المساعد الشخصي الرقمي

مشاهدة النسخة كاملة : ×?°عـزة النفس ×?° .. للمشـاركـة

شموووخ
20-08-04, 04:28 PM
http://www.hi-arab.com/upload/image/roseline.gif

الشعور بالعزة الشخصية التي لا تستند الى جاه ولا مال ولا حسب موروث من أسمى الغرائز
أبدع الشعراء في تصويرها والتفاخر بها
وأصبحت أبياتهم أشبه بالأمثال السائرة

*
*
*

أردت في هذا الموضوع جمع ( شيء ) من هذه الأبيات

*

ومن أراد المشاركة فليتفضل


http://www.hi-arab.com/upload/image/roseline.gif



ياصاحبي شفت الجبال اللي لها شمخٍ طويل ... كلن يبي يطلع لها وماله جدى كود النظر

هذي أنا مثل الجبل شامـخ وراسـي مايميل ... لي هامـةٍ مرفوعـةٍ ماتنحنـي ولا تنكسر

لي منزلٍ عند النجوم الشامخه كنـه سهيـل ... نهضت راسي .. ولارضيت بظلم ماسأة الدهر

لا كبرياء .. ولا غرور لكن رفضت أحيا ذليل ... فطره ربت في داخلي تبقى معي طول العمر

هذي أنا ماردني جـور الزمـن والمستحيل ... وصلت صعبات النوايف ولا أنحنى فيني ظهر

عزيت نفسي والمواقف ماتبي شخصٍ هزيـل ... ورفعت قدري باسقٍ راسي وأنا وسط البشر

وهذي أنا مثل الجبل شامخ ورأسـي مايميل ... وأبشّرك لي هامةٍ .. ماتنحني ولا تنكسـر



http://www.hi-arab.com/upload/image/roseline.gif
شموووخ
20-08-04, 04:39 PM
عزة النفس .. لحامد زيد

http://home.att.net/~scorh2/Heart1a4.gif



ينجـرح قـلـب.. لـكـن ترتـفـع هـامـه .. .. والله اني لامـوت ولاانحنـى راسـي
لــو رمـانـي زمـاني وسط..دوامــه .. .. العواصف شديـده .. والجبـل راسـي
أنقل الحزن وامشـي منتصـب قامه .. .. قاسـي الوقـت لكنـي بعـد قـاسـي
واسمع الحلم يصرخ لحظـه اعدامه .. .. رابط الجاش ... ماهـز الخبـر باسي
عـزتـي غالـيـه ..والـنـاس سوامه .. .. قلـت ماابيـع حتـى تقطـع انفاسي
زانـت ايـام عمـري .. شانـت ايامه .. .. مارجيت العزى من رحمـة الناسي
مـن عجـز لايــدوس الـهـم باقـدامـه .. .. لازم انـــه مـــع الايـــام ينداسي
يندمل جـرح القلـبٍ ..ماتـت احلامه .. .. بس ما اظن يبرى جرح الاحساسي
يـوم صـارت مابيـن القـلـب والهـامـه .. .. وش ابي بالحيـاة الياانحنـى راسي ؟!!


http://home.att.net/~scorh2/Heart1a4.gif

.
شموووخ
20-08-04, 06:08 PM
http://www.hi-arab.com/upload/image/AnimalSet1cLine1.gif


ياجرح لو تلتهب ماهي على كيفك .. .. الحاجه اللي تذل النفس مابيها
ياجرح لو في خفوقي ماكن (ن) سيفك .. .. العزه اللي براسي منت قاويها


http://www.hi-arab.com/upload/image/AnimalSet1cLine1.gif



عزيز النفس وراسي دايمٍ مرفوع .. .. والا انحنى راسي برجلي وطيته


http://www.hi-arab.com/upload/image/AnimalSet1cLine1.gif



أنا البخور اللي على الجو طاغي .. .. وغيري حطب دخانهم يوجع الراس


http://www.hi-arab.com/upload/image/AnimalSet1cLine1.gif




أنا السما وانت مثل واطي القاع .. .. مهما كبرت بالمساحات تحتي


http://www.hi-arab.com/upload/image/AnimalSet1cLine1.gif



عزاك اني سما لا أنت ولا غيرك وصلتوها .. .. وعزاك اني مثل هالشمس أبد ماتحتويها يد


http://www.hi-arab.com/upload/image/AnimalSet1cLine1.gif



.
شموووخ
20-08-04, 06:42 PM
.



محلا عذاريبي .. لعبدالعزيز بن سعود


http://www.mowjeldoha.com/mix-pic/borders/www.mowjeldoha.com-borders-53.gif



علّمني الوقت رفع الراس والهامه
لا .. مااشرب الحب ذل وينحني راسي

نفسي على العزّ عزّامه وجزّامه
لا خير بالعشره اللي مالها ساسي

كلٍ يشوف الردا والطيب قدّامه
وانا لدرب الردا ما دق هوجاسي

واللـي رضا بالردا لو طالت أيامه
وقـته ولو عاش ولا ّ مات متواسي

ياقـف ويحـتار باحلامه وباوهامه
ومن الفخـر والمعزّه يقطع الياسي

ليـلٍ ينامـه امريـح البـال ما انامه
هموم قلبـي تجيه أخماس واسداسي

واللي على غير حاجه يحفي اقدامه
يتعب وعقب التعب يبشر بالافلاسي

واللي لدرب الشهامه يكرب حزامه
احب طاريـه واغلي راسه القاسي



http://www.mowjeldoha.com/mix-pic/borders/www.mowjeldoha.com-borders-53.gif




.
شموووخ
22-08-04, 10:59 AM
.


http://bawaba.jeeran.com/fawasel/warda.gif


اريــد ابكـي علـى قلبي وتخنقني أنا العبره
واحس بدمعتي الحرَّى على محجر عيوني تجول
تبي تنزل واعاتبها تقول اش فيك مغتَّره
واقــول الصبر يا دمــعه انا وانتي نخل وخيول


http://bawaba.jeeran.com/fawasel/warda.gif


.
شموووخ
22-08-04, 05:43 PM
.


http://www.mowjeldoha.com/mix-pic/borders/www.mowjeldoha.com-borders-53.gif


نفـسي عـزيزه مـا تـطيـق التجـاريـح \\ أهــون امـوت ولا مـذلـة زمـانـي

لا مـا أخـاوي صـاحـبي للـمـصـاليـح \\ أحـمـل هـمـومـه لا لـقـيته يـعانـي


أقـرا عـيـونـه يـشتـكي وده يـصـيـح \\ واجـيـه فــازع لـه ولو ما نـخانـي

حـق عـلي أنهـضـه لا شـفـته يطيـح \\ لا مـا اتـحـمـل انـتـظـر لا دعـانــي


وعاهدت ابوي وقلت رأيي بتوضيح \\ واقـسمت باللي ما معه رب ثاني

والله ماحني الراس وارضى بتجريح \\ ومـا يـفـرح اللي بالمذله نوانـي


وعزيـز ابـقى ما اطـيـق التـجـاريـح \\ وموتي بي اولى من مذلة زماني


http://www.mowjeldoha.com/mix-pic/borders/www.mowjeldoha.com-borders-53.gif


.
بنت اهلي
22-08-04, 09:23 PM
يعطــــــــــــك العافيه شموخ
عرفتي تختارين " عـــــــــزة النفس " احلى موضوع

ثاني قصيده كتبتيها مهب لحامد زيد لـــ مساعد الرشيدي


هذي القصيده مدري لمين بصراحه حافظتها بدون اسم
.................................................. .......................................

من دون عزة نفس وش خانت المال ؟
************** وش تنفع الدنيا بلا راس مرفوع ؟

لحيه وشارب سبع .. ويعَد رجال
************* ونفسٍ وضيعه منها العـز منزوع

اجامل فلانٍ من الناس واسال
************* انسان غيره..دام لي فيه منفـوع

الهث ورا الدنيا ويغريني المال
************* متناسي ان المال للورث مجموع

وش تنفع الدنيا اذا قيست بحال
************ او عشت في وقتٍ بلا صوت مسموع

في عزتي .. مر الزمن عندي زلال
************ وفي ذل نفسي كل ما طاب لي جوع

للعز..في صيف العمر ..فـي وضلال
************ واذا عطشت اشرب من العز ينبوع

ناطحت بافعال الشرف شامخ جبال
************ مثل النخيل اوقف ولا اقبل خضوع

سمر الجباه بخافــقي عاشو امثال
************* ذكرى شغاميمِ بهم اجلي الصوع

صغار نفس .. كبار .. تكبر بالا فعال
************* تاريخهم يبكي '' ع'' فرقاهم دموع

ارجال ما باعو زكا النفس بالمــال
************* ماتوا.. ولكن .. خلفوا راس مرفوع

.................................................. ............................................
ت.ح.ي.ا.ت.ي
انغام بدوية
24-08-04, 08:29 PM
الأخت شموخ نجمة القصيدة (( عزة النفس )) لشاعر الوطن وشاعر ((قبيلة بني عبس )) الشاعر / مساعد الرشيدي
بالنسبة للقصيدة حامد زيد ربما تكون (( اذا كان قصدك تهين اسمي ))
الف شكر لك هذا الشموخ وفعلا انتي اسم على مسمى. وانتظري مشاركتي القادمة
شموووخ
25-08-04, 12:26 AM
.


بنت اهلها
انغام بدوية
*
*
كلامكم سليييييييييم ميه بالميه القصيدة لمساعد الرشيدي
وانا دايم ارددها بس من زود الطفاقة كتبت حامد زيد <======== ترى مانيب اصرف لاتظلموني

بغيتوا تاكلوني (q57)

*
*
اما قصيدة حامد عنوانها : التمثال
وآخر بيت يقول :

واذا قصدك تهين اسمي وتشمت بي العذال ,,,,,, حشا لا انته ولا غيرك ولا عشره من اشكالك

*
*
ملاحظة مهيب هامة :
انا مانيب شموخ نجد المشرفة (q23)

لذا وجب التنويه (qq81)

.
انغام بدوية
25-08-04, 01:21 AM
(qq57) لابغينا ناكلك ولاشي (qq57)
انغام بدوية
26-08-04, 05:42 AM
أستغفر الله ماترجيت غيره = اللي تشوف عيوننا معجزاته
مااريد أنا أخوض في كل سيره = كل ٍ كفاه الله على حفظ ذاته
من أشغلت فكره حكايات غيره = أنا اشهد أنه ماسعد في حياته
من يرجي الله شافت الناس خيره = بعده عن الفتنه.. رضى الله غناته
النفس دايم ياابن ادم غريره = وإيمان قلبك به لقلبك نجاته
دنياك لايغريك ملمس حريره = والمؤمن اللي خاشعٍ في صلاته
أعمارنا فيها سنينٍٍ قصيره = ياسرع مايمضي العمر يافواته
المحسن اللي صافي بالسريره = والخير في قلبه يقوي ثباته
الروح بالإيمان شمس منيره = ومن لايضر الناس هذي سماته
ياالله ياالمعبود من نستجيره = تبعد دروب أهل الفتن والشماته
وأجعل لنا بامرك رشدنا ذخيره = مانتبع الجاهل نسوي سواته

سلطانة السديري ....تحياتي
بنت اهلي
26-08-04, 06:06 AM
كان لك عزه فأنا عندي كرامه ... وماعلى المقفي ولو غالي ندامه

مدري لميـــــن بس دايــــــم على لســـاني ..
ت.ح.ي.ا.ت.ي
انغام بدوية
26-08-04, 06:29 AM
أستغفر الله ماترجيت غيره = اللي تشوف عيوننا معجزاته
مااريد أنا أخوض في كل سيره = كل ٍ كفاه الله على حفظ ذاته
من أشغلت فكره حكايات غيره = أنا اشهد أنه ماسعد في حياته
من يرجي الله شافت الناس خيره = بعده عن الفتنه.. رضى الله غناته
النفس دايم ياابن ادم غريره = وإيمان قلبك به لقلبك نجاته
دنياك لايغريك ملمس حريره = والمؤمن اللي خاشعٍ في صلاته
أعمارنا فيها سنينٍٍ قصيره = ياسرع مايمضي العمر يافواته
المحسن اللي صافي بالسريره = والخير في قلبه يقوي ثباته
الروح بالإيمان شمس منيره = ومن لايضر الناس هذي سماته
ياالله ياالمعبود من نستجيره = تبعد دروب أهل الفتن والشماته
وأجعل لنا بامرك رشدنا ذخيره = مانتبع الجاهل نسوي سواته

سلطانة السديري ....تحياتي

ملاحظة / القصيدة للشاعرة المعروفة سلطانة السديري
شموووخ
27-08-04, 12:00 AM
.


http://www.mowjeldoha.com/mix-pic/borders/www.mowjeldoha.com-borders-54.gif


راسي يبيلك برج ايفل تطوله .. .. لاصرت فوق البرج لاقيت راسـي

لاتحسبني بنت وهله جفوله .. .. ارعب انا دنيا نوت بافتراسـي

مترفعه عن ذي الحثاله جهوله .. .. ماشاقني تمثيل تحت الكراسـي

شوف الانوثه لاكساها رجوله .. .. مليون مثلك مايجيبون راسـي

http://www.mowjeldoha.com/mix-pic/borders/www.mowjeldoha.com-borders-54.gif


.
شموووخ
27-08-04, 12:09 AM
.

http://www.3roos.com/upload/c2bar.gif


وان كان لك بالنفس عزة عظيمة .. .. نفسي ترى والله ماارخص ثمنها

*
*

جرحتني جـرحٍ عميـق المعانـي .. .. رد السلف واجب وأنا ما أقبل الدين

لا تقول بنت وتنسحب في ثوانـي .. .. مثلي لمثلـك نـد والعيـن بالعيـن

*
*

ياشين مـن يمشـي بليـا كرامـه .. .. بين العرب محسوب رجّال رجّـاال


http://www.3roos.com/upload/c2bar.gif

.
شموووخ
27-08-04, 12:12 AM
.

بنت اهلها
انغام بدوية

اشكركم للاضافات (qq104) <====== هالايقونة مدري وش تبي بس لقيتها قدامي

.
شموووخ
12-09-04, 11:47 AM
.



http://home.att.net/~scorh2/Heart1a4.gif


يمين الله لا ابعثرها مشاعر فيك اذتني
ولااوريك ان نجوم الليل مختلفة عن نجومي

ولا اوطي شيمتك بارضٍ حروفك فيها سبتني
ولا اخلي الموت يمطر بك مذله داخل غيومي

انا ياما سمعت اقوال ولا ذكر يوم هزتني
ومن ياطى طرف ثوبي وربي ماعرف قومي

انا من قوم لاصالوا اشيل العز في متني
وارخي كل شموخ الناس بربعٍ عزهم دومي

انا همس الحروف اللي حروف الشعر غنتني
انا اللي من شرى طيبي عطيته دنيتي ويومي

انا فيني طفل أقشر وطيبة وين ودتني
انا ضدين في انثى ..اسابق بالزمن لومي

انا بنت الحياة اللي بقسوة حيل ربتني
وخلتني جبل صامد ..ابد ماهزه همومي

وقرادة حظك المايل طحت بعزةٍ جتني
وشموخ مارضى لي ذل وكسرٍ ساكن سهومي

انا اصلاً مالقيت سلوم رجاجيل بك اغرتني
وانا بنتٍ خذت مني القبيلة اصدق سلومي

ابنسى طيبتى وذوقي ومبادى فيني لمتني
وابنسى قلبي الطيب ..وابحرم داخلي نومي

لا اني حالفة لا اكسر مشاعر فيك اذتني
ولا اخلى الناس تضحك بك بظهرٍ بيّن نجومي

.
http://home.att.net/~scorh2/Heart1a4.gif

.
فوفي
13-09-04, 05:49 AM
بصراحه قصايد
رووووووووووووووووعه
وتسلمون عليها