ممكن مساعده ياصبايااااا

[ألماسه الحساسه]

السلام عليكم ورحمه الله وبركاااته...
فرفوشات المنتدى ابيكم تساعدوني..
انا سويت تقشير واستمريت عليه ثلاث اسابيع حسب تعليمات الدكتوره
بعد ماانتهى التقشير طلع بوجهي بقعه بنيه وعند شفايف
رحت للدكتوره وقلت لها وعطتني مقشر ثاني واقوى من اللي قبل اخذته
وقريت النشره اللي جواته لقيت مكتوب فيها عدم تعرضك للشمس وعند تعرضك لقدر بسيط من اشعه الشمس سوف تتحول النتائج الى الاسوء ورحت للدكتوره وقلت لها وعصبه علي قالت لي حطيه باليل ومايضر وحطي واقي((وشلون مايضر والبشره تتشربه ))
وانا طبعا اداوم فصعب استخدمه
فأبي منكم وصفه طبيعيه لهذا البقع اذا سمحتوا....
فلكم جزيل الشكررر.....

[عذبة الإحساس]

؛

صباح الخير يا غاليه ..

أول شي سلامتك الف سلامة ..
ثانى شي أبيك تعرفين أن أحنا مو طبيبات ولا راح نفهم أكثر من الأطباء ..
لكن راح نحاول نساعدك باللى نقدر عليه ..
المفروض اى معالجه للوجه من تقشير او ليزر تحاولين ماتتعرضين للشمس قد ماتقدرين ..
التقشير بالذات .. معناه شيل الطبقه الأولى من الجلد وتظهر مكانها طبقه رقيقه حساسه جداً للجو
مهم جدا حمايتها .. لو راح تحطين المقشر لازم فعلا ماتتعرضين للشمس
ممكن تحطينه بعد ماترجعين للبيت من الدوام .. بشرط ماتطلعين أو بالليل لين الصبح
فيه كريم حلو جدا اسمه ميبو هذا خاص للحروق ويساعد على ترميم البشره من مواد طبيعيه أنا مجربته
وما ودى انصحك بأى شي ثانى .. أخاف يضر ما ينفع
وبالنسبه للطرق الطبيعيه لازاله البقع راح ادور لك وارجع ..

خالص الود عزيزتى

؛

[توتة]

سلامات عزيزتي ألماسه
ماعندي خبره ولاأقدر افيدك
إن شاء الله الأخت عذبه أفادتك
راح أنقله لقسم الأمراض الجلدية

.,.