قصيده مطلوب من الخاز باز تلحينه بعنوان (ماصار منا ظلم )

[فن القصيد]

طلب من أخينا الخاز باز تلحين هذه النصيحة

أخي العزيز خاز باز
السلام عليكم ورحمة الله وبركاته وبعد
هذه القصيده للشاعر / محمد بن فهد الجلعو د ( المشاعر ) والذي جادت مشاعره بهذه النصيحة :
لياضاق صدري سهرتي مع رجاجيل = ماني من اللي سهرته مع بناتي
والراس لامنّه خوى بالفناجيل = بنٍّ حمر للراس في معضلاتي
ماني من اللي يهدر المال بالليل = يشري ذهاب العقل وإيا الحياتي
مايعرف الله في صلاة التنافيل =والفرض وآجد سجلوا له فواتي
ولطاعة امه والأبو مالقى حيل = ولشلته عزمه من القلب ياتي
تبكيه أمه والأبو هده الحيل = ولادرى باللي جرى بالحياتي
ابوه عقب العز وتقليطه الحيل =اليوم ماسك في يدينه عصاتي
وعيون امه كن فيها محاحيل =تذرف دموعه لين حد الشفاتي
الجاهل اللي حملوه المكاييل = اصبح رهينه في يدين العصاتي
يالله طلبتك تدمح الهم وتزيل = ماصار منّا ظلم للوالداتي
ولأبواننا يارب منا قناديل = توضي لهم بالقبر أحلا ضواتي
آمل من أخينا تلحينها على أحسن وجه وإبداع
وتقبلوا تحيات أخوكم
فن القصيد