القــــشرة .. عذابـي

[عيون البحرين]

السلام عليكم
شلونكم



باختصار شديد وبدون مقدمات ..

انا القشرة في فصل الشتاء تأذيني .. تتكون لي على شكل قرحة مليانه قشور ..

واذا قشرتها يطلع منها دم ..



والله تعبت من العلاج


شاسوي؟؟

[أخت القمر]

الحناء ممتاز جدا للقشرة اذا كنت ماتصبغين شعرك

وفيه شامبو زيتيون للقشرة ماجربته لكن وحده تمدحه

وحده تقول تطحنين محلب طحن ناعم جدا وتحطينه بشوي ماء وتفركين فروة الراس تقول جربته مرتين وانقطعت

والاحسن تروحين لدكتورة جلدية عشان تعرف سبب القشرة وتعطيكِ العلاج المناسب

اتمنى اني افدتكِ

[abuadybf]

يا عيون البحرين / عليك بالحنا مخلوطا معه قشر الرمان المطحون فهو علاج نافع للقشرة

[مصرية جدعة]

فعلا كما قال الاخوان الحنة رائعة رائعة مضاد فطرى رهيييييييييييب وتجنبى الماء الساخن ع الشعر فاتر فقط لا تدهنى فروة الشعر بالزيت كثيرراا حتى لا يعوق تنفس الشعر

[abuadybf]

وهناك شامبو نتائجه طيبة اسمه ( vavo)

[ساميوو]

اخوي اهلين وسهلين فيك
اولا لاتسبح بموية حارة لانة تضعف القشرة بشكل جنوني
وكما ذكر الحناء علاج فعال جدا
تحياتي

[ساهرة العيون]

مافيه احسن من خل التفاح
اسئل مجربه ولاتسأل طبيب
يخلط مقدار ملعقتين من الخل مع اربع ملاعق ماء ويترك على الشعر لمد 3 دقائق ويغسل
مرتين ويروح نهائي بس ريحته مقررررررررفه لكن الفايده رووووووووووووووعه
وغسل الشعرلايكون بماء حار الافضل يكون مائل للبروده

[عيون البحرين]

لكم كل الشكر اخواني ..

وبالنسبة لج اختي ساهره العيون ..
انا مو بس قشره

الا فيه نوع القشرة متجمعه على شكل حبه(مستواها مرتفع عن فروة الرأس)

وتسبب لي حكه احيانا ويطلع منها دم

انا متزوجه واذا اقعد مع زوجي انحرج منها وايد

ارجوج خبريني بأقرب فرصه ونصحيني

اختج عيون البحرين

ودمتِ بخير

[محرقيه]

الصراحة انا اعاني من نفس المشكلة
كما ذكرو الاخوان والاخوات الحنه مفيدة للشعر
ايضا استخدمي شامبو ضد القشرة لغسل الشعر
انا استخدم شامبو اسمها sunsilk
جربتها و فادتني وايد
اتمنى انج تجربينها و تشوفين النتيجه
مشكور على الموضوع
والله يعطيج العافيه
عندي سؤال لج
هل يتساقط شعرك لدرجة انه اصبح خفيف؟

[عيون البحرين]

ايه والله خويتي شعري صاير وايد ضعيف
يتساقط بشكل مو طبيعي


حتى قصيته

مادري شنو الحل والله

[محرقيه]

الصراحة انا ما اعرف الحل
ليش ما تشتشرين اخصائي الجلد
الصراحة انا اعاني من هذه المشكلة
لدرجة ان شعر خفيف
ما بقت تجربة وما جربتها
بس ما في فايدة
اوكي اختي عندي نصيحة
وهي اذا بتحطين الحنة
دعيه في شعرك لمدة 4 ساعات و حطي فوقه نايلون
واذا بتغسلينه لا تغسلينه بالشامبو
لانه الشامبو راح تيبس الشعر
عشان جذيه حطي حمام زيت او بلسم
عشان الين الشعر


عندي ليج سوال يا اخت عيون البحرين
هل نوعية شعرج جافة ؟
اذا جافة عندي لج نصيحة
وهي عندما راح تغسلين شعرك
قبل غسلة خمري(حطي) في شعرك زيت ويفضل زيت الزيتون
لمدة ساعتين
وبعد الساعتين اغسليه
وهذه لمنع تساقط الشعر
اتمنى انج تستفدين من النصايح

[سهران ياليل]

في شامبو بالحناااااء ضد القشرة يمدحوه للقشرة وأعتقد أفضل شيئ تغسيل الشعر كل يوم حتروح القشرة والله يعينك

[بنت النماص]

بالنسبه لي جربت خل التفاااااااااااح وجد علاج فعال

تحياتي

[غريب الماضي]

عليكم السلام
أختي " عيون البحرين "
ليش تتطولينها وتخلينها " عذاب "
روحي للطبيب وخذيـ منه العلاج
مباشرة وأكسبي الوقت في العلاج
وتأكدي أن كل ماسوف تقرأينه
من نصائح وأستخدامات ماهي إلا أجتهادات
لا أكثر خذي علاجكـ من طبيبكـ
وأرتاحي

[منشرح الصدر]

أختي الكريمة أنا كتبت موضوع عن زيت عشبي للشعر وهو على هذا الرابط :
http://www.qassimy.com/vb/showthread.php?t=103244

[ساهرة العيون]

بصراحه خل التفاح منظف للشعر من كل شي جربيه ماراح تندمين

[برتقانه]

خل التفاح زين للشعرالمصبوغ ولا لا لان يقولون انه يغيراللون مادري اناحيرانه لان شعري المصبوغ فيه قشره

[مصفوقه بطاسه]

عيون البحرين

فهمت من كلامك انه هذا اسمه مرض الصدفيه

هذي وحده من قريباتي كذا نفس حالتك بس تعالج عند اخصائي جلديه

بس لمجرد التخفيف ولا ماله اي علاج لحد الآن

الأفضل لك اختي تروحين للأخصائي يكشف مدى تقبل الحاله للعلاج

كلما ابكرتي كلما كان الموضوع في صالحك

اتمنى قلت لك شي يفيدك

ودمتي

[عيون البحرين]

اسم الله علي هذي مو صدفية ...
قالي الدكتور هاي قشرة
انا رحت عند اخصائي وكتب لي وصفة

شامبو ريحته كريهه .. حسيت انه ياب نتيجة بس مو وايد

وواااااايد من اهلي صار لهم مثلي ونصحوني بخل التفاح


بس انا اخاف انه يحرق الجلد ؟؟ ولا عادي مافيه حرارة ؟؟

لانه اعتقد نكهته حامضة فتكون حارة عالجلد

[ساهرة العيون]

مافيه شي خل التفاح اخلطي نصف كاسه شاهي خل التفاح والنصف الثاني مويه
واتركيه على شعرك لمدة 3دقائق وبعدين اغسليه بالشامبو مرتين بالاسبوع وينتهي تماما
************************************************** ****
وبالتوفيق