حلا بالقصدير..... مع صور

[بنت السليم]

السلام عليكم ورحمة الله وبركاته

اولا وقبل كل شي احب اقول لكم اني ماخذه هالموضوع من هذا الموقع

موقع عرق الاثله (http://www.3erg.com/modules/news/)

للأمانه فقط

ثانيا : طريقة هالحلا سهله وما يبيلها شي

واهم شي ان يكون لتس نفس لـ الشغل وغسيل المواعين :cl:


المكونـــــــــــــــات

http://www.3erg.com/kakoo/K1.jpg

مثل ما تشوفون بسكوت شاهي - كاكاو نستله - زبده

- حليب نيدو او اي حليب بودره - بيالة مويه

http://www.3erg.com/kakoo/K2.jpg

نجيب الزبده ونحطها في القدر ونشب عليها النار لين تذوب .. بعدين نجيب بياله مليانه

مويه ونكبها في القدر


بعدين نجيب كاس جبن كبير(a24) (اي كاس ) ونملاه حليب (بودره) ثم نكبه في القدر ونحاول نحركه

لين يتداخل بعدين نجيب كاس ثاني ونملاه ككاو نستله ونكبه في القدر ثم نسكر عنه النار

ونبدى نحركه لين يتداخل مع بعض , مثل كذا

http://www.3erg.com/kakoo/K3.jpg

بعد مايختلط ويصير مثل ذا الشكل نجيب بكسوت الشاهي ونكسره كسر صغيره

http://www.3erg.com/kakoo/K4.jpg

ثم نحرك اللين يختلط البسكوت مع الكاكاو

http://www.3erg.com/kakoo/K5.jpg

.. بعد كذا تبي تحسين ان الخلطه ثقلت وبهذا نكون شبه خلصنا .. ثم نجيب القصدير

http://www.3erg.com/kakoo/K6.jpg

نفرش القصدير ثم نكب عليه الخلطة ونفرشها بذا الشكل .. ثم نطوي القصدير عليها

http://www.3erg.com/kakoo/K7.jpg

الحين بعد ما طويناها نحطها في الفريزر ونخليها فيه لين تجمد او لين تحس انها
يبست

http://www.3erg.com/kakoo/K8.jpg

قطعيه بذي الطريقة وقدميها مع القهوه وتبي تاكل صوبعك من طعمها

شوفي اذا كنتي تخافين لا تسمنين انصحك لا تسوينها لانك ما تقدرين تقاومين

وجعلكم تبلعونها بالعافيه

[اشراقه]

الله يعافيك اختي
مشكوره اسماء:)

[هبه]

سلمت يدينك على النقل الحلو

[بنت السليم]

تسلمون على الردود الحلوه

بس ما قلتو ضبطت معكم

[nbbare]

تحياتي
انا افكر ان طعم الحليب مزبطها



طلال

[بنت نجد]

بسم الله الرحمن الرحيم

السلام عليكم ورحمة الله وبركاته

الغالية .. أسماء

تسلم أناملك اللي نقلت لنا هالحلى الطيب ..:)

وننتظر جديدك ياعسل ...

حفظكِ الله

محبتكِ

بنت نجد

(j)

[أم أديم]

والله شكل الحلى لذيذ


تسلمين يالغاليه


على مجهودك


لا عدمناكِ


:rolleyes:

[بنت السليم]

هلا اخوي طلال

انا افكر ان طعم الحليب مزبطها
لا ياخوي ما ابيك تفكر جرب وقل وش الي مزززبطها

بنت نجد

ان شاء الله بتشوفون الي يرضيكم

قصيميه

والله شكل الحلى لذيذ

والله مهب ماخذ من وقتك ولا ربع ساعه

ولا عدمتس يا الغاليه

[سيف العداله]

:p

رهييييييبه هالخلطه من عرق الاثله

مهبل القصمان (aqwa)

[بنت السليم]

سيف الشجاعه

وانت في كل موضوع لازم ترد

تصدق كنت متوقعه انك اذا رديت بتقول

تشكرات كثيرات:rolleyes:

مهبل القصمان
وشلون مهبل بهم

[أبو سديم]

السلام عليكم ورحمة الله وبركاته

شكرا أسماء على الوصفة


ترى الطريقة مجربة

أم سديم الله يحفظها زبطتها قبل فترة يمكن والله قبل شهرين وحولها

ياهي شئ

شكلي هالحين أبي أزبطها ، وأزبط القهوة أعزم أم سديم

ياكنها تبي تنقهر وتبي تقول كيف سويتها

طبعا ما تدري أن سموية ماعندها لعب ما فيه طبخة ولا حلى إلا وتعرضها على البشكة

على فكرة تراني أزبط حلى فراولة ياهو شئ حتى الشباب في المخيم يوم يشوفوني على طول أبوسديم جبت الحلى

ومرات أتغلى عليهم


تشكرات كثيرات

أخوكم أبو سديم

[بنت السليم]

هلا والله ابو سديم

والله ردك حركات وخلفيات ومدري ايش

وام سديم الله يهديها ما سوتها الا مره وحده لا وقبل شهرين بعد

انا كل يومين او ثلاته اسويها لانها سهله وتعجب البزران

طبعا ما تدري أن سموية ماعندها لعب ما فيه طبخة ولا حلى إلا وتعرضها على البشكة

الصراحه ما فهمت وشو (سموية,البشكه)

ممكن توضح

وحلا الفراوله اللي تضبطه عطنا الطريقه كوده يعجبنا

وتشكرات كثيرات اكثر من تشكراتك على هالرد

[طموح]

مشكووووووره تسلم يمينك
إلي حطت هالموضوع
جربته من قبل والله
حلو إلي ماجربه يجربه
ماراح يندم بإذنه تعالى

[ضايق صدري]

جزاك الله الجنه اختي اسماء
بس ما قلت كم كيسة بسكوت احط

[بنت السليم]

طموح

هلا والله فيتس

ولو انه مهب حلو كان ما حطيته

تسلمين عالمرور

...............

ضايق صدري

غير شاكره لمرورك

[ضايق صدري]

ما قلتي كم بسكوت احط

[ضايق صدري]

.

[لــمــيــاااااء]

يعطيك العافيه وتسلمييييييييييين على الحلا ياالحلا انتي ...

تصدقين عاد ... اليوم بيسيرون علينا بنيات الفريق ... ومتعيجزة اسوي لهم شي ..

لكن هالاكله ... حلوة وخفيفه .... تسلمين ياالمنقذه ... لانج انقذتيني ........

بس ابي اسالج !!! مااحط معاها سكر ؟؟!!!

[ضايق صدري]

لمياء انا بقولك بدال اسماء
اتوقع انه مو لازم سكر لان الكاكاو(نسكويك)حالي فما يحتاج سكر
انا ما ادري بس اتوقع يا ليت لو يطلع توقعي صحيح