكتور يحيى ايضا الاجابة هو كلم قبل وبعد الملكة ولما سالته وش النقص اللي فيه وبصراحة قال والله ما لقيت منك قصور كيف ابدا حياتي مع انسان مثل هذا صرت خايفة على مستقبلي معاه خايفة انصدم فيه بعد الزواج والقاه مستمر كيف لو ربي رزقني منه باولاد دلوني انا تعبت من التفكير ارجوكم:angry:

[المهاجر]

اختي السجينة الماضي له وش دخلك فيه مثل ما ماضيك لك
نصيحة لا تحاسبينه الا من ليلة الدخلة وبعدها
اما قبل الارتباط لا تقولين صار وصار و80% من الشباب لهم ماضي قبل الزواج بس بعد الزواج يتغير الحال

[تحدوها البشر]

هذا هو القهر بعينة يعني يكلم وياخذ راحته
ويتميلح مع كل الي يبيهم من البنات وقال ايه بعد
ليلة الدخله حاسبيه لا لا لا وألف لا الغلط غلط ومن شب على
شيئ شاب عليه وإذا كان هذا طبعة أصلا فتأكدي إنه ما راح يتغير
وهذا كلام عن خبرة وقناعة لاني اعرف شخص تزوج وهو له علاقات
ودام على علاقاته وعنده اطفال ولكنه لم يتغير وبعد 14 سنه زواج طلق
زوجتة لماذا لانها لم تعد تطيق الخيانه اكثر من ذلك فانا انصحك ان لا تخوضي
تجربة مؤلمه مثل هذه وان تحددي مصيرك إما الصبر ومحاولة اصلاحه وهذا ليس
على الله بعزيز أو ان تنسحبي بهدوء وتريحي اعصابك وقلبك من الهم والغم والشك والغيرة
وتقبلي تحياتي
والمعذرة على الاطاله والعصبية

[سفيرة العشاق]

أفضل حل , انج تفسخين الخطوبه , وتنسينه لا أكثر ولا أقل ,,

[المهاجر]

انا قلت الماضي اختي قمرين وهي تتكلم عن خطيبها بشكوك ولا عندها دليل يعني تبي تحاسبه وهو في منطقة وهي بمنطقة مع انه لازال عزوبي ولا يعلم باحواله هناك الا الله فليه تتعب نفسيتها وتبحث عن افعاله وهو لسه ما صار زوجها (qq125)

[سجينة العبرة]

مشكورين على ردودكم لكنه اخوي مهاجر هو يعتبر الحين زوجي لانه مملك عليه وهو رجع من سفره وعايش مع اهله وانا في نفس المنطقة لكني حاسته بعيد عني بشكل ماتتصور كنا نتكلم بالتلفون بالساعات والحين تمر ايام ونحنا ماكلمنا بعض ومع الاسف اني ماقدر افسخ الخطوبة لان اهلي منعوني لكن ابغى طريقة اتعامل معاه فيها ساعدوني:sobbing:

[مستغرب]

أختي الكريمه

أن النصيحه لها فوائد عظيمه

صاريحه بما يجول بخاطرك وأنصحيه عن الابتعاد عن ما يفعل

أو أنك تفضلى الانفصال عنه

[سجينة العبرة]

صارحته لكن مالقيت فايدة انا تعبت معاه(qq166)

[جسيكا]

:spying2: مهااااااااااااااااااجر بصراحة كلامك يخوف لازم اي شاب له ماضي قبل الزواج؟؟؟؟؟؟؟؟؟؟؟؟؟؟




اختي انا اطلب منك عدم الاستعجال تريثي واستخيري وانشالله ربي يوفقك معاه ان كان يستاهلك اويبدلك خيرا منه.

[المهندس]

بداية انا معارض لبعض الردود .........اللي تضع كل الرجال في ميزان واحد وانهم على علاقات نسائية قبل الزواج ........انا ماقول فيه لكن نسبة الامارحم ربي............
اختي سجينة العبرة ............فهمت من كلامك انه شاب يصلي وطيب ...............جميل جدا هذا يدل ان الشاب انشالله فيه رجاء خير .........من مبدا الدين النصيحة ...........وراء ماتكلمين شخص تثقين فيه من اخوانك ينصحة ويذكره بالله ...وان الشي اللي يسويه ........لا هو من اخلاق المسلمين ولا يرضاه ديننا ............وان من ابتلى اعراض المسلمين بكره يجيه الدور يبلاه الله بذريته ................وانشالله بتفيد فيه النصيحة بس يبي له صبر ............الله يوفقك اختي ويرفع عنك مابتليت به

[سجينة العبرة]

انا حاولت معا وجيته من مبدا الاسلام والاخلاق زي ما قلت يامهندس ولكن اخوني صغار وما عندي احد اثق فيه الا الله وما حسيت انه اخذه في اعتباره اطنشة فترةوارتاح لاني يوم حسسته اني قريبه منه ما اهتم فيه بل العكس حسسني اني كاني ثقيلة عليه ولاوش اسوي عساني اصبر:praying:

[سيف العداله]

احسن شي تسوينه له (as15j)

شكل الرجال مل منك وهو توه ما تزوج (q83)

لا تزعلين تراي امزح (q76)

[الــمــلــتــاع]

اما بالنسبه لي لاني مزود ولا منقص علي اخواني الاعضاء

توقعاتي ان ...
مشكلتك اختي هي سببها الرئيسي طول مدة الخطوبه لان من كلامك سنتين ولا اتوقع انك مقصره عنه ونصيحني لك تفاهمي معه بالسياسه شرط يتعدل ياررررب لان العصبيه ما عمرها انفعت احد

والله يوفقكم ويسعدكم ياررررررررب

[سجينة العبرة]

اشكر جميع الاعضاء لكن ودي اقول شي هو انسان اناني لانه بعد كل اللي سواه فيني طبعا بعدي عنه ردة فعل على تصرفاته لكنه يلومني اني ما صرت ادق عليه مثل اول لاننا كانت اتصالاتنا على بعض بالهبل الن بعدت عشان ارتاح منه وهو يلومني والله مدري وش السواة انا قرفت العيشة معه ومليت منه(q32)

[الــمــلــتــاع]

وش رايك تعطيني رقم جواله وانا اوريك فيه والله شكلك قافله معك عليه

(qq95) (qq95) (qq95) (qq95)



امزح معك

[قــــصـيمـيه]

صح لسانك يااخت قمرين .. المشكله ان كثير من الناس عندهم قناعه بأن علاقات الرجل مع اي فتاة قبل الزواج

يطلق عليها (( طيش شباب )) !!

هل طيش الشباب يسمح لرجل تربى أحسن التربيه وفي أفضل بيئه من ناحية الدين بأن يتبع هوى نفسه ؟؟

هل الرجوله تنحصر تحت القوه والصراخ والظرب فقط؟؟

اليس ردع النفس عن هواها اكبر رجوله!!

ياعزيزتي انا بنظري ان المشكله هي مشكلتك ومهما اعطيناك من حلول وآراء يبقى الحل النهائي هو حلك انتي وقرارك هو الفيصل لهذه المشكله..

اذا ترين انك بأستطاعتك تحمله وتحمل زلاته بعد الزواج (( فبيني وبينك الرجال اللي يصلي اكبر نعمه ))

واذا تحسين انك حساسه وماراح تحملين انانيته (( مع ان الرجال كلهم انانيين :) )) ولا تتحملين مزاجيته فلك الحق بأن تتخذي القرار

أما اذا كان يسوي علاقات مع بنات وأنتي متأكده من هالشي فبصراحه شوري عليك انك تواجهينه وتطلبين الانفصال .. لان تصرفه يدل على ضعف قلبه ..!!

وصعبه بعد الزواج تبي تقعدين تتابعينه .. عساك تبزين عيالك علشان تبزين ابوهم :)

وفي النهايه حبيت اعلق على كلام الاخ مهندس واقولك صدقت ولا فض فوك .. ياناس لا تعممون الشباب ماهو كلهم لهم علاقات قبل الزواج... لأن هالتصرفات تقلل من شأن الرجل واعتقد وان كانت موجوده فهي بالسر

الف شكر لك يالغاليه واتمنى لك السعاده يارب والله ينولك اللي في بالك

[باقي فرح]

اختي الحل الوحييييييييد ومافي غيره انك تستخيرين بدل المره عشره وبعد الاستخاره صدقيني وعن تجربه اقولك هالكلام صدقيني راح ترتاحين للقرار اللي راح تتخذينه ولاعليك من كلام اهلك اذا قررتي
والله يوفقك ويسعدك


اختك......... باقي فرح...........

[سجينة العبرة]

اشكر كم جميعا بس خوفي انه يستمر بعد الزواج على هذا الحال هل بعدي عنه بخليه يرتاح مني(qq49) اتمنى من اي انسان يقرا مشكلتي يدعيلي بان يسخره الله لي يمكن دعوتكم تستجاب وارتاح من هالعذاب والله يجزاكم كل خير

[القنياوي]

صراحه
( في العجلة الندامه) هذا مثل
وصراحه انا اقول يمكن ان ضروفه في الخارج بدلته لانه دايم يشوف بناات لا كن اكيد وكل شاب له ماضي وبعض الاحيان الشابات يكون لهن ماضي
اركدي ولا تستعجلين ترا يمكن يكون كلام ناس واذا كان ودك فصخ الخطوبه ارجو منك انك تراجعين نفسك شوي
(as15j)
كان يموت فيكي ليش ما استغليتي الفرصه وبادلتيه نفس المشاعر لكي يتعلق فيكي اكثر واكثر
ولا كن ما اقول الا اركدي وامسكي ارضك تراااه احسن لك ويمكن انه عنده كلام ولا اسرار وده يقولها لك بس انتي ما اعطيتيه الفرصه
اسمعي منه وخليه يسمع منك ؟................ اوكي
وتراني امزح معك يوم اني قلت امسكي ارضك ولا تاخذين بخاطرك باااااااي

[سجينة العبرة]

اختي قصيميه انا صارحته لكن مالقيت فايدة وياخوي القيناوي طيب انا لي سنتين وانا مخطوبةقلت انه يمكن انه مل مني لاني يوم حسسته اني قريبه منه ما اهتم فيه انا متاكدة انه في وحدة اخذه عقله انا اعرف زوجي تصرفاته تغيرت تماما من ناحيتي ماهو الاول عسا ربي ياخذها مثل ما اخذته مني وش اسوي (h)

[majnon_nawal]

(q9)

شوفي إوخيتي خخ

كونه يكلم بنات فهذا حال اغلب الشباب وماني قايل للأسف لانه فعلا وماني مسوي مثالي عموما ليش ما تكو نثقتك في قدراتك كبيره يعني ينصلح على يدك انشاء الله ومافيه احد معصوم من الخطاء وبعدين شكلك تحبين العنف يعني اول ليلة في الزواج بعصاء المكنسه على راسه قمه العذاب خخخ تحياتي

[صوفيا]

أفضل حل , انج تفسخين الخطوبه , وتنسينه لا أكثر ولا أقل ,,
انا اقول افسخي واتركيه هذا عمره ما ينعدل
والله يعينك

[نهر الحب]

اولا / يا أختي الخطوبه الطويله مو زينه...
ثانياً / اذا مش مرتاحه له أفسخي الخطوبه لأن هذا زواج وحياة طويله معه بعد كذا...... وتفسخين عقد أحسن من طلاق بعدين..... لأن واضح انك ما راح تتحملين اطباعه....
لكن تعذبينه او ما تعذبينه كيف يعني تسوين علاقات ؟؟؟؟راح تضرين نفسك ....
استخيري ثم استخيري ثم استخيري وربي يجيب لك الصالح

[mosta7eel]

.. عساك تبزين عيالك علشان تبزين ابوهم :)



قصيميه.........نصيحة حلوه.......مشكوره عليها....وانشاء الله انتي بعد تبزين عياالك وابوهم.....

على فكرة........اعجبتني كلمة تبزين.....لانها قديييييييييمه مرررررررررررررره....واعتقد محد فهمها الا انا....والله العااالم

[زوج مقصر]

اختي الغالية سجينة العبرة اسمعيني جيدا وارجو ان تتحملي كلماتي
اقول ايتها الاخت الغالية اولا اسألي نفسك سؤالا لماذا يبحث خطيبك عن غيرك؟
وهو الذي التقى بك واخذ منك ما يأخذه الزوج من زوجته تجلسان مع بعضكما
اولا : من المؤكد انك مقصرة في كثير مما يحتاجه هذا الرجل سواء في كلامك او
في تعنجك امامه فالرجل يحب المرأة الرقيقة الناعمة العطوفة الحنونة التي تهتم بنفسها
ولبسها وشكلها ويبدو انك مقصرة في كثير من هذه الامور كذلك اختي الغالية وارجو ان
تتحملي كل ما اقول فانا ارجل واعرف ماذا يريدون الرجال من زوجاتهم وانت بحكم الزوجة الآن
اهتمي برائحة فمك وارجو ان تعي جيدا لهذه النقطة فلا يقع انفه على رائحة كريهة منك وبالذات
من فمك وانت تعلمين لماذا اقول فمك لأن الرجل والمرأة بداية التقائهما عن طريق الفم .
ثانيا : اهتمي بأهله مثل والدته واخواته واجعلي علاقتك بهم جميعا متينة فهذا يجعله يحترمك ويقدرك
بل ويضعك فوق راسه مهما فعلت ولا يستطيع ان يمسك بكلمة مهما حصل منك لأنه سيقدر لك بعض الامور
التي تجعله يراجع نفسه قبل اتخاذ اي قرار.
ثالثا : اختي الغالية تعاملي مع زوجك تعامل المرأة الهائمة العاشقة له ولكن بحدود ولا تشعريه انك مندفعة له
بل كوني دائما حذره منه بدون ان يرى منك ذلك او يحسه او يشعر به .
رابعا : الهدية لها وقع في النفس وتجعل الرجل هادئ النفس محبا لك واهم ما في الموضوع ان تعرفي ماذا يريد هو او ما يتمناه من خلال جلساتك معه فاذا عرفتي رغبته بشي معين اذهبي واجلبيه له مع علبة عطر جذاب ستجدي خطيبك يميل لك رغما عنه لأنه يجد امرأة تجذبه لها مثل ما تجذب الارض ساكنيها بمغريتها وشهواتها .
ارجو اختي الغالية ان تسفيدي من تجاربنا حتى لا تضيع العلاقة بينك وبين خطيبك وان شاء الله نسمع سمع طيب

اخوك/ زوج مقصر

[سجينة العبرة]

اشكرك اخ زوج مقصر لكن ودي اخذ رايك هو دائما يطلب مني ان اعامله مثل الطفل وانا بعد اللي حصل اصبحت ما اثق فيه احس انه يحاول يلعب علي صورته مع الاسف اصبحت مهزوزة لكن يمكن طول فترة الملكة سببت هالمشاكل والله ما ادري صرت ماني عارفه كيف اتعامل معه ما احس انه يستاهل حبي يبغاني اهتم فيه وهو قاعد يلعب من وراي وما يهتم فيني انا ماقصرت معه وهو اللي شهد بذلك لكن الله يصبرني

[سجينة العبرة]

ترى السوال ماهو موجهه لزوج مقصر بس اتمنى منكم ردود عاجلة

[وميض قلم]

السلام عليكم

عزيزتي سجينه العبره

أود أن أطرح لك رايي المتواضع بالموضوع ....

اعتبريها اول مشكله تواجهك.. هل ستختارين الهروب من اول مشكله زوجيه تواجهك..؟؟!!
وهذه تعتبر مشكله صغيره بالنسبه للتي سوف تواجهينها في المستقبل..

حكمي عقلك.. وزنيه .. هذا زوجك الآن ويجب ان تعرفي كيف تحافضي عليه بل تحاربي من أجله.. لا تتركيه لهن بل هو لك الآن

حاولي ان تجذبيه منهن .. واعلمي انك لست الوحيده في هذا الموقف بل الكثير .. لكن عزيزتي لا تخشي المستقبل في النهايه هو لك انت دون سواك
ولن يلتفت الا لك انت .. فانت من اختارها بقناعه .. اما هن فليس سوى مجرد عبث .. حاسبيه على هذا اللهو لكن كوني ذكيه في تعاملك معه

وللاسف ربما يكون المجتمع هو من يصرح لنا بظهور هذه الصوره .. فمن يعرف ذلك عن الزوج لا يعتبره جرم او خيانه
لكن ان كان الامر للزوجه فسوف تعتبر تهمه وربما تستحق عليها الثلاث دون نقاش..!!

حاولي ان تفهميه بطريقه ما انه يجب عليه ان يفصل حياته قبل الارتباط وبعده .. فهو الان مرتبط وعليه التزامات ..


ارجوا ان اكون قدمت لك شي تستفيدين منه

وميض قلم

[سجينة العبرة]

(qq55)اشكرك وميض قلم واشكر جميع من ابدى برآيه لي وسوف اقوم بكل الوصايا التي جائتني ولكن اتمنى من كل انسان يقرا كلامي انني مهما حاولت لهدايته فلن يهتدي الا بمشيئة الله سبحانه (انك لاتهدي من احببت ولكن الله يهدي من يشاء) سادعو له دائما بالهدايه ولكن اتمنى بل وارجو كل من قرا رسالتي هذه ان يدعو لي بان يجعل زوجي قرة عيني وان ينزع حب البنات من قلبه انه قادر على كل شى واتمنى كل من استطاع ان يفيدي بالمزيد من ارائه وخبراته فانا امس الحاجة لذلك ولكم جزيل شكري

[ورد88]

السلام عليكم ورحمة الله

اختي الفاضلة .. سجينة العبرة
اتمنى ان تكوني بخير وعافية ..
اختي الزواج هو اهم حدث في حياة الانسان وبالذات بالنسبة للبنت ، فانت اختي زجاج وليس من صالحك كثرة الشخط والتشويه على حياتك ، هل استخرت الله ، هل صليت الاستخارة وطلبت ان يوجهك الى ما فيه صلاح امرك !!!!

اختي حتى وان كان لا يكلم بنات .. شكلك ان قلبك شبع منه او ان الخوف يطغى على الطمأنينة التي يجب ان تكون مهيمنة على قلبيكما ..
فمن البديهي ان تكون هناك راحة بال وقبول بالذات بعد الملكة ..فإذا لم توجد فان الزواج حينها سيكون مجرد حرب طاحنة بينك وبين من سيتزوجك ..
اختي قال الله سبحانه وتعالى في محكم كتابة الكريم (( سبحان الذي خلق لكم من انفسكم ازواجا لتسكنوا اليها وجعل بينكم مودة ورحمه ))
واؤكد على ((مودة ورحمه )) فإذا انعدمت فلا تجازفي باغلى ما تملكين ، فسواء استمرت هذه الزيجه او كان مصيرها الفشل .. فستكونين خسرت اكثر من ما ربحت في الموضوع .. بل ليس هناك اي ايجابيات سوى ضياع وقتك ، واعصابك ، ومالك ومال اهلك وجرح بالقلوب ،،، واغلى ما تملكين كما تعلمين ...

اذا لم يطمئن قلبك لقبوله حتى وان وضعت احتمال هدايته .. او في حال عدم هدايته فمن الافضل ان تكوني اكثر جدية في طلب الغاء العقد باسرع وقت ، ويمكنك افتعال اي اسباب ةقد تكون حقيقية وليست اصطناعاً مثل الكوابيس المفزعة ، المرض الدائم ، حالة الاكتئاب والبكاء المتواصل ، الانعزال وانعدام الشهية ووووو مما يجعل عائلتك تعدل عن فكرتها ولا مانع اذا تحدثتي معه صراحة بأنك لا تريدينه ، وانك لا تريدين له ايضا خسارة تكاليف زواج قد يكون اخره فاشل ،،وانت ادرى بما يقال وبما يكره الرجل في المرأة من مجرد ايحائها له بكراهيتها له ، وان كان من المصلين كما قلت فذكريه بالاية اعلاه ليتقي الله فيك ، (((هذا كله في حالة عدم قبولك له ))))
لكن اذا ارتاح قلبك له ، واطمان بالك ووجدت ولو 60% من مشاعرك تميل الى اكانية تحمل نزواته لحين يهديه الله ، او انك ستكونين المحب المضحي في سبيل اعتدال حبيبه ، ويكون لك اجر هداية انسان ...

اختي في الاخير .. ان اكبر حدث يمر به الانسان ينتقل فيه من عالم بريئ وردي مرصع بالنجوم الى عالم مجهول اخر يختبئ خلف ستار كثيف هو ما يجب ان يكون الانسان فيه حذقا وجديا ومتيقضا .. مع علمنا بان الزواج هو سياقة من الله وليس بيدنا سوى الرضا بما قسم الله لنا ، ولكن العبد في التفكيييييير والرب في التدبير ...

حفظك الله ، وطمان قلبك وسترك بستره وانار طريقك وجعل كل امرك خير ، وهداك واهلك الى سواء السبيل ...
اخوك (ورد )

[سجينة العبرة]

جزاك الله خير اخي ورد على نصائحك القيمة ولكني احبه ولااستطيع ان استغني عنه مع انه كذلك لكني ادعو له دائما بالهداية(a13)